Barranin
Jiżdied l-Ewro wara li l-Italja qalet li mhux se titlaq mill-Ewro

L-ewro żdied għall-ogħla livell f’ġimagħtejn wara assigurazzjoni mill-Italja li mhix ser titlaq mill-Unjoni Ewropea u dan ikkalma lill-investituri qabel laqgħa importanti tal-Bank Ċentrali Ewropew. Il-Ministru tal-Ekonomija Taljan qal ilbieraħ li l-Gvern ta’ koalizzjoni ġdid mhux ser jitlaq mill-Ewro jew joħroġ bonds biex iħallas lill-kumpaniji li għandhom jieħdu mingħand il-Gvern, pjan li l-investituri kienu iqisu bħala l-ewwel pass biex l-Italja toħroq mill-blokk.

Dan wassal biex l-interessi fuq is-self fl-Italja tbaxxew sewwa hekk kif l-Ewro żdied b’0.22% għal $1.1792.

L-Ewro żdied kontra l-Frank Żvizzeru wara li l-votanti ma laqgħux pjan li s-sistema finanzjarja Żvizzera tkun riformata. L-Ewro żdied ukoll b’0.49% kontra l-isterlina u 0.56% kontra l-yen.

Indiċi

 L-ishma bankarji Ewropej u l-ishma Taljani żdiedu  wara l-wegħda tal-Italja li ser tibqa fiż-żona tal-Ewro, u dan warrab it-tħassib tal-investituri li ż-żona tisfaxxa u saħħaħ is-sentiment wara l-inkwiet fil-laqgħa tal-G7.

Żdied il-prezz tal-ishma bankarji Ewropej bl-iSTOXX 50 juri żieda ta’ 0.33% waqt li l-FTSE 100 żdied b’0.58%. Id-Dax kellu żieda ta’ 0.06%. L-indiċi tal-Borża ta’ Malta tilef 0.22%.

Ishma Lokali

Il-MIDI, il-Mapfre Middlesea u l-RS2 Software kollha żdiedu bil-MIDI turi żieda ta’ 2.38%. Il-Bank of Valletta, l-HSBC Bank Malta u l-Lombard Bank Malta kollha kellhom tnaqqis ta’ aktar minn 0.80%.

Bonds Lokali

Fil-qasam tal-bonds lokali, il-Grand Harbour Marina, Simonds Farsons Cisk, Gasan Finance u l-MeDirect kollha żdiedu bil-Grand Harbour Marina jiżdiedu b’0.86%..

Il-Bank of Valletta 2020 tilfu 0.96%; l-International Hotel Investments 2025 tilfu 1.27% waqt li l-Bank of Valletta 2030 (it-tieni serje) tilfu 1.45%.

Il-prezz tal-Brent illum tilef 0.48% waqt li l-metalli prezzjużi kienu qed jigu negozjati stabbli bid-deheb jitlef 0.06% waqt li il-fidda żdiedet b’0.08%.

Aħbarijiet Oħra
Barranin

Muniti Id-dollaru kien aktar baxx kontra l-parti l-kbira tal-muniti tal-Grupp tal-10 hekk kif il-Yen u l-Frank Żvizzeru avvanzaw minħabba tħassib dwar il-kummerċ, waqt li l-Isterlina ssaħħet għax l-investituri biegħu l-munita…

Barranin

L-Isterlina tbaxxiet għall-inqas rata tagħha fi kważi 18-il xahar waqt li kien hemm irkupru fil-bonds tal-Gvern Ingliż hekk kif kien irrapportat li l-Prim Ministru Ingliża Theresa May ħassret vot kruċjali…

Barranin

Il-ġimgħa li għaddiet l-ewro għadda minn fażi ta’ konsolidament kontra l-Isterlina wara dak li deher li kien laħaq qabeż l-inqas livell minn Awwissu. Dan iżda kien falz. Minn dak iż-żmien,…

Barranin

Muniti Iż-żona ewro mhux qed turi ebda sinjali ta’ tisħiħ ekonomiku bl-Italja f’xifer ta’ riċessjoni wara li l-gvern populista daħal f’battibekk mal-awtoritajiet Ewropej dwar il-pjanijiet tal-infiq. Bħalissa s-sitwazzjoni fir-reġjun magħmul…

Aktar