Barranin
Jitbaxxa l-prezz tad-deheb u jogħla taż-żejt

L-Isterlina baqgħet qrib l-ogħla rata fi kważi ġimagħtejn, miexja mad-dollaru u żdiedet kontra l-ewro minkejja li hemm xettiċiżmu dwar il-prospetti ta’ tranżizzjoni bla tfixkil għar-Renju Unit fin-negozjati dwar il-Brexit.

L-Isterlina laħqet l-ogħla livell mis-27 ta’ Frar din il-ġimgħa, mgħejjuna minn valutazzjoni tajba dwar l-ekonomija Ingliża mill-Ministru tal-Finanzi Philip Hammond u mid-dgħufija usa’ tad-dollaru minħabba t-tkeċċija mill-President Trump tas-Segretarju tal-Istat Rex Tillerson.

L-ewro tilef 0.28% kontra d-Dollaru u l-Isterlina u d-doppju ta’ dan kontra l-yen. Il-munita unika żdiedet kontra d-dollari tal-Awstralja u tal-Kanada waqt li baqgħet l-istess kontra l-frank Żvizzeru hekk kif l-Iżvizzera ħabbret li ser iżomm ir-rata tal-interess ta’ referenza f’0.75% taħt iz-zero (-0.75%).

Indiċijiet

L-ishma Ewropej żdiedu fin-negozju bikri mgħejjuna minn riżultati tajbin minn kumpaniji inklużi dawk kbar tal-assigurazzjoni, Munich Re and Generali u Old Mutual. Id-Dax żamm iż-żidiet matul il-ġurnata u baqa’ fuq quddiem fl-Ewropa. L-iStoxx 50 u l-CAC 40 it-tnejn żdiedu b’0.31%. Id-Dow Jones fetaħ taħt il-limitu ta’ 25,000 b’żieda ta’ 0.41%.

L-indiċi tal-Borża ta’ Malta kellu żieda ta’ 0.775% bl-aħjar li marru kienu l-International Hotel Investments li żdiedu bi kważi 7%.

Prodotti Essenzjali

Il-prezz tad-deheb tbaxxa, taħt pressjoni minn dollaru aktar b’saħħtu għalkemm it-tensjonijiet bejn ir-Renju Unit u r-Russja illimitaw it-tnaqqis fil-prezz, jum wara li kien laħaq l-ogħla livell f’ġimgħa.

Il-prezz taż-żejt żdied wara telf bikri, sostnut minn żieda fis-sweiq finanzjarji, iżda illimitat minn evidenza li l-provvista ser tkun aktar mid-domanda din is-sena.

Aħbarijiet Oħra
Barranin

Id-Dollaru Amerikan żamm maż-żidiet wara li tela’ mill-inqas rata fi tliet ġimgħat hekk kif it-tnaqqis fit-tensjoni dwar gwerra kummerċjali kabbar is-sentiment għar-riskju fost l-investituri. Is-swieq finanzjarji fl-Istati Uniti kienu mgħejjuna…

Barranin

L-ewro llum qabeż id-$1.24 għall-ogħla rata fi tliet ġimgħat wara li dejta ekonomika tajba ferm miċ-Ċina u tnaqqis fit-tħassib dwar aktar attakki Amerikani fis-Sirja reġgħu qanqlu s-sentiment ta’ riskju, għalkemm…

Barranin, Lokali

Il-Fimbank ħareġ aktar minn mitejn miljun ishma ġodda bi dritt għall-azzjonisti tiegħu Il-bank jittama li b’din ir-rights issue, l-azzjonisti tiegħu jżidu l-investiment tagħhom fil-bank b’mija u erbatax-il miljun Dollaru Amerikan….

Barranin

Id-dollaru laħaq l-ogħla rata f’sitt ġimgħat kontra l-Yen illum hekk kif naqset il-kawtela dwar intervent militari mill-Punent fuq is-Sirja bl-investituri qed jistennew rapporti finanzjarji tajbin minn kumpaniji Amerikani. Id-dgħufija tal-Yen,…

Aktar