Barranin
Jiżdiedu l-prezzijiet taż-żejt u tad-deheb

Muniti  

Id-Dollaru Amerikan illum tbaxxa wara li kellu l-aħjar ġimgħa din is-sena għax l-investituri ħadu l-profitt u saru aktar kawti minħabba l-aħbar li dak li kien il-Manager tal-kampanja elettorali tal-President Amerikan Donald Trump għandu quddiemu akkużi ta’ kumplott kontra l-Istati Uniti.

L-Isterlina ssaħħet kontra d-Dollaru llum, għax l-investituri qed jistennew il-laqgħa tal-Bank of England dwar il-politika monetarja aktar tard din il-ġimgħa li huma jistennew li ser tapprova l-ewwel żieda fir-rati tal-interess f’aktar minn 10 snin.

Indiċi

L-istokks illum kienu baxxi għax l-investituri qed jistennew min ser ikun il-President il-ġdid tal-Federal Reserve. Bħala riżultat, id-Dow Jones fetaħ 0.08% inqas. L-indiċijiet Ewropej, l-iSTOXX 50, id-DAX u kl-CAC 40 żdiedu b’0.27%, 0.14% u 0.06%  rispettivament.

Isħma Lokali

Kien hemm bosta movimenti llum fil-Borża ta’ Malta. Il-MaltaPost u l-MIDI kienu fuq quddiem b’żidiet ta’ 1.41% u 0.31% rispettivament. Il-Lombard Bank Malta u l-Malita Investments tilfu 4.30% u 6.13% rispettivament.

Bonds Lokali

Anke fis-sessjoni tal-bonds lokali kien hemm bosta ċaqlieq. L-SD Finance 2027, il-Van Der Heyden Group Finance 2024 u Simonds Farsons Cisk 2027 kienu fuq quddiem b’żidiet ta’ 0.77%, 0.61% u 0.48% rispettivamwent.

Indikaturi Ekonomiċi

L-inflazzjoni annwali fil-Ġermanja naqset matul Ottubru u baqgħet taħt il-mira tal-Bank Ċentrali Ewropew u dan ta appoġġ għad-deċiżjoni tal-Bank li jnaqqas bil-mod l-istimulu monetarju. Il-prezzijiet għall-konsumatur jitqabblu ma’ dawk ta’ pajjiżi Ewropej oħrajn, tant li żdiedu b’1.5% f’sena wara żieda ta’ 1.8% f’Settembru. Skond l-Uffiċċju Federali tal-Istatistika, il-prezzijiet tbaxxew 0.1% matul Ottubru.  Il-fiduċja tal-konsumatur madwar iż-żona tal-Ewro ma inbidlitx u baqgħet 1 taħt iż-żero.

Prodotti Essenzjali

Iż-żejt mhux maħdum Brent qabeż is-$60 kull barmil għall-ewwel darba min-nofs l-2015, mgħejjun mill-prospetti ta’ tmiem ta’ tliet snin ta’ provvista qawwija żejda li farrket il-prezzijiet, sparixxiet biljuni mill-baġits tal-esplorazzjoni u għafset l-esportaturi ewlenin.

Il-prezz tad-deheb issoda llum qabel sensiela ta’ laqgħat tal-bank ċentrali u l-aħbar mistennija mingħand il-President Trump tal-ħatra tal-President li jmiss tal-Federal Reserve.

Aħbarijiet Oħra
Barranin

Muniti Id-dollaru Amerikan qed jieħu ftit tan-nifs wara li laħaq l-ogħla livell għall-2018 fil-bidu ta’ din il-ġimgħa. Madankollu, ir-raġuni għal pawża mhijiex minħabba l-politika dwar l-ekonomija Amerikana, il-politika tal-Federal Reserve…

Barranin

Id-Dollaru żdied wara li laħaq l-ogħla livell f’sena fost dgħufija fl-Ewro u l-Isterlina, hekk kif in-negozjati dwar Brexit huma weqfin u t-tħassib dwar it-tkabbir ekonomiku qajjem aktar dibattitu dwar il-projezzjonijiet…

Barranin

Id-Dollaru qed ikun negozjat biex jirkupra xi ftit fis-sessjoni Ewropea hekk kif is-swieq kienu qed jistennew id-deċiżjoni dwar ir-rata tal-interessi mill-Federal Reserve aktar tard. Illum kien id-Dollaru Awstraljan l-aktar b’saħħtu…

Barranin

Muniti Id-dollaru ddgħajjef wara li l-elezzjonijiet ta’ nofs il-leġiżlatura qasmu lill-Kungress u tappnu l-aspettativi għal stimulu fiskali addizzjonali, waqt li l-yen iddgħajjef kontra l-parti l-kbira tal-muniti rivali hekk kif żdied…

Aktar