Barranin
L-Ewro jieħu daqqa ta’ ħarta wara t-tħassib politiku fil-Ġermanja

Muniti

Taħt pressjoni qawwija mill-alleati konservattivi fil-Ġermanja, il-Kanċellier Angela Merkel illum appellat lill-mexxejja Ewropej sabiex ifasslu approċċ komuni għal migrazzjoni, li sejħet bħala kwistjoni ta’ ħajja jew mewt għall-Ewropa. Fil-laqgħa għolja ta’ jumejn, il-mexxejja ser jaqblu dwar miżuri biex jirrestrinġu l-wasliet mill-Mediterran, jonfqu aktar fil-ġlieda kontra l-immigrazzjoni illegali u jkabbru l-kooperazzjoni sabiex jevitaw rifuġjati u migranti li jimxu fl-Unjoni.

Il-munita unika ħadet daqqa dalgħodu, minħabba statistika dgħajfa u t-tħassib politiku fil-Ġermanja. Hija tilfet 0.2% biex għalqet $1.1538 u warrbet it-telf billi żdiedet 0.27% għal $1,1583 wara li ħarġet l-inflazzjoni fl-Italja.

L-Ewro żdied b’0.50% kontra l-Isterlina, 0.20% kontra l-yen u 0.31% kontra l-Frank vizzeru.

Indiċi

It-tensjonijiet dwar il-kummerċ u dawk politiċi kellhom effett fuq l-ishma Ewropej hekk kif l-investituri stennew il-laqgħa għolja tal-Unjoni Ewropea li potenzjalment tista’ tkun waħda diviżiva.

L-iSTOXX 50, tbaxxew b’0.71%. Il-FTSE 100, id-DAX u l-CAC 40 kollha f’territorju negattiv bid-DAX l-aktar li jonqos b’1.13%.

Id-Dow Jones fetaħ bi tnaqqis ta’ 0.43% waqt li l-indiċi ta’ Malta għalaq b’żieda ta’ 0.006%.

Ishma

Fil-qasam tal-ishma lokali, il-MIDI u l-PG żdiedu b’aktar minn 0.70% bil-MIDI jiżdied l-aktar b’1.28%.

Il-Bank of Valletta u l-International Hotel Investments ma kellhom ebda ċaqliq.

Sadattant, il-Main Street Complex, l-RS2 Software u l-Malita Investments naqsu b’aktar minn 0.70% bil-Malita Investiment jitbaxxew b’1.14% biex għalqu €0.865.

Bonds

Fil-qasam tal-bonds, l-International Hotel Investments 2021, il-Bank of Valletta 2019, u l-International Hotel Investments 2025 żdiedu b’aktar minn 0.80%.

Sadattant il-MIDI 2026, il-Bortex Group Finance 2027, id-Dizz Finance 2026 u l-International Hotel Investments 2023 tilfu aktar minn nofs punt perċentwali.

Il-prezz taż-żejt bdew jistabbiliżżaw illum, biż-żejt mhux maħdum Amerikan qrib l-ogħla livell fi tliet snin u nofs, iżda l-provvista baqgħet nieqsa bl-investituri mħassba mill-prospetti ta’ waqgħa kbira fil-provvista mill-Iran minħabba s-sanzjonijiet Amerikani.

Il-Brent żdied b’0.97% għal $78.01 u l-US light crude naqas b’0.19% għal $72.62.

Il-prezz tad-deheb tela’ b’0.02% waqt li dak tal-fidda naqas b’0.10%.

Aħbarijiet Oħra
Barranin

Id-Dollaru niżel mill-ogħla livell f’din l-aħħar sena wara li l-President tal-Istati Uniti Donald Trump esprima tħassib dwar munita b’saħħitha għaliex qal li din tqiegħed lill-Istati Uniti fi żvantaġġ. Il-munita unika…

Barranin

Muniti Id-dollaru tela’ għall-ogħla livell f’din l-aħħar sena hekk kif l-investituri saħħew it-tbassir tagħhom fuq is-saħħa fit-tul tal-munita wara kummenti pożittivi dwar l-ekonomija tal-Istati Uniti miċ-ċermen tal-Federal Reserve. Jerome Powell…

Barranin

Muniti Id-Dollaru tela’ lejn l-ogħla livell f’din l-aħħar sena fid-dawl ta’ kummenti pożittivi miċ-Chairman tal-Federal Reserve tal-Istati Uniti Jerome Powell dwar is-saħħa tal-ekonomija Amerikana. Minkejja li Powell ma bidilx l-aspettattivi…

Barranin

Iż-żidiet fid-Dollaru din is-sena kienu limitati minħabba tħassib dwar it-tilwima kummerċjali li qed tikber bejn l-Istati Uniti u ċ-Ċina, għalkemm it-tħassib ma fixkilx ir-rendiment solidu tad-dollaru sa issa. Il-Fond Monetarju…

Aktar