Barranin
L-ebda tama għas-swieq mis-summit bejn l-Istati Uniti u l-Korea ta’ Fuq

Muniti

L-Ewro llum ma ċċaqlaqx kontra d-Dollaru u baqa’ jiswa $1.1796 għax is-swieq ftit li xejn raw miżuri konkreti ħerġin mis-summit bejn l-Istati Uniti u l-Korea ta’ Fuq u qed jistennew gwida mil-laqgħat ta’ tnejn mill-akbar banek ċentrali fid-dinja din il-ġimgħa.

Min-naħa l-oħra, l-Ewro tbaxxa b’0.08% kontra l-Frank Żvizzeru għal 1.1600 Frank, iżda żdied b’0.12% kontra l-Isterlina għal 0.8819 Sterlina u 0.33% kontra l-Yen għar-rata ta’ 130.08 Yen kull Ewro.

Indiċi

L-indiċijiet tal-Boroz kienu b’mod ġenerali f’territorju negattiv bl-iSTOXX 50 jitlef 0.09%, il-FTSE 100 b’0.32% u d-DAX b’0.18%. L-indiċi tal-Borża ta’ Malta naqas b’0.11%.

Ishma lokali

Fis-sessjoni tal-ishma lokali, l-RS2 Software u l-HSBC Bank Malta llum urew żieda fil-prezz, bl-RS2 juru 1.75% żieda għal €1.17. Il-GlobalCapital ma kellhom l-ebda bidla u l-International Hotel Investments, il-Bank of Valletta u l-MIDI kienu fost dawk li tilfu fil-prezz b’aktar minn 0.70%.

Bonds Lokali

Fis-sessjoni tal-bonds lokali, il-Global Capital 2021, il-Plaza Centres 2026, il-Mediterranean Investments Holdings 2022 u l-MIDI 2026 kollha wrew żieda bil-Global Capital jiżdiedu b’0.97%.

Il-Bank of Valletta 2030 (l-ewwel Serje) tilfu 0.25%; il-United Finance 2023 tilfu 0.28% waqt li kien hemm tnaqqis ta’ 0.72% fil-prezz tal-Virtu Ferries.

Il-prezz taż-żejt Brent illum tilef 0.22% bil-metalli prezzjużi jitilfu l-aktar bid-deheb jitlef 0.43% u l-fidda 1.03%.

Aħbarijiet Oħra
Barranin, Lokali

L-ewro stabbilizza wara t-telf qawwi tal-ġimgħa li għaddiet iżda t-theddida li qed tikber ta’ gwerra kummerċjali globali, tilwima fil-koalizzjoni Ġermaniża u Bank Ċentrali Ewropew aktar iebes fil-politika monetarja kollha tefgġħu…

Barranin

Muniti Il-Bank Ċentrali Ewropew qal illum li ser itemm l-iskema bla preċedent tiegħu ta’ xiri ta’ bonds sa tmiem is-sena, u b’hekk għamel l-akbar pass sabiex iżarma l-istimulu ta’ żmien…

Barranin

L-ewro żdied għall-ogħla livell f’ġimagħtejn wara assigurazzjoni mill-Italja li mhix ser titlaq mill-Unjoni Ewropea u dan ikkalma lill-investituri qabel laqgħa importanti tal-Bank Ċentrali Ewropew. Il-Ministru tal-Ekonomija Taljan qal ilbieraħ li…

Barranin

Muniti L-Ewro żdied għall-ogħla livell f’10 ijiem wara li uffiċjali qalu li l-Bank Ċentrali Ewropew jista’ jwaqqaf il-programm ta’ stimulu tiegħu sa tmiem 2018 u li l-inflazzjoni kienet qed tiżdied…

Aktar