Barranin, Lokali
L-inċertezza politika fil-Ġermanja taffettwa l-valur tal-ewro

Muniti kontra l-ewro

L-ewro ssoda llum wara li rreġistra l-ikbar waqgħa f’ġurnata fis-sessjoni ta’ qabel, peress li l-investituri qed iħarsu lil hinn mill-impass politiku fil-Ġermanja biex jiffokaw fuq l-ekonomija robusta taż-żona ewro.

L-isterlina ssaħħet għall-ogħla rata fi tmient ijiem kontra l-ewro hekk kif l-inċertezza politika fil-Ġermanja żammet lill-munita unika taħt pressjoni waqt li ottimiżmu kawt dwar l-abbożż ta’ liġi dwar il-Brexit ippreżentat minn Theresa May offra appoġġ għall-isterlina.

Indiċi

Fil-ftuħ tan-negozju llum, id-Dow Jones fetaħ 0.57% ogħla. Indiċi oħra wkoll żdiedu bid-DAX fuq quddiem b’1.09%. L-iSTOXX 50 u l-CAC 40 segwew b’0.81% u 0.80% rispettivament.

Isħma lokali

Kien hemm xi ftit movimenti llum fis-suq tal-isħma lokali bil-Plaza Centres u l-HSBC Bank Malta jkollhom żieda ta’ 0.90% u 0.64% rispettivament. Kien hemm tnaqqis ta’ 0.87% fil-Malta International Airport; 1.57% f’Simonds Farsons Cisk u 2.03% fil-PG.

Bond lokali

Is-suq tal-bonds lokali għalaq b’mod ġenerali f’territorju pożittiv. L-Island Hotels Group Holdings 2024 u l-Mediterranean Investments Holding 2020 żdiedu b’1.78% u 0.78% rispettivament. Il-PTL Holdings 2024 u l-SD Finance 2027 biss illum tilfu ftit.

Indikaturi ekonomiċi

Fl-Istati Uniti, il-bejgħ ta’ djar żdied aktar milli kien mistenni matul Ottubru hekk kif it-tfixkil ikkawżat mill-uragani batta, iżda n-nuqqas ta’ djar, li qed jgħolli l-prezzijiet li ma jintlaħqux minn dawk li qed jixtru l-ewwel dar, baqa’ ostakolu.

In-National Association of Realtors qalet llum li l-bejgħ ta’ djar eżistenti żdied bi 2% għar-rata annwali ta’ 5,480,000 post ix-xahar li għadda. Il-pass tal-bejgħ f’Settembru kien rivedut ‘l isfel għal 5,370,000.

Prodotti essenzjali

Il-prezzijiet taż-żejt żdiedu xi ftit illum hekk kif ix-xerrejja qed jistennew il-laqgħa tal-ġimgħa d-dieħla li matulha l-esportaturi ewlenin huma mistennija li jestendu l-ftehim dwar il-qtugħ fil-produzzjoni iżda l-prospetti ta’ produzzjoni akbar mill-Istati Uniti llimtaw iż-żieda.

Il-prezz tad-deheb irkupra hekk kif l-investituri antiċipaw sinjali dwar id-direzzjoni tal-politika monetarja fl-Istati Uniti mill-minuti tal-laqgħa ta’ Novembru tal-Federal Reserve.

Aħbarijiet Oħra
Barranin

Id-dollaru żdied għall-ogħla rata f’ħames xhur illum hekk kif tnaqqas it-tħassib dwar gwerra kummerċjali bejn l-Istati Uniti u ċ-Ċina, u dan ħajjar l-investituri biex ikabbru s-sentiment favur il-munita Amerikana. L-investituri…

Barranin

L-Ewro llum tbaxxa għall-inqas rata f’ħames xhur għax l-investituri qed juru tħassib dwar it-talbiet tal-partiti populisti li mistennija jiffurmaw gvern fl-Italja u hekk kif żieda ġdida fid-dħul tal-bonds tat-Teżor Amerikan…

Barranin, Lokali

L-ewro baqa’ mwaħħal qrib l-inqas rata wara l-aħbar ta’ tkabbir ekonomiku dgħajjef aktar milli mistenni fil-Ġermanja u żieda fid-dħul mill-bonds tat-Teżor Amerikan għenet lid-dollaru jirkupra wara pawsa fiż-żidiet. Is-saħħa tad-dollaru…

Barranin

Id-Dollaru tbaxxa għall-inqas livell f’ġimgħa hekk l-investituri bdew jiddubitaw jekk l-irkupru tal-ġimgħa li għaddiet li wassal lill-munita Amerikana għall-ogħla livell f’aktar minn erba’ xhur kienx spiċċa. Id-Dollaru żdied hekk kif…

Aktar