Barranin
L-ishma Ewropej jieħdu tisbita bit-tensjoni li qed tikber bejn il-Pakistan u l-Indja

Muniti

L-Isterlina estendiet iż-żidiet tagħha llum hekk kif l-investituri qed jaħsbu bis-sħiħ li mhux ser ikun ħruġ Ingliż mill-Unjoni Ewropea bla ftehim u li l-ħruġ ser ikun pospost.

Bir-riskju dejjem jonqos li ma jkunx hemm ftehim, l-Isterlina laħqet l-ogħla ammont kontra d-Dollaru minn Settembru 2018 u l-aħjar rata kontra l-ewro minn Mejju 2017. Il-munita Ingliża laħqet ukoll l-aħjar rata tagħha minn April 2017 kontra basket ta’ muniti ta’ sħab kummerċjali.

Ir-rati tal-aktar muniti negozjati fid-dinja tbaxxew hekk kif il-banek ċentrali qed jieħdu atteġjament iebes monetarju li temm irkupru qasir lejn tmiem l-2018 u l-investituri qed jittamaw li avvenimenti bħal Brexit ser iqajmu lis-swieq moribondi x-xaħar id-dieħel.

Il-volatilità hija kruċjali għall-investituri, li jistgħu jiksbu aktar profit hekk kif il-prezzijiet jinbidlu aktar malajr. Iżda r-rata tal-kambju tal-ewro kontra d-dollaru – l-aktar par negozjat fid-dinja – tinsab fl-inqas firxa ta’ negozju minn mindu daħlet il-munita unika.

Kull impatt negattiv fuq id-dollaru mill-pawsa fiċ-ċiklu ta’ żieda fir-rati tal-interessi tal-Federal Reserve tkisser minn Bank Ċentrali Ewropew kawt li għandu quddiem ekonomija taż-żona tal-ewro li qed titħabat.

Indiċi

L-ishma Ewropej waqgħu f’negozju bikri llum wara tlitt ijiem ta’ żieda fost tensjoni li qed tikber bejn il-Pakistan u l-Indja u twissija mill-kumpanija tal-kura tal-ġilda, Beiersdorf, waqt li tbaxxew l-ishma ta’ Air France-KLM u Marks and Spencer.

L-iSTOXX 50 tilef 0.21% wara li l-bieraħ laħaq l-ogħla livell minn Ottubru. Il-boroż l-oħra kontinentali kienu kollha f’territorju negattiv.

Il-FTSE 100, li huwa kompost fil-parti l-kbira minn kumpaniji tal-esportazzjoni ma mexxiex mas-suq hekk kif l-Isterlina baqgħet qrib l-ogħla rati f’ħames xhur kotnra d-dollaru fost tamiet ġodda li ser ikun evitat Brexit b;a ftehim.

Il-prezz taż-żejt żdied għat-tieni jum xprunat minn tnaqqis mhux mistenni fl-inventarji taż-żejt mhux maħdum tal-Istti Uniti u wara li l-Arabja Sawdija dehret mhux milquta minn pressjoni tal-President Trump biex tevita prezzijeit irħas.

Aħbarijiet Oħra
Barranin

Muniti  Is-sentiment ta’ riskju deher fis-swieq finanzjarji llum, hekk kif progress lejn is-sejba ta’ vaċċin kontra l-Covid-19 għen lill-ishma jirkupraw u l-muniti bbażati fuq prodotti essenzjali jissaħħu, waqt li d-dollaru…

Barranin

Muniti Id-dollaru Amerikan tilef iż-żidiet bikrin illum bl-investituri fil-muniti ma jagħtux każ it-tensjonijiet diplomatiċi bejn l-Istati Uniti uċ-Ċina u ż-żieda fil-każi tal-coronavirus. Waqt li s-swieq finanzjarji għal bidu tbaxxew hekk…

Barranin

Din hija l-ġabra ta’ aħbarijiet finanzjarji ta’ kull nhar ta’ Ġimgħa miġbura minn BNF Bank. Muniti Il-yen tela’ għall-ogħla rata f’ġimagħtejn u muniti sensittivi għar-riskju tbaxxew wara żieda fl-infezzjonijiet ġodda…

Barranin

Muniti Id-dollaru Amerikan llum tbaxxa kontra l-parti l-kbira tal-muniti hekk kif rkupru f’assi riskjużi bħall-ishma globali u prodotti essenzjali naqqsu d-domanda għall-munita Amerikana meqjusa bħala sikura. L-ewro żdied 0.1% għal…

Aktar