Barranin
Jirkupra d-dollaru wara li kien laħaq lanqas rata

Muniti Kontra l-Ewro

Id-dollaru rkupra llum, wara li kien laħaq lanqas rata f’aktar minn ġimagħtejn hekk kif il-bankiera ċentrali tal-Istati Uniti wrew li qed iħarsu b’attenzjoni lejn l-inflazzjoni mgħejjuna minn tnaqqis kbir fil-valur tal-Isterlina. L-Isterlina tilfet tliet kwarti ta’ ċenteżmu wara li n-negozjatur ewlieni tal-Unjoni Ewropea dwar il-Brexit qal li t-taħditiet jinsabu weqfin, u b’hekk kabbar ir-riskji politiċi għal munita li tilfet 12% mir-referendum dwar il-Brexit.

Indiċijiet

Fil-ftuħ illum, id-Dow Jones tilef 0.11%. L-FTSE 100 żdied b’0.25% minħabba sterlina dgħajfa. Id-DAX żied 0.08% waqt li kien hemm tnaqqis ta’ 0.13% fil-CAC 40.

Ishma Lokali

L-ishma lokali kienu b’mod ġenerali f’territorju pożittiv bil-MaltaPost fuq quddiem b’żieda ta’ 3.07%. L-HSBC Bank Malta u l-International Hotel Investments żdiedu bi 2.76% u 2/33% rispettivament.

Bond lokali

Il-bonds lokali llum kienu mħallta bl-International Hotel Investments 2026 (it-tieni serje) u Simonds Farsons Cisk 2027 jiżdiedu bi 2.49% u 0.97% rispettivament.

Economic indicators

L-għadd ta’ persuni li applikaw għall-għajnuna dwar il-qgħad fl-Istati Uniti l-ġimgħa li għaddiet naqas aktar milli kien mistenni. Huma naqsu bi 15,000 għal 243,000. Id-Dipartiment tax-Xogħol qal li fix-xahar ta’ qabel l-għadd ta’ 258.000.

Il-prezzijiet tal-produzzjoni fl-Istati Uniti f’Settembru żdiedu bi 2.2% hekk kif il-prezz tal-petrol kellu l-akbar żieda f’sentejn fosthom minħabba t-tnaqqis fil-produzzjoni minħabba l-uragan li laqat lil Texas.

Prodotti Essenzjali

Il-prezzijiet taż-żejt waqgħu hekk kif l-inventarji tal-fjuwil fl-Istati Uniti żdiedu minkejja l-isforzi tal-OPEC biex tnaqqas il-produzzjoni. L-OPEC u produtturi oħrajn inkluża r-Russja s-sena li ghaddiet qablu li jnaqqsu l-produzzjoni  b’1.8 miljun barmil kuljum biex jiżdiedu l-prezzijiet.

Il-prezz tad-deheb żdied għall-ogħla livell f’ġimagħtejn hekk kif iddgħajjef id-dollaru qabel ma joħorġ ċ-ċifri tal-infazzjoni fl-Istati Uniti li mistennija jagħtu aktar ħjiel dwar il-politika monetarja. Aktar tard id-deheb tilef 0.08%.

Aħbarijiet Oħra
Barranin

Muniti Il-Bank Ċentrali Ewropew qal illum li ser itemm l-iskema bla preċedent tiegħu ta’ xiri ta’ bonds sa tmiem is-sena, u b’hekk għamel l-akbar pass sabiex iżarma l-istimulu ta’ żmien…

Barranin

Muniti L-Ewro llum ma ċċaqlaqx kontra d-Dollaru u baqa’ jiswa $1.1796 għax is-swieq ftit li xejn raw miżuri konkreti ħerġin mis-summit bejn l-Istati Uniti u l-Korea ta’ Fuq u qed…

Barranin

L-ewro żdied għall-ogħla livell f’ġimagħtejn wara assigurazzjoni mill-Italja li mhix ser titlaq mill-Unjoni Ewropea u dan ikkalma lill-investituri qabel laqgħa importanti tal-Bank Ċentrali Ewropew. Il-Ministru tal-Ekonomija Taljan qal ilbieraħ li…

Barranin

Muniti L-Ewro żdied għall-ogħla livell f’10 ijiem wara li uffiċjali qalu li l-Bank Ċentrali Ewropew jista’ jwaqqaf il-programm ta’ stimulu tiegħu sa tmiem 2018 u li l-inflazzjoni kienet qed tiżdied…

Aktar