Barranin
l-Istati Uniti u ċ-Ċina lesti jinnegozjaw biex jevitaw gwerra kummerċjali

Ir-rata tal-Ewro kontra d-Dollaru żdiedet b’0.71% għal $1.2439 wara li l-President tal-Bank Ċentrali Ġermaniż u membru tal-Bank Ċentrali Ewropew, Jens Weidmann qal li t-tamiet tas-swieq għal żieda fir-rati tal-interessi għal nofs l-2019 mhumiex kompletament mhux realistiċi, b’hekk ikkonferma l-opinjoni preċedenti tiegħu u saħħaħ lill-Ewro għal terminu qasir.

Mhux qed ikun żieda fir-rata tal-Ewro kontra l-Isterlina u r-rata baqgħet madwar £0.8754 wara l-aħħar tnaqqis għal £0.8668.

Id-Dollaru Kanadiż żdied kontra dak Amerikan u ġibed ir-rata lejn $1.2900 wara attentat li falla sabiex ir-rata titla’ ‘l fuq minn din ir-rata.

L-ishma fl-Istati Uniti żdiedu matul in-negozju bikri llum hekk kif is-suq kiseb lura xi ftit mit-telf tal-ġimgħa li għaddiet. Iż-żidiet usa tella’ l-indiċi Dow Jones b’aktar minn 400 punt wara li kien tilef aktar minn 1,400 punt l-ġimgħa li għaddiet. L-Investituri sabu kuraġġ minn sinjali li l-Istati Uniti u ċ-Ċina lest li jinnegozjaw biex jevitaw gwerra kummerċjali. L-ishma tat-teknoloġija u tal-finanzi, li kellhom l-akbar telf il-ġimgħa li għaddiet, kienu l-fatturi prinċipali taż-żieda tal-lum.

L-iSTOXX 600 tilef 1.26% fl-għeluq tan-negozju, b’kull settur jimmarka telf. Matul is-sessjoni l-ishma Ewropej tbaxxew għall-inqas livelli f’ġimagħtejn, hekk kif il-volatiltà li kien hemm fi Frar daħlet ukoll f’Marzu.

Id-DAX tilef 1.97%, il-CAC 40 1.00% waqt li kien hemm tnaqqis ta’ 0.78% fil-FTSE 100.

Il-prezzijiet bil-quddiem taż-żejt mhux raffinat naqsu llum, iżda rkupru fis-swieq finanzjarji u żieda fit-tensjoni bejn l-Għarabja Sawdia u l-Iran illimitaw it-telf. L-ishma globali ħarġu minn sitt ġimgħat ta’ prezzijeit baxxi minħabba ottimiżmu li l-Istati Uniti u ċ-Ċina ser jibdew it-taħditiet, u b’hekk naqas il-biża’ dwar gwerra kummerċjali bejn l-akbar żewġ ekonomiji fid-dinja.

Aħbarijiet Oħra
Barranin

Muniti Il-muniti llum kienu qed jiġu nnegozjati bejn tnaqqis ta’ 0.26% u żieda ta’ 0.15% b’ġurnata b’ebda aħbarijiet importanti. L-ewro tilef 0.26% kontra d-Dollaru Awstraljan bi prestazzjoni simili kontra l-Yen….

Barranin

Muniti Id-dollaru tbaxxa fin-negozju bikri fi New York hekk kif irritorna s-sentiment ta’ riskju wara l-ftehim dwar il-baġit fl-Italja, waqt li mewġa ta’ rapporti finanzjarji minn kumpaniji fl-Istati Uniti tidher…

Barranin

Id-Dollaru tbaxxa għall-inqas livell f’ġimagħtejn waqt in-negozju bikri llum fi New York qabel ma rkupra xi ftit; il-munita tilfet iż-żidiet ta’ nhar il-Ġimgħa fost ħjiel mill-President Trump dwar aktar tariffi…

Barranin

Id-dollaru Amerikan kien qed jiġi nnegozjat fl-inqas rata tiegħu dan ix-xahar kontra l-muniti ewlenin rivali hekk kif tnaqqis fid-dħul mill-bonds tat-Teżor Amerikan u aktar telf f’Wall Street ċajpar is-sentiment. L-indiċi…

Aktar