Barranin
Jogħla l-prezz taż-żejt minħabba biża’ li l-urugan Harvey se jfixkel il-produzzjoni

Muniti

Id-dollaru llum kien f’qagħda tajba kontra l-yen hekk kif xi investituri xtraw il-munita biex iħejju ruħhom qabel il-laqgħa tal-banek ċentrali f’Wyoming, l-Istati Uniti. Il-President tal-Federal Reserve Janet Yellen u l-President tal-Bank Ċentrali Ewropew, Mario Draghi, mhux mistennija jħabbru xi żviluppi aktar tard illum bl-investituri attenti għal xi ħjiel dwar xi żieda futura fir-rati tal-interessi fl-Istati Uniti, iż-żmien tal-karta tal-bilanċ u hekk l-Ewropa għadhiex tikkunsidra li tirtira l-istimulu monetarju. Id-dollaru kien jidher li ser ikollu żieda ta’ 0.3% kontra l-yen matul din il-ġimgħa, li matulha tbaxxa għal 108.635 yen minħabba tensjonijiet ġeopolitiċi dwar il-Penisola Koreana.

L-isterlina rkuprat xi ftit wara li kienet laħqet l-inqas rata f’xahrejn kontra d-dollaru lbieraħ iżda strateġisti qalu li l-prospetti xorta għadhom imċajpra minn tħassib dwar il-Brexit u l-aspetti ewlenin ekonomiċi. L-isterlina telgħet għal $1.2802 wara li tbaxxiet għal $1.2774 f’negozju bikri, l-anqas mis-27 ta’ Ġunju.

Indiċijiet

L-istokks fl-Istati Uniti tbaxxew hekk kif is-swieq kienu kawti fost il-ġlied politiku dwar il-limitu tas-self u qabel il-laqgħa tal-Banek Ċentrali.

L-istokks fl-Ewropa żdiedu, u komplew maż-żieda tas-sessjoni ta’ qabel, immexxija minn stocks relatati mar-riżorsi. L-ishma tal-bejjiegħa bl-imnut ħadu daqqa wara li Amazon qalu li ser jaqtgħu l-prezzijiet f’Whole Foods.

Kommoditajiet                                            

Il-prezzijiet taż-żejt illum żdiedu hekk kif l-industrija taż-żejt fl-Istati Uniti qed tħejji ruħha għall-potenzjalità ta’ tfixkil fil-produzzjoni minħabba l-urugan Harvey li riesaq lejn il-qalba tal-industrija taż-żejt fil-Golf tal-Messiku.

Il-prezz tad-deheb illum ma nbidilx, bl-investituri jistennew ukoll l-laqgħa tal-banek ċentrali tal-lum.

Il-Ġimgħa d-Dieħla

Għadd ta’ aħbarijiet ekonomiċi mistennija l-ġimgħa d-dieħla l-aktar mir-Renju Unit u l-Istati Uniti. Waħda mill-aktar importanti ser tkun ir-rata tal-qgħad fl-Istati Uniti li tkejjel il-perċentwal tal-qawwa totali tax-xogħol li hjija qegħda u attivament tfittex ix-xogħol matul ix-xahar ta’ qabel. Ċifra ogħla milli mistennija tkun negattiva għad-dollaru waqt li tnaqqis ikun pożittiv.

Aħbarijiet Oħra
Barranin

Muniti Id-Dollaru tela’ lejn l-ogħla livell f’din l-aħħar sena fid-dawl ta’ kummenti pożittivi miċ-Chairman tal-Federal Reserve tal-Istati Uniti Jerome Powell dwar is-saħħa tal-ekonomija Amerikana. Minkejja li Powell ma bidilx l-aspettattivi…

Barranin

Iż-żidiet fid-Dollaru din is-sena kienu limitati minħabba tħassib dwar it-tilwima kummerċjali li qed tikber bejn l-Istati Uniti u ċ-Ċina, għalkemm it-tħassib ma fixkilx ir-rendiment solidu tad-dollaru sa issa. Il-Fond Monetarju…

Barranin

Muniti Id-dollaru tbaxxa wara li l-ġimgħa li għaddiet laħaq l-ogħla rata f’ġimgħa f’xahar hekk kif l-investituri kabbru s-sentiment għall-ogħla livell mill-2017, għalkemm it-tħassib li l-irkupru ekonomiku jista’ qed imajna wassal…

Lokali

Lidl Malta, the country’s leading supermarket with eight outlets spread around the Maltese Islands, is celebrating its 10 year anniversary. To mark this milestone, the Company organised a number of…

Aktar