Jitbaxxew il-bonds tal-Gvern Taljan minħabba l-inkwiet fi ħdan il-koalizzjoni

L-ewro ma kellu ebda movement kontra d-dollaru. Nuqqas ta’ statistika ekonomika u żviluppi maġġuri dwar it-tilwima kummerċali Amerikani żammew liż-żewġ muniti taħt kontroll bejn id-$1.1250 u d-$1.1188. L-ewro ftit wera reazzjoni għall-aħbar li l-Gvern Taljan jinsab qrib li jaqa’ wara li l-mexxej tal-Lega, Matteo Salvini, qal li l-koalizzjoni mal-Moviment Cinque Stelle mhijiex tenibbli u appella għal elezzjoni ġenerali.

L-ewro żdied b’0.12% kontra l-Isterlina, 0.06% kontra d-Dollaru Kanadiż u 0.03% kontra l-Frank Żvizzeru. Sadattant l-munita tilfet 0.01% konra d-Dollaru Awstraljan u 0.04 kontra l-Yen.

L-ishma Ewropej ċċaqilqu u l-bonds tal-Gvern Taljan tbaxxew sewwa għax il-koalizzjoni tinsab fl-inkwiet. L-ishma globali qed itemmu l-ġimgħa jitħabtu biex jirkupraw mill-waqgħa ta nnhar tt-Tnejn hekk kif qed ikompli t-tħassib li ċ-Ċina tista’ tkompli tħalli lill-munita tagħha tiddgħajjef. Il-FTSE 100 tilef 0.23%; l-iSTOXX 50 b’0.56%; id-DAX b’0.51% u l-CAC 40 tbaxxa b’0.45%.

Iż-żejt Brent żdied b’0.12% għal $57.45 u l-United States West Texas Intermediate żdied b’0.11% għal $52.60.

Id-deheb avvanza b’0.09% għal $1,502.26. Il-fidda telgħet b’0.51% għal €17.02.

Matul il-ġimgħa li ġejja mistenni li toħroġ din l-istatistika u rapporti. Nhar it-Tlieta ikun hemm l-Prezzijiet tal-Konsumatur mill-Ġermanja r-Rata tal-qgħad fir-Renju Unit u l-Indiċi tal-Prezzijiet għall-Konsumatur fl-Istati Uniti.

L-Erbgħa joħroġ l-indiċi tal-prezzijiet għall-konsumatur fir-Renju Unit; il-Prodott Domestiku Gross mill-Ġermanja u l-Prodott Domestiku Gross Ewropew.

Nhar il-Ħamis mill-Istati Uniti joħorġu ċ-ċifri tal-bejgħ bl-imnut u l-bidla fl-impjiegi u r-rata tal-qgħad mill-Awstralja.

Aħbarijiet Oħra
Barranin

Din hija l-ġabra ta’ aħbarijiet finanzjarji ta’ kull nhar ta’ Ġimgħa miġbura minn BNF Bank. Muniti Id-dollaru kien imwaħħal f’firxa dejqa, sostnut mill-flussi f’assi sikuri hekk kif il-qawmien mill-ġdid tal-coronavirus…

Barranin

Id-dollaru llum tbaxxa għall-inqas rata f’ġimgħa kontra r-rivali tiegħu hekk kif statistika ekonomika tajba mill-Istati Uniti u mill-Ewropa saħħew is-sentiment ta’ riskju, b’tamiet għal vaċċin kontra l-Covid-19 ikomplu jgħinu s-sentiment….

Barranin

Muniti Statistika ekonomika Ewropea tajba xprunat is-sentiment ta’ riskju llum, waqt li tilef l-ewro u l-indiċi tad-dollaru żdied xi ftit hekk kif  is-swieq finanzjarji bbilanċjaw tamiet għal rkupru ekonomiku globali…

Barranin

Muniti Grupp ġdid ta’ statistika ekonomika ħażina żammet lill-ewro u lill-isterlina taħt pressjoni hekk kif tbaxxa s-sentiment minħabba l-biża’ ta’ postijiet ġodda ta’ imxija qawwija tal-COVID-19 madwar id-dinja u li…

Aktar