Barranin
L-ewro bl-ogħla rata f’ġimagħtejn wara li l-gvern Taljan rebaħ vot ta’ fiduċja fis-senat

Muniti

Id-dollaru ddgħajjef wara li l-elezzjonijiet ta’ nofs il-leġiżlatura qasmu lill-Kungress u tappnu l-aspettativi għal stimulu fiskali addizzjonali, waqt li l-yen iddgħajjef kontra l-parti l-kbira tal-muniti rivali hekk kif żdied il-prezz bil-quddiem tal-ishma.

L-ewro żdied b’0.42% għal $1.1475 u qrib l-ogħla rata f’ġimagħtejn ta’ $1.1500 wara li l-gvern Taljan rebaħ vot ta’ fiduċja fis-senat. L-ewro żdied 0.24% kontra l-Isterlina; 0.06% kontra d-Dollaru Kandiż u 0.30% kontra l-Yen Ġappuniż. Sadattant l-ewro tilef 0.13% kontra d-Dollaru Awstraljan u 0.08% kontra l-Frank Żvizzeru.

Indiċi

Fl-Ewropa, il-FTSE 100 wera żieda ta’ 1.26%; l-iSTOXX 50 ta’ 1.18%; id-DAX ta’ 0.82% u l-CAC 40 żdied b’1.23%.

Id-Dow Jones fetaħ 0.76% ogħla waqt li kien hemm żieda ta’ 0.130% fl-Indiċi tal-Borża ta’ Malta.

Isħma

Fil-qasam tal-ishma lokali, l-RS2 Software, il-FIMBank plc, il-Malta International Airportu t- Trident Estates żdiedu b’aktar minn 0.60%. Sadattant il-Plaza Centres, Santumas Shareholding u l-MIDI tilfu aktar minn 2.50% bil-MIDI l-aktar milqutin bi tnaqqas ta’ 5.56% għal €0.68.

Bonds

Fis-sessjoni tal-bonds lokali, il-Premier Capital 2026 wera żieda ta’ 1.98% għal €103.

Sadattant kien hemm tnaqqis ta’ 0.01% fil-Pendergardens Developments 2022; 0.10% fil-GAP Group 2023; 0.11% fil-Bank of Valletta 2020; 0.29% fil-Hili Properties 2025; 0.30% fil-Mediterranean Investments Holdings 2022 0.48% fil-Grand Harbour Marina 2027.

Il-prezz taż-żejt Brent tela’ b’1.00% għal $72.86 u l-U.S. Light Crude b’0.80% għal $62.71.
Id-deheb tela’ b’0.10% għal $1,228.43 waqt li l-fidda żdiedet b’0.62% għal $14.628.

Aħbarijiet Oħra
Barranin

Id-Dollaru llum kien riesaq lejn tnaqqis żgħir wara li kien laħaq l-ogħla rata f’sentejn minħabba dħul inqas mill-bonds tal-Gvern Amerikan hekk kif l-investituri qed jibżgħu li t-tilwima kummerċjali bejn l-Istati…

Barranin

Muniti Id-Dollaru żamm qrib l-ogħla rata f’xahar illum hekk kif it-tensjonijiet kummerċjali bejn l-Istati Uniti u ċ-Ċina baqgħu għoljin qabel ma l-minuti tal-Federal Reserve jagħtu ħjiel dwar x’kien wassal lill-mexxejja…

Barranin

Muniti Id-Dollaru llum żamm iż-żidiet li kellu l-ġimgħa li għaddiet hekk kif l-investituri qed jistennew il-minuti tal-laqgħa tal-Federal Reserve li jistgħu jagħtu aktar ħjiel dwar x’wassal biex id-diretturi jieħdu atteġjament…

Barranin

Id-Dollaru żamm qrib l-ogħla rata f’ġimagħtejn kontra l-muniti rivali, sostnut minn statistika ekonomika tajba ferm mill-Istati Uniti u żieda fid-dħul tal-bonds tat-Teżor. L-indiċi tad-Dollaru kontra grupp ta’sitt muniti ewlenin ftit…

Aktar