L-ewro jibqa’ b’saħħtu wara li l-partiti favur l-UE żammew żewġ terzi tas-siġġijiet fil-PE

L-ewro llum żamm sod fin-negozju bikri wara li l-partiti favur l-Unjoni Ewropea ma nfirdux aktar biex żammew żewġ terzi tas-siġġijiet fil-Parlament Ewropew, u b’hekk illimitaw żieda fil-partiti  nazzjonalisti tal-lemin.

Il-munita unika kienet tiswa $1.1211 fin-negozju fl-Asja, qrib l-ogħla livell f’ġimgħa u nofs, u lill hinn mill-inqas rata f’sentejn ta’ $1.11055 ta’ nhar il-Ħamis.

In-negozju deher kajman illum minħabba btajjel tas-swieq finanzjarji f’Londra u fi New York. Id-Dollaru żdied 0.15% kontra l-Yen.

L-Isterlina żdiedet b’0.15% għal $1.2731 wara li rpiljat xi ftit wara li l-Prim Minsitru Theresa May habbret id-data tar-riżenja u l-munita żdiedet mill-inqas rata f’erba xhur u nofs ta’ nhar il-Ħamis.

Indiċi

L-ishma Ewropej żdiedu llum hekk il-possibiltà ta’ għaqda bejn il-FIAT-Chrysler u r-Renault sostiet l-ishma tal-karozzi, waqt li l-investituri evalwaw ir-riżultati tal-elezzjonijiet għall-Parlament Ewropew fejn il-partiti favur l-Unjoni Ewropea mistennija li jżommu żewġ terzi tas-siġġijiet.

L-iSTOXX 50 żdied b’0.43% bil-parti l-kbira tal-indiċijiet juru żieda iżda n-negozju kien fqir bis-swieq fianzjarji tar-Renju Unit u l-Istati Uniti magħluqin.

Ishma

Lokalment, l-ishma tal-Malta International Airport tilfu 5.06% għal €7.50. Kien hemm tnaqqis ta’ 2.94% fl-HSBC Bank Malta għal €1.65.

Min-naħa l-oħra, Simonds Farsons Cisk żdiedu 1.87%, il-Malita Investments 1.79% waqt li kien hemm żieda ta’ 0.91% fil-Medserv.  Il-Malta Properties Company żdiedu b’0.81% u żieda ta’ 0.75% kienet fil-Bank of Valletta.

Bonds

Fil-qasam tal-bonds lokali, il-GlobalCapital 2021 żdiedu 2.04%, segwiti min-1923 Investments 2024 b’0.50%.

F’territorju negattiv kien hemm l-International Hotel Investments 2024 bi tnaqqis ta’ 2.75%; l-iStivala Group Finance 2027 b’0.81% u l-International Hotel Investments 2026 (It-tieni ħruġ) b’0.77%.

Il-prezz taż-żejt żdied għal madwar $69 kull barmil sostnut mit-tensjonijiet fi-Lvant Nofsani u t-tnaqqis tal-produzzjoni mill-OPEC għalkemm it-tħassib dwar it-tilwima kummerċjali bejn l-Istati Uniti u ċ-Ċina  u l-ekonomija globali llimitat iż-żidiet.

Aħbarijiet Oħra

Id-dollaru llum tbaxxa għall-inqas rata f’ġimgħa kontra r-rivali tiegħu hekk kif statistika ekonomika tajba mill-Istati Uniti u mill-Ewropa saħħew is-sentiment ta’ riskju, b’tamiet għal vaċċin kontra l-Covid-19 ikomplu jgħinu s-sentiment….

Barranin

Muniti Statistika ekonomika Ewropea tajba xprunat is-sentiment ta’ riskju llum, waqt li tilef l-ewro u l-indiċi tad-dollaru żdied xi ftit hekk kif  is-swieq finanzjarji bbilanċjaw tamiet għal rkupru ekonomiku globali…

Barranin

Muniti Grupp ġdid ta’ statistika ekonomika ħażina żammet lill-ewro u lill-isterlina taħt pressjoni hekk kif tbaxxa s-sentiment minħabba l-biża’ ta’ postijiet ġodda ta’ imxija qawwija tal-COVID-19 madwar id-dinja u li…

Barranin

Id-dollaru żamm sod illum hekk kif il-kwatela dwar iż-żidiet rapidi fil-każi tal-coronavirus fl-Istati Uniti tefgħet dubju dwar il-ftuħ mill-ġdid tal-ekonomija u dan żamm mhux mittiefsa d-domanda għad-dollaru meqjus bħala munita…

Aktar