Barranin
L-Ewro fis-sitt ġimgħa konsekuttiva ta’ telf

L-Ewro tbaxxa llum u riesaq lejn is-sitt ġimgħa konsekuttiva ta’ telf hekk kif it-tħassib dwar id-dejn Taljan qed jagħmel pressjoni fuq is-sentiment, għalkemm it-telf kien limitat wara li l-Korea ta’ Fuq qalet li hija għadha lesta li tirrisolvi l-kwistjonijiet mal-Istati Uniti.

Spinta fil-prezz tal-ishma tal-karozzi għen lill-iSTOXX 600 jiżdied b’0.4% wara li lbieraħ kien fl-inqas livell fi tmient ijiem. L-indiċi huwa 0.6% inqas minn ġimgħa ilu.

L-iSTOXX index żdied b’0.3%. Il-FTSE tal-Italja baqa’ qrib l-inqas livell f’seba’ ġimgħat bi tnaqqis ta’ 0.1% hekk kif il-prospetti ta’ gvern ewroxettiku wassal lill-investituri biex joħorġu flushom mill-equity funds tal-pajjiż. Id-DAX tal-Ġermanja żdied b’0.1%.

L-ishma tal-kumpaniji tal-karozzi telgħu b’0.7% wara li t-theddida tal-President Amerikan Trump li jimponi tariffi fuq l-importazzjoni ġabet kritika qawwija mill-gruppi ta’ negozjanti u membri tal-partit tiegħu stess li wissew dwar ħsara lill-industrija u l-interessi Amerikani.

Il-prezzijiet taż-żejt waqgħu llum hekk kif l-OPEC u r-Russja kkunsidraw iżidu l-produzzjoni biex inaqqsu t-tfixkil fil-Veneżwela u tnaqqis mistenni mill-Iran. Il-Ministru tal-Enerġija Russa Alexander Novah kellu taħditiet mal-Ministru tal-Enerġija tal-Għarabja Sawdija, Khalid al-Falih biex tiżdied il-produzzjoni wara t-tnaqqis li ilu sejjer għal 17-il xahar.

Il-prezz tad-deheb riesaq lejn żieda matul ġimgħa wara li l-President Trump ikkanċella l-laqgħa għolja mal-mexxej tal-Korea ta’Fuq Kim Jong Un u dan żied id-domanda.

Il-ġimgħa d-dieħla

Statistika li għandha tinħareġ il-ġimgħa d-dieħla tinkludi d-deċiżjoni dwar ir-rati tal-interess mic-Ċentral Bank of Canada fit-30 ta’ Mejju u l-Prodott Domestiku Gross l-għada. Barra dan, ir-rata tal-qgħad fiż-żona tal-Ewro toħroġ fl-aħħar tax-xahar b’rata mistennija ta’ 8.5%.

Aħbarijiet Oħra
Barranin

Muniti Id-Dollaru żamm qrib l-ogħla rata f’xahar illum hekk kif it-tensjonijiet kummerċjali bejn l-Istati Uniti u ċ-Ċina baqgħu għoljin qabel ma l-minuti tal-Federal Reserve jagħtu ħjiel dwar x’kien wassal lill-mexxejja…

Barranin

Muniti Id-Dollaru llum żamm iż-żidiet li kellu l-ġimgħa li għaddiet hekk kif l-investituri qed jistennew il-minuti tal-laqgħa tal-Federal Reserve li jistgħu jagħtu aktar ħjiel dwar x’wassal biex id-diretturi jieħdu atteġjament…

Barranin

Id-Dollaru żamm qrib l-ogħla rata f’ġimagħtejn kontra l-muniti rivali, sostnut minn statistika ekonomika tajba ferm mill-Istati Uniti u żieda fid-dħul tal-bonds tat-Teżor. L-indiċi tad-Dollaru kontra grupp ta’sitt muniti ewlenin ftit…

Barranin

Muniti L-Ewro llum żdied kontra d-Dollaru u l-Isterlina hekk kif kienet irtirata theddida Amerikana ta’ tariffi kontra l-karozzi, għalkemm iż-żieda fir-rata kienet limitata minn inċertezza dwar l-elezzjonijiet Parlamentri Ewropej tal-ġimgħa…

Aktar