Barranin
Jogħla l-prezz taż-żejt wara li l-Gvern Amerikan impona sanzjonijiet kontra kumpanija taż-żejt

L-Isterlina waqgħet llum mil-livelli għolja ta’ bosta xhur u żdiedet il-volatilità fis-swieq derivattivi hekk kif l-investituri qed jqisu jekk l-membri parlamentari humiex ser jappoġġaw emenda parlamentari li effettivament tfisser li l-Brexit mhux ser jispiċċa bla ftehim.

L-irkupru fl-Isterlina kien mgħejjun minn sinjali ta’ kawtela fil-politika mill-Federal Reserve tal-Istati Uniti u mill-Bank Ċentrali Ewropew. Waqt li s-swieq monetarji mhumiex jistennew xi żieda fir-rati tal-interessi mill-Federal Reserve jew mill-Bank Ċemntrali Ewropew, huma qed iqisu li hemm 65% ċans ta’ ċaqliqa mill-Bank of England f’Diċembru.

L-ishma Ewropej illum kienu ftit ogħla hekk kif l-investituri investew fl-ishma meqjusa bħala siguri fi żmien ta’ inċertezza politika wara sensiela ta’ twissijiet dwar il-profitti minn kumpaniji fl-Istati Uniti u t-tħassib prevalenti dwar it-tilwimiet kummerċjali.

L-iSTOXX 50 żdied 0.66% bl-ishma tal-enerġija u prodotti personali u tad-dar fuq quddiem. Il-FTSE 100 żdied b’1.00% qabel il-vot illejla fil-Parlament Ingliż dwar il-Brexit.

Fil-Borża ta’ Malta ftit kien hemm movement fl-ishma bil-Grand Harbour Marina jkollhom l-akbar żieda ta’ 1.67% segwiti minn Malita Investments u l-Malta International Airport li żdiedu b’1.12% u 0.81% rispettivament.

Bosta mill-bonds negozjati llum raw tnaqqis fil-prezz bil-Mediterranean Maritime Hub Finance 2026 ikollhom l-akbar telf, 0.49%, segwiti minn Hili Properties 2025 li naqsu b’0.48%.

Il-prezzijiet taż-żejt għolew llum wara li l-Gvern Amerikan impona sanzjonijiet kontra l-kumpanija taż-żejt PDVSA tal-Gvern Veneżwelan f’mossa li tista’ tnaqqas l-esportazzjoni mill-membri tal-OPEC. Iżda ż-żidiet fil-prezz kienu limitati minn provvista globali biżżejjed u sinjali ta’ tnaqqis fl-ekonomija Ċiniża.

Il-prezz tad-deheb reġa’ lura għaż-żidiet hekk kif it-tkabbir globali qed jonqos. Fl-2018, id-deheb ra l-ewwel tnaqqis tiegħu fi tliet snin, b’żieda fl-ishma u interessi ogħla Amerikani joffru dħul aħjar għall-investituri. Iżda d-deheb żamm sod s’issa din is-sena u żdied għall-ogħla livell f’seba xhur qrib il-livell tekniku importanti ta’ $1,300 kull uqija.

Aħbarijiet Oħra
Barranin

Muniti L-ewro baqa’ taħt pressjoni kontra d-Dollaru Amerikan wara l-ħruġ ta’ statistika ekonomika dwar il-Ġermanja li kienet dgħajfa aktar milli maħsub. L-ewro tilef 0.15% għal $1.1210. Barra dan, l-ewro tbaxxa…

Barranin

Muniti L-Isterlina tbaxxiet illum hekk kif kompla l-irkupru tad-dollaru, u l-istatistika tajba dwar il-bejgħ bl-imnut fir-Renju Unit ma kinetx biżżejjed biex tqajjem lill-munita mis-sitwazzjoni li tinsab fiha wara l-estensjoni ta’…

Barranin

Muniti L-ewro llum tbaxxa wara li diversi uffiċjali tal-Bank Ċentrali Ewropew urew dubji dwar l-irkupru pproġettat fit-tkabbir ekonomiku fit-tieni nofs tas-sena. It-tħassib dwar l-ekonomija taż-żona tal-ewro ħabat ħames ġimgħat wara…

Barranin

Rappreżentanti ta’ Valletta Cruise Port u l-Awtorità tat-Turiżmu flimkien ma’ partijiet interessati pparteċipaw fis-Seatrade Cruise Global 2019 f’Miami. Is-Seatrade Cruise Global huwa l-pjattaforma ewlenija tal-industrija fejn ‘il fuq minn 11,000…

Aktar