Barranin
Jiddgħajjef id-Dollaru minħabba aspettattivi dwar ftehim kummerċjali bejn l-Istati Uniti u ċ-Ċina

Id-Dollaru ddgħajjef hekk kif il-muniti marbuta mal-prodotti essenzjali avvanzaw f’negozju ta’ riskju mqajjem minn aspettattivi dejjem jiżdiedu dwar ftehim kummerċjali bejn l-Istati Uniti u ċ-Ċina, żejt ogħla u spekulazzjoni li l-banek ċentrali ser jieħdu aktar azzjonijiet biex jagħtu spinta lit-tkabbir ekonomiku.

L-Ewro żdied b’0.25% kontra d-Dollaru għal €1.1470 wara li kien qed jiġi nnegozjat fil-firxa ta’ bejn €1.1437 u $1.1479 f’volum modest. L-Ewro żdied 0.07% kontra l-Isterlina; 0.18% kontra l-Yen u ma kellux ċaqliq kontra d-Dollaru Kanadiż. L-Ewro tilef 0.18% kontra d-Dollaru Awstraljan u 0.14% kontra l-Frank Żvizzeru.

Indiċi

L-indiċijiet Ewropej irkupraw. Il-FTSE 100 żdied b’1.04%; l-iSTOXX b’1.04%; id-DAX b’1.34% u l-CAC 40 b’1.39%.

Id-Dow Jones fetaħ b’żieda ta’ 0.41% u l-indiċi tal-Borża ta’ Malta avvanza b’0.110%.

Ishma

Fis-settur tal-ishma lokali, il-FIMBank u l-HSBC Bank Malta għalqu b’żieda ta’ 1.41% u 0.58% rispettivament. Il-GO, il-Malta International Airport u Simonds Farsons Cisk ma kellhom ebda bidla. Il-Bank of Valletta u l-Malita Investments tilfu aktar minn 0.30% u għalqu €1.30 u €0.86 rispettivament.

Bonds

Fis-sessjoni tal-Bonds, it-Tumas Invesments 2024, il-Grand Harbour Marina 2027, l-iStivala Group Finance 2027 u l-Hili Finance Company  2028 żdiedu b’aktar minn 0.30% bit-Tumas Investments juru żieda ta’ 0.76% għal €109.33.

Sadattant, il-Mediterranean Maritime Hub Finance 2026, in-1923 Investments 2024 u l-Medserv 2026 tilfu 0.67%, 1.44% u 1.46% rispettivament.

Iż-żejt Brent żdied bi 2.71% għal €60.28 waqt li l-U.S. Light crude wera żieda ta’ 2.99% għal $51.26.

Kien hemm żieda ta’0.03% fid-deheb għal $1,280.75waqt li l-fidda avvanzat b’0.16% għal $15.67770.

Aħbarijiet Oħra
Barranin

Muniti L-ewro qed jiġi nnegozjat kontra d-dollaru ‘l fuq minn $1.1300, u qed jipprova jirkupra wara l-waqgħa ta’ nhar il-Ġimgħa. Iż-żieda hija parzjalment dovuta għall-korrezzjoni u parzjalment tweġiba għat-tagħrif tajjeb…

Barranin

Id-Dollaru tbaxxa kontra basket ta’ muniti waqt li l-Isterlina żdiedet bi ftit mal-aħbar li l-Prim Ministru Theresa May irnexxielha tikseb ftit taż-żmien ieħor biex tirrisolvi meta u kif r-Renju Unit…

Barranin

Muniti L-Isterlina estendiet it-telf tagħha u s-suq tad-derivattivi wera aktar dgħufija minħabba li qed tikber il-biża’ li jista’ ma jkunx hemm ftehim dwar il-Brexit hekk kif il-membri parlamentari qed iżommu…

Barranin

L-irkupru tal-ewro naqas matul din il-ġmgħa. L-IFO baxxa t-tbassir ta’ tkabbir għall-Ġermanja, 0.6% għal din is-sena, waqt li l-istatistika ekonomika mill-Istati Uniti kienet imħallta u ma tat ebda gwida ta’…

Aktar