Barranin
Jogħla l-prezz taż-żejt bid-dikjarazzjoni ta’ Trump fuq is-Sirja

Id-dollaru laħaq l-ogħla rata f’sitt ġimgħat kontra l-Yen illum hekk kif naqset il-kawtela dwar intervent militari mill-Punent fuq is-Sirja bl-investituri qed jistennew rapporti finanzjarji tajbin minn kumpaniji Amerikani.

Id-dgħufija tal-Yen, meqjus bħala munita sigura, tissuġġerixxi li żdied is-sentiment ta’ riskju wara ġimgħa li fiha t-tensjoni bejn l-Istati Uniti u ċ-Ċina u l-possibbiltà ta’ attakk bil-missili mmexxi mill-Istati Uniti fuq is-Sirja laqtu sewwa lis-swieq finanzjarji.

Id-Dollaru Awstraljan li huwa sensittiv għall-bidliet fis-sentiment tar-riskju, tilef nofs fil-mija. L-Ewro ma kellu ebda bidla wara li tilef 0.3% fil-jum ta’ qabel li temm erbat ijiem ta’ żieda.

L-ishma tbaxxew b’20% u ġibdu ‘l isfel il-FTSE. Il-kumpanija li tmexxi l-London Stock Exchange Group Plc ħatret lil David Schwimmer minn Goldman Sachs bħala Kap Eżekuttiv mill-1 ta’ Awwissu.

Il-prezzijiet taż-żejt żdiedu llum, biex resqu lejn l-akbar żieda f’ġimgħa minn Ġunju wara l-kummenti tal-President Trump dwar il-possibbiltà ta’ azzjoni militari kontra s-Sirja u rapporti li naqsu l-ħażniet globali taż-żejt.

Il-Brent żdied b’44 cent għal $72.46 kull barmil li jfisser żieda ta’ kważi 8% f’ġimgħa. Iż-żejt mhux maħdum NYMEX mixtri għal Mejju żdied b’45 cent għal $67.52 żieda ta’ kważi 9% f’ġimgħa.

Iż-żewġ prezzijiet ta’ referenza laħqu l-ogħla livell mill-2014 nhar l-Erbgħa wara li Trump wissa dwar attakki bil-missili bi tweġiba għal suspetti ta’ attack bil-gass fis-Sirja u wara li l-Arbija Sawdija qalet li interċettat missili fuq Riyadh.

Id-deheb żdied illum wara li kellu l-akbar tnaqqis perċentwali f’aktar minn ġimagħtejn fis-sessjoni ta’ qabel, u riesaq lejn żieda żgħira għat-tieni ġimgħa infila fost it-tensjoni dwar is-Sirja u t-tilwima bejn l-Istati Uniti u ċ-Ċina.

Aħbarijiet Oħra
Barranin

Id-Dollaru Amerikan żamm maż-żidiet wara li tela’ mill-inqas rata fi tliet ġimgħat hekk kif it-tnaqqis fit-tensjoni dwar gwerra kummerċjali kabbar is-sentiment għar-riskju fost l-investituri. Is-swieq finanzjarji fl-Istati Uniti kienu mgħejjuna…

Barranin

L-ewro llum qabeż id-$1.24 għall-ogħla rata fi tliet ġimgħat wara li dejta ekonomika tajba ferm miċ-Ċina u tnaqqis fit-tħassib dwar aktar attakki Amerikani fis-Sirja reġgħu qanqlu s-sentiment ta’ riskju, għalkemm…

Barranin, Lokali

Il-Fimbank ħareġ aktar minn mitejn miljun ishma ġodda bi dritt għall-azzjonisti tiegħu Il-bank jittama li b’din ir-rights issue, l-azzjonisti tiegħu jżidu l-investiment tagħhom fil-bank b’mija u erbatax-il miljun Dollaru Amerikan….

Barranin

Il-kwistjoni tat-tilwima kummerċjali tkompli tkun iċ-ċentru tal-ħidma fid-dinja finanzjarja. Il-kummenti tal-President tal-Istati Uniti Trump fi tmiem il-ġimgħa taw xi ftit ottimiżmu lill-investituri li kompla matul il-parti l-kbira tas-sessjoni Ewropea, għalkemm…

Aktar