Barranin
L-Ewro – jitbaxxa għall-inqas rata f’ħames xhur

L-Ewro llum tbaxxa għall-inqas rata f’ħames xhur għax l-investituri qed juru tħassib dwar it-talbiet tal-partiti populisti li mistennija jiffurmaw gvern fl-Italja u hekk kif żieda ġdida fid-dħul tal-bonds tat-Teżor Amerikan kabbru d-domanda għad-Dollaru.

L-Isterlina rkuprat għal ftit ħin b’nofs punt perċentwal fil-mija kontra d-Dollaru wara li rapporti fil-midja qalu li r-Renju Unit ser jgħid lil Brussell li kien lest jibqa’ fl-unjoni doganali tal-Unjoni Ewropea wara l-arranġament tranżitorju.

Il-volatilità fis-swieq finanzjarji ma tantx dehret llum bl-ikbar ċaqliq kien ta’ 0.17% tal-Ewro kontra d-Dollaru.

Kien jum pożittiv għall-ishma llum, b’eċċezzjoni kien is-suq Amerikan li tilef 0.41% fil-ftuħ. Id-DAX u l-CAC 40 it-tnejn żdiedu aktar minn 0.5%. L-indiċi lokali wkoll rreġistra żieda ta’ 0.21%.

Il-Malta Properties Company u l-GlobalCapital żdiedu bi 8.5% u 6.25% rispettivament, ferm aktar miż-żidiet reġistrati mill-Malita Investments, il-MIDI u l-MIA.  F’territorju negattiv kien hemm l-International Hotel Investments u l-RS2 Software b’dawn tal-aħħar jitilfu 1.5%.

Il-movimenti fis-suq tal-bonds lokali kienu aktar modesti bl-International Hotel Investments u l-Mariner 2024 jiżdiedu b’aktar minn 1%. Il-Hudson Malta u Farsons tilfu kważi 1%.

Il-prezzijiet taż-żejt laħqu t-$80 għall-ewwel darba minn Novembru 2014 minħabba tħassib dwar l-esportazzjoni Iranjana li tista’ titbaxxa minħabba sanzjonijiet Amerikani li b’hekk tnaqqas l-provvista f’suq diġà nieqes fil-provvista.

Il-prezzijiet bil-quddiem għaż-żejt mhux maħdum Brent laħqu it-$80.18 qabel tbaxxew għal $79.68.

Id-deheb tbaxxa għall-inqas prezz f’aktar minn sena hekk kif żieda oħra fil-bonds Amerikani u tħassib  dwar il-qagħda politika fl-Italja żammew lid-Dollaru qrib l-ogħla livell ta’ din is-sena.

Il-prezz tad-deheb tbaxxa aktar minn 2% din il-ġimgħa minħabba ż-żieda fil-valur tad-Dollaru u fil-bonds Amerikani.

Dħul akbar mill-bonds inaqqsu s-sentiment favur id-deheb.

Aħbarijiet Oħra
Barranin

Id-Dollaru kompla jissaħħaħ kontra r-rivali ewlenin tiegħu u kompla miż-żidiet riċenti tiegħu waqt li l-Isterlina tbaxxiet fost sentiment dgħajjef ta’ riskju. Is-sentiment tas-suq baqa’ kajman fost tħassib li l-għeluq tad-dipartimenti…

Barranin

Il-bilanċ kummerċjali taż-żona tal-Ewro żdied għal €15.1 Biljun, l-ogħla fi tliet xhur. Dan kien aħjar mit-tbassir tal-Bank Ċentrali Ewropew ta’ €13.2 Biljun. Il-President tal-Bank, Mario Draghi aktar tard tkellem dwar…

Barranin

Muniti Id-domanda għall-munita Ewropea baqa’ batut illum u issa huwa mistenni li r-rata kontra d-Dollaru titbaxxa lejn id-$1.1400. Il-par iffaċċja aktar pressjonijiet ta’ bejgħ wara li l-produzzjoni industrijali fiż-żona tal-ewro…

Barranin

Muniti Il-munita unika llum ma kellha ebda żidiet, bir-rata qrib id-$1.1540 wara li kienet żdiedet sa $1.1570 matul in-negozju bil-lejl, l-ogħla minn nofs Ottubru qabel waqfet f’$1.1535. Barra dan, l-ewro…

Aktar