Lokali
Jogħla d-dollaru u jitbaxxew l-ewro u l-isterlina

Id-dollaru żdied għall-ogħla livell fi 13-il xahar kontra grupp ta’ muniti u kien hemm ukoll żieda tajba fir-rata tal-yen, bis-sentiment tal-investituri għar-riskju jonqos fost tensjonijiet globali kummerċjali li qed jiżdiedu u tilwim diplomatiku.

L-ewro tbaxxa għall-inqas rata minn Lulju 2017, waqt li l-isterlina tbaxxiet għall-inqas livell f’sena fost spekulazzjoni li r-Renju Unit ser joħroġ mill-Unjoni Ewropea mingħajr ftehim dwar ir-relazzjoni futura tiegħu mal-Unjoni.

L-ewro tilef 0.55% fin-negozju bikri kontra d-dollaru; 0.26% kontra l-Isterlina; 0.81% kontra l-Yen u 0.36% kontra l-Frank Żvizzeru.

L-indiċi Ewropej fetħu kollha f’territorju negattiv. Il-FTSE 100 tilef 0.54%; l-iSTOXX 50, 0.90%; id-DAX 0.76% u l-CAC 40 b’0.90%.

Il-prezzijiet taż-żejt naqsu llum wara tħassib li t-tilwima kummerċjali li qed tikber bejn l-Istati Uniti u ċ-Ċina ser twaqqaf it-tkabbir ekonomiku u d-domanda għall-fjuwil, anke hekk kif is-sanzjonijiet ġodda tal-Istati Uniti kontra l-Iran mistennija jnaqqsu l-provvisti.

Iż-żejt Brent tilef 0.46% għal kważi $72 waqt li l-U.S. Light crude tilef 0.52% għal $66.

Id-deheb naqas b’0.41% għal $1,200 kull uqija waqt li kien hemm tnaqqis ta’ 1.11% fil-prezz tal-fidda li tbaxxa għal $15.

Matul il-ġimgħa d-dieħla mistennija li toħroġ ir-rata ta’ inflazzjoni mir-Renju Unit, l-Ewropa u l-Kanada. Barra dan ser joħorġu ukoll ir-rati tal-qgħad mir-Renju Unit, l-Awstralja u l-Kanada.

Aħbarijiet Oħra
Barranin

Muniti L-isterlina waqgħet, l-ishma fl-Ewropa tbaxxew u l-prezzijiet bil-quddiem għall-ishma fl-Istati Uniti tilfu ż–żidiet li kellhom, hekk kif sensiela ta’ ministri Ingliżi rriżenjaw bi protesta għal ftehim tal-Prim Ministru Theresa…

Barranin

Id-Dollaru ddgħajjef xi ftit fost xiri u bejgħ wara li l-inflazzjoni tal-konsumatur fl-Istati Uniti kienet kważi kif stmata, bl-inflazzjoni ewlenija minn sena għal sena titbaxxa xi ftit. L-Ewro żdied b’0.12%…

Barranin

Muniti Id-dollaru Amerikan qed jieħu ftit tan-nifs wara li laħaq l-ogħla livell għall-2018 fil-bidu ta’ din il-ġimgħa. Madankollu, ir-raġuni għal pawża mhijiex minħabba l-politika dwar l-ekonomija Amerikana, il-politika tal-Federal Reserve…

Barranin

Id-Dollaru żdied wara li laħaq l-ogħla livell f’sena fost dgħufija fl-Ewro u l-Isterlina, hekk kif in-negozjati dwar Brexit huma weqfin u t-tħassib dwar it-tkabbir ekonomiku qajjem aktar dibattitu dwar il-projezzjonijiet…

Aktar