Barranin, Lokali
L-ekonomija fiż-żona ewro tikber iktar milli mistenni

Muniti Kontra l-Ewro

L-ewro llum żamm mal-inqas rati tal-jum wara li sorsi wrew il-fehma li l-President tal-Bank Ċentrali Ewropew, Mario Draghi, mhux ser juża d-diskors tiegħu f’Jackson Hole, Wyoming, l-Istati Uniti biex iħabbar xi bidla fil-politika tal-bank.

L-isterlina rkuprat mill-inqas livelli kontra l-ewro f’10 xhur illum wara statistika li wriet li l-pagi qed jogħlew aktar milli kienu mistennija fit-tliet xhur li għalqu f’Ġunju, u b’hekk naqsu d-distakk mal-inflazzjoni.

Indiċijiet

Id-Dow Jones illum fetaħ ogħla, bl-investituri jistennew il-minuti tal-aħħar laqgħa tal-Federal Reserve għal xi ħjiel dwar żidiet futuri fir-rati tal-interessi. L-indiċijiet fl-Ewropa llum żdiedu. Il-FTSE 100 b’0.75%, l-ISTROXX 50 b’0.90% u d-DAX b’0.84%.

Ishma Lokali

Fis-sessjoni tal-ishma lokali llum, il-Bank of Valletta kien fuq quddiem b’żieda ta’ 2.64% segwiti mill-Malta Properties Company b’1.80%. It-Tignè Mall tilfu 3.23% għal €0.90.

Bonds lokali

Ftit kien hemm moviment fis-suq tal-bonds lokali llum bl-SD Finance 2027 jiżdiedu b’0.46%.

Indikaturi Ekonomiċi

L-ekonomija fid-19-il pajjiz taż-żona tal-ewro espandiet aktar milli kien imbassar fit-tieni kwart meta mqabbel mal-istess kwart tal-2016. Il-Eurostat qal li ċ-ċifra annwali tal-Prodott Domestiku Gross ġiet riveduta ’l fuq għal 2.2%, imqabbla ma’ 2.1% ta’ qabel.

Prodotti Essenzjali

Il-prezzijiet taż-żejt żdiedu llum, mgħejjuna minn tamiet li l-inventarji taż-żejt mhux maħdum tal-Istati Uniti jonqsu għas-seba’ ġimgħa wara xulxin, għalkemm is-swieq xorta jinsabu mfixkla minn provvista żejda. Il-prezz tad-deheb tbaxxa llum għat-tielet jum infila hekk kif żdied id-dollaru wara statistika ekonomika tajba mill-Istati Uniti u għax naqset it-tensjoni bejn l-Istati Uniti u l-Korea ta’ Fuq.

Aħbarijiet Oħra
Barranin

Din il-ġimgħa Id-dollaru tbaxxa lejn l-inqas livell fi tliet snin kontra basket ta’ muniti, u riesaq lejn l-akbar tnaqqis f’ġimgħa f’sentejn, hekk kif fatturi moderati jibbilanċjaw l-appoġġ li l-munita Amerikana…

Barranin

Id-dollaru llum waqa’ sew, u tbaxxa għall-inqas rata fi 15-il xahar kontra l-yen, hekk kif is-sentiment negattiv madwar id-dollaru kien akbar miż-żieda  fid-dħul tal-bonds tat-Teżor Amerikan għal 10 snin. Dan…

Barranin

Id-Dollaru tbaxxa għall-inqas rata fi 15-il xahar kontra l-yen għar-raba’ jum infila bl-investituri nervużi qabel ma joħorġu aktar tard iċ-ċifri dwar l-inflazzjoni fl-Istati Uniti fost irkupru fraġli fis-swieq finanzjarji. Id-dollaru,…

Barranin

Il-Yen Ġappuniż żdied għall-ogħla rata f’ħames xhur wara bejgħ qawwi tad-dollaru u spekulazzjoni li l-Bank of Japan dalwaqt jibda jnaqqas il-livell rekord tal-istimulu monetarju. Il-yen żdied b’1.5% kontra d-dollaru dan…

Aktar