Barranin
L-Ewro u l-Isterlina jitbaxxew ftit

Muniti

L-ewro waqa għal $1.1112, mill-ogħla livell f’ħames xhur ta’ $1.1239 fil-31 ta Diċembru u wara li kien jiġi nnegozjat għal $1.1122.

Statistika maħruġa llum turi li l-prezzijiet tal-konsumatur fl-Istati Uniti telgħu bi ftit matul Diċembru u irtirat il-pressjoni inflazzjonarji ta’ kull xahar, li tista’ tippermetti lill-Federal Reserve li jżomm ir-rati tal-interess bla bidla għal matul is-sena.

Id-Dipartiment tat-Teżor Amerikan ilbierah bidel it-tifsira taċ-Ċina bħala manipulatur tal-kambju f’dik li hija meqjusa mossa konċiljatorja qabel l-iffirmar tal-ftehim kummerċjali għada.

L-Isterlina tbaxxiet għall-inqas rata f’seba’ ġimgħat kontra l-ewro u għal livell baxx ġdid għall-2020 kontra d-dollaru llum, hekk kif l-investituri bdew jinkwetaw dwar l-istat tal-ekonomija u spekulaw li dan ser iwassal biex il-Bank of England ibaxxi r-rati tal-interess dan ix-xahar. L-Isterlina tilfet sewwa lbieraħ wara li direttur ieħor tal-Bank of England qal li jivvota favur tnaqqis fir-rati tal-interessi aktar tard dan ix-xahar kemm-il darba l-istatistika ekonomika ma titjibx b’mod sinifikanti.

Indiċi

Ftit li xejn kien hemm movement fl-ishma Ewropej hekk kif l-imnvestituri ħadu xi profit wara l-
irkupru rekord qabel il-ftehim bejn l-Istati Uniti u ċ-Ċina.

L-ishma fl-Istati Uniti illum irtiraw mil-livelli rekord, hekk kif l-ishma tat-teknoloġija tilfu ż-żidiet li kienu għamlu mat-tamiet ta’ ftehim bejn l-Istati Uniti u ċ-Ċina waqt li Wells Fargo tilfet fil-bidu imħallat tal-perjodu tar-rapporti finanzjarji mill-kumpaniji.

Stocks Lokali

Fis-settur tal-ishma lokali, il-Bank of Valletta kien l-agħar li mar u għalaq b’€1.06, telf ta’ 0.47%. Fl-istess ħin, il-Global Capital kienu l-aħjar li marru b’żieda ta’ 7.14%. Il-Malta Properties Company plc avvanzaw b’0.80%, il-PG b’1.10% u Simonds Farsons Cisk ukoll żdiedu bi 2.70%.

Bonds Lokali

Fis-sessjoni tal-bonds lokali, dawn kienu gb’miod ġenerali pożitrtivi bil-parti l-kbira ikollhom żieda ta’ aktar minn 1%. L-AX Investments 2024 żdiedu 1.37%, l-AX Group 2026 L-ewwel Serje avvanzaw 0.99%, 4.35% Il-Hudson Malta 2026 żdiedu 0.97%, il-Hili Finance Company 2028 żdiedu b’0.94% waqt li l-International Hotel Investments 2026 irreġistraw żieda ta’ 1.28%, Simonds Farsons Cisk 2027 żdiedu 1.68% u l-iStivala Group Finance 2027 għalqu pożittivament b’1.86%.

Prodotti Essenzjali

Il-prezz ta’ referenza internazzjonali għaż-żejt, dak tal-Brent, żdied 1% għal kważi $65 illum u b’hekk waqqaf erbat ijiem infila ta’ telf minħabba li naqset it-tensjoni fil-Lvant Nofsani u hekk kif l-Istati Uniti u ċ-Ċina, l-akbar konsumaturi tal-enerġija fid-dinja, qed iħejju biex jiffirmaw ftehim kummerċjali preliminari.

Il-prospetti tad-domanda għaż-żejt kienet sostnuta qabel l-iffirmar tal-ftehim bejn l-Istati Uniti u ċ-Ċina li jimmarka pass importanti lejn tmiem it-tilwima li waqqfet it-tkabbir ekonomiku mondjali u ċajpret id-domanda għaż-żejt.

Aħbarijiet Oħra
Barranin

Din hija l-ġabra ta’ aħbarijiet finanzjarji ta’ kull nhar ta’ Ġimgħa miġbura minn BNF Bank. Muniti Id-dollaru kien imwaħħal f’firxa dejqa, sostnut mill-flussi f’assi sikuri hekk kif il-qawmien mill-ġdid tal-coronavirus…

Barranin

Id-dollaru llum tbaxxa għall-inqas rata f’ġimgħa kontra r-rivali tiegħu hekk kif statistika ekonomika tajba mill-Istati Uniti u mill-Ewropa saħħew is-sentiment ta’ riskju, b’tamiet għal vaċċin kontra l-Covid-19 ikomplu jgħinu s-sentiment….

Barranin

Muniti Statistika ekonomika Ewropea tajba xprunat is-sentiment ta’ riskju llum, waqt li tilef l-ewro u l-indiċi tad-dollaru żdied xi ftit hekk kif  is-swieq finanzjarji bbilanċjaw tamiet għal rkupru ekonomiku globali…

Barranin

Muniti Grupp ġdid ta’ statistika ekonomika ħażina żammet lill-ewro u lill-isterlina taħt pressjoni hekk kif tbaxxa s-sentiment minħabba l-biża’ ta’ postijiet ġodda ta’ imxija qawwija tal-COVID-19 madwar id-dinja u li…

Aktar