Barranin
L-ewro u l-isterlina ħadu r-ruħ bl-ottimiżmu li ġab miegħu l-ftehim dwar il-Brexit

Id-dollaru Amerikan kien qed jiġi nnegozjat fl-inqas rata tiegħu dan ix-xahar kontra l-muniti ewlenin rivali hekk kif tnaqqis fid-dħul mill-bonds tat-Teżor Amerikan u aktar telf f’Wall Street ċajpar is-sentiment.

L-indiċi tad-dollaru, il-kejl tal-valur tiegħu kontra sitt muniti ewlenin kien 95, inqas mill-ogħla livell f’xahar ta’ 96.15 milħuq nhar it-Tlieta.

Id-Dow Jones għalaq fl-inqas livell f’xahrejn wara tnaqqis ta’ 2.13% waqt li l-S&P tilef 2.05%. Id-Dow Jones kien tilef madwar 7% nhar it-3 t’Ottubru.

Żieda inqas milli mistennija fl-inflazzjoni fl-Istati Uniti imminat id-dollaru hekk kif l-investituri naqqsu t-tamiet ta’ aktar żidiet maż-żidiet ippjanati fir-rati tal-interessi mill-Federal Reserve.

L-ewro u l-isterlina żdiedu din il-ġimgħa, imsaħħa minn ottimiżmu dwar ftehim dwar il-Brexit, waqt li d-dollaru tilef kontra basket ta’ muniti anke hekk id-dħul mill-bonds tat-teżor kienu qrib l-ogħla għal bosta snin.

Iż-żidiet tal-munita unika kienu limitati minn tħassib dwar is-sostenibbiltà tal-finanza pubbliċi tal-Italja, għalkemm il-Ministru tal-Ekonomija Giovanni Tria tenna nhar l-Erbgħa li l-gvern ser jagħmel dak kollu possibbli biex jikseb lura l-fiduċja tas-swieq finanzjarji.

Il-prezzijet bil-quddiem taż-żejt Brent telgħu b’$1.02 jew 1.3% għal $81.28 sa dalgħodu. Il-prezz kien tilef 3.4% nhar ilbieraħ wara tnaqqis qawwi fis-swieq tal-ishma u indikazzjonijiet li t-tħassib dwar il-provvista kien imkabbar iżżejjed.

Il-Brent xorta riesaq telf ta’ 3.4% għal din il-ġimgħa, l-ikbar waqgħa fi kważi erba’ xhur.

Il-prezzijiet bil-quddiem tal-U.S. West Texas Intermediate żdiedu bi 80 cent, jew 1.1% għal $71.77 kull barmil wara tnaqqis ta’ 3% fis-sessjoni ta’ qabel. Dan it-tip ta’ żejt riesaq lejn tnaqqis ta’ 3.5% fil-prezz għal din il-ġimgħa.

Il-prezzijiet tad-deheb waqgħu din il-ġimgħa hekk kif issaħħew l-ishma Asjatiċi, iżda d-deheb żamm qrib l-ogħla prezz f’10 ġimgħa milħuq fis-sessjoni ta’ qabel fejn qabel livell importanti u dan qajjem ottimiżmu dwar aktar żidiet fil-prezz.

L-ishma fl-Asja għamlu rkupru llum biex ikollhom l-ewwel żieda f’ġimagħtejn u qawwew is-sentiment tal-investitur li kien intlaqat minn volatilità qawwija fl-indiċi li huwa meqjus bħala l-kjel tal-biża’ għal Wall u li żdied għall-ogħla livell fi tmien xhur.

Il-prezz għad-deheb tbaxxa b’0.4% għal $1,218.86 kull uqija wara li lbieraħ żdied 2.5% l-ikbar żieda minn Ġunju 2016 hekk kif tħarbita fl-ishma wassal biex l-investituri jfittxu assi siguri.

 

Aħbarijiet Oħra
Barranin

Muniti Il-muniti llum kienu qed jiġu nnegozjati bejn tnaqqis ta’ 0.26% u żieda ta’ 0.15% b’ġurnata b’ebda aħbarijiet importanti. L-ewro tilef 0.26% kontra d-Dollaru Awstraljan bi prestazzjoni simili kontra l-Yen….

Barranin

Muniti Id-dollaru tbaxxa fin-negozju bikri fi New York hekk kif irritorna s-sentiment ta’ riskju wara l-ftehim dwar il-baġit fl-Italja, waqt li mewġa ta’ rapporti finanzjarji minn kumpaniji fl-Istati Uniti tidher…

Barranin

Id-Dollaru tbaxxa għall-inqas livell f’ġimagħtejn waqt in-negozju bikri llum fi New York qabel ma rkupra xi ftit; il-munita tilfet iż-żidiet ta’ nhar il-Ġimgħa fost ħjiel mill-President Trump dwar aktar tariffi…

Barranin

Bl-inflazzjoni tiżdied inqas milli kien mistenni, id-Dollaru Amerikan tbaxxa kontra l-Ewro għal $1.1600, l-ogħla livell mill-1 ta’ Ottubru. L-Ewro kompla jitlef kontra l-munita Amerikana lbieraħ hekk kif is-swieq baqgħu mħassbin…

Aktar