Barranin, Lokali
Jiżdied l-ewro wara li naqset it-tensjoni fl-Italja

L-ewro llum żdied wara li naqset it-tensjoni politika fl-Italja u dan sostna rkupru fis-sentiment ta’ riskju hekk kif it-tħassib dwar gwerra kummerċjali bejn l-Istati Uniti u ekonomiji maġġuri oħrajn jidher li naqas.

Statistika dwar l-impjiegi fl-Istati Uniti l-ġimgħa li għaddiet li kienet aħjar milli mistennija wriet is-saħħa tal-ekonomija tal-Istati Uniti u l-kważi ċertezza li l-Federal Reserve ser iżid ir-rata tal-interessi dan ix-xahjar, kif ukoll stennija dejjem tikber li din is-sena jkun erba’ żidiet, fatturi li reġgħu qajmu l-irkupru fil-munita Amerikana. Iżda b’sinjali ta’ inqas ċertezza fl-Italja hekk kif ġie ffurmat gvern, l-ewro rnexxielu jikseb xi żidiet.

L-istqarrija fi tmiem il-ġimgħa tal-Kanċillier tal-Ġermanja, Angela Merkel, kienet favur ċaqliq lejn Fond Monetarju Ewropew biex ikunu riżolti kwistjonijiet dwar is-sostenibbiltà ta’ dejn mill-gvern fiż-żona tal-ewro. Dan għen biex jikber is-sentiment fil-bidu tal-ġimgħa. L-ewro żdied nofs punt perċentwali għal $1.1736 u tbiegħed il-bogħod mill-inqas livell tal-2018 milħuq il-ġimgħa li għaddiet.

Ir-rata tal-ewro mal-isterlina wriet żieda ta’ 0.32%. L-ewro żdied 0.25% kontra l-Frank Svizzeru u 0.56% kontra l-yen.

L-indiċijiet kienu imħallta bil-FTSE 100 juri żieda ta’ 0.59%; l-iSTOXX 50 tilef 0.44%. Id-Dow Jones żdied 0.01% fil-ftuħ waqt li kien hemm żieda ta’ 1.58% fl-indiċi tal-Borża ta’ Malta.

Kienet ġurnata attiva fl-ishma lokali. L-HSBC Bank Malta kellhom l-akbar żieda dik ta’ 7.10%, il-FIMBank, l-International Hotel Investments u l-GO kollha rreġistraw żieda ta’ 4.81%, 4.76% u 2.35% rispettivament.
Il-PG tilfu 2.34%, it-Trident tilfu 1.54% waqt li kien hemm tnaqqis ta’ 0.95% fil-prezz tal-Medserv.
Local Bond

Fil-qasam tal-bonds lokali kien hemm żieda ta’ 2.27% fil-Bank of Valletta 2020 u ta’ 0.46% fil-United Finance 2023.
F’territorju negattiv kienu l-iStivala Group Finance 2027 tilfu 0.24%; il-MIDI 2026, il-Medserv 2026 u l-Von der Heyden Group Finance 2024 kollha tilfu aktar minn nofs punt perċentwali.Il-prezzijiet taż-żejt tbaxxew illum hekk kif il-produzzjoni mill-Istati Uniti laħqet livelli għolja rekord u l-membri tal-OPEC jikkunsidraw li wkoll iżidu l-provvista. Il-Brent tilef 0.78% għal $76.03 kull barmil.

Il-metalli prezzjużi kienu qed jiġu nnegozjati f’nota stabbli u d-deheb żamm mal-$1,296.80 kull uqija hekk kif id-dollaru żamm ir-rata tiegħu u t-tensjonijiet kummerċjali tal-Istati Uniti naqsu li jkabbru d-domanda.

Aħbarijiet Oħra
Barranin

L-Ewro, baqa’ taħt pressjoni minħabba tilwima fil-koalizzjoni tal-Gvern Ġermaniż u stennija li l-Bank Ċentrali Ewropew ser iżomm l-istess rati ta’ interessi sa sewwa l-2019. L-alleati Bavarjani tal-Kanċellier Merkel jistgħu jisfidawha…

Barranin, Lokali

L-ewro stabbilizza wara t-telf qawwi tal-ġimgħa li għaddiet iżda t-theddida li qed tikber ta’ gwerra kummerċjali globali, tilwima fil-koalizzjoni Ġermaniża u Bank Ċentrali Ewropew aktar iebes fil-politika monetarja kollha tefgġħu…

Barranin

Muniti Il-Bank Ċentrali Ewropew qal illum li ser itemm l-iskema bla preċedent tiegħu ta’ xiri ta’ bonds sa tmiem is-sena, u b’hekk għamel l-akbar pass sabiex iżarma l-istimulu ta’ żmien…

Barranin

Muniti L-Ewro llum ma ċċaqlaqx kontra d-Dollaru u baqa’ jiswa $1.1796 għax is-swieq ftit li xejn raw miżuri konkreti ħerġin mis-summit bejn l-Istati Uniti u l-Korea ta’ Fuq u qed…

Aktar