Barranin
L-inflazzjoni fiż-żona ewro tiżdied iżda tibqa’ taħt il-mira

Muniti Kontra l-Ewro

Id-dollaru llum tbaxxa kontra basket ta’ muniti fost tħassib dwar jekk il-programm propost ta’ riforma fiskali fl-Istati Uniti hux ser ikollu effett kbir fuq it-tkabbir ekonomiku, wara li l-abbozz għamel pass ieħor lejn ir-ratifika fi tmiem il-ġimgħa. L-isterlina llum issaħħet wara ġimagħtejn ta’ tnaqqis hekk kif l-investituri ikkapitalizzaw fuq id-dgħjufija wiesgħa tad-dollaru biex jinvestu aktar wara li l-Unjoni Ewropea tat l-approvazzjoni biex it-taħditiet dwar il-Brexit jimxu lejn stadju ieħor.

Indiċi

Id-Dow Jones illum fetaħ f’livell għoli rekord hekk kif tidher li riesqa lejn l-approvazzjoni r-riforma fiskali u għadd ta’ negozji bejn il-kumpaniji li laħqu il-$11-il biljun sa issa sabiex kiber l-ottimiżmu. Il-FTSE 100, l-iSTOXX 50 u d-DAX ukoll kienu f’territorju pożittiv b’żidiet ta’ 0.44%, 1.35% u 1.63% rispettivament.

Ishma Lokali

Is-suq lokali tal-ishma llum kien attiv ħafna. Il-FIMBank kien fuq quddiem b’żieda qawwija ta’ 14.75%. Segwew il-PG bi 3.86%. Min-naħa l-oħra, l-HSBC Bank Malta u l-Bank of Valletta tilfu 0.51% u 1.60% rispettivament.

Bonds lokali

Kien hemm bosta volatilità fis-suq tal-bonds lokali. Il-Mediterranean Maritime Hub Finance 2026 u l-Bortex Group Finance 2027 żdiedu b’1.93% u 0.52%. L-SD Finance 2027 tilfu 0.10% u l-Eden Finance 2027 tilfu 0.47%.

Indikaturi Ekonomiċi

L-inflazzjoni fiż-żona tal-ewro żdiedet matul Novembru iżda xorta kienet taħt il-mira tal-Bank Ċentrali Ewropew, skont reviżjoni llum mill-Eurostat. L-uffiċċju qal li din iċ-ċifra turi li l-indiċi tal-prezzijiet għall-konsumatur żdiedu bir-rata annwali ta’ 1.5% f’Novembru, minn 1.4% f’Ottubru. Sadanittant l-indiċi żdied b’0.1% minn xahar għal xahar bla ebda bidla mill-qari preliminari.

Prodotti Essenzjali

Il-prezzijiet taż-żejt żdiedu llum sostnuti mill-waqfien f’pipeline fil-Baħar tat-Tramuntana u strajk mill-ħaddiema fl-industrija tal-enerġija fin-Niġerja. Il-prezz tad-deheb kien ogħla llum hekk kif l-inċertezza dwar ir-riforma fiskali kellha effett fuq id-dollaru, waqt li analista qal li d-deheb jista’ jiltaqa’ ma’ diffikultajiet kmieni s-sena d-dieħla.

Aħbarijiet Oħra
Barranin

Muniti Id-dollaru baqa’ qrib l-ogħla rata f’ġimagħtejn kontra l-muniti rivali hekk kif it-tnaqqis fl-ekonomija Ċiniża għall-inqas livell fi 28 sena kabbar it-tħassib tal-investituri dwar it-tkabbir globali u sostna l-muniti meqjuża…

Barranin

Id-Dollaru kompla jissaħħaħ kontra r-rivali ewlenin tiegħu u kompla miż-żidiet riċenti tiegħu waqt li l-Isterlina tbaxxiet fost sentiment dgħajjef ta’ riskju. Is-sentiment tas-suq baqa’ kajman fost tħassib li l-għeluq tad-dipartimenti…

Barranin

Il-bilanċ kummerċjali taż-żona tal-Ewro żdied għal €15.1 Biljun, l-ogħla fi tliet xhur. Dan kien aħjar mit-tbassir tal-Bank Ċentrali Ewropew ta’ €13.2 Biljun. Il-President tal-Bank, Mario Draghi aktar tard tkellem dwar…

Barranin

Muniti Id-domanda għall-munita Ewropea baqa’ batut illum u issa huwa mistenni li r-rata kontra d-Dollaru titbaxxa lejn id-$1.1400. Il-par iffaċċja aktar pressjonijiet ta’ bejgħ wara li l-produzzjoni industrijali fiż-żona tal-ewro…

Aktar