Barranin
L-istatistika kummerċjali Ċiniża wriet tnaqqis ekonomiku akbar milli kien mistenni

Muniti

Id-domanda għall-munita Ewropea baqa’ batut illum u issa huwa mistenni li r-rata kontra d-Dollaru titbaxxa lejn id-$1.1400. Il-par iffaċċja aktar pressjonijiet ta’ bejgħ wara li l-produzzjoni industrijali fiż-żona tal-ewro ċkienet bla mistenni b’1.7% matul Novembru u 3.8% minn sena qabel.

Min-naħa l-oħra, id-dollaru qed jistenna li jkompli jkabbar maż-żieda tat-tieni nofs tal-ġimgħa li għaddiet, fost nuqqas ta’ aħbarijiet mit-taħditiet bejn l-Istati Uniti u ċ-Ċina u l-kontinwazzjoni tal-għeluq parzjali tad-dipartimenti tal-Gvern Amerikan.

L-ewro tilef 0.10% kontra l-ewro għal $1.1457. Il-munita unika tilfet 0.18% kontra l-Isterlina; 0.45% kontra l-Yen u 0.23% kontra l-Frank Żvizzeru. Sadattant l-ewro wera żieda ta’ 0.19% kontra d-Dollaru Awstraljan u ma kellu ebda bidla kontra d-Dollaru Kanadiż.

Indiċi

Il-prezzijiet bil-quddiem tal-ishma fl-Istati Uniti segwew l-ishma fl-Ewropa u fl-Asja li kienu aktar baxxi hekk kif l-istatistika kummerċjali Ċiniża wriet tnaqqis ekonomiku akbar milli kien mistenni u dan reġa’ kabbar il-biża’ dwar it-tkabbir globali. Il-bonds tal-Gvern Amerikan tbaxxew, u d-dollaru żamm sod. Il-Borża tal-Ġappun kienet magħluqa minħabba btala.

Il-FTSE 100 tbaxxa b’0.92%; l-iSTOXX 50 b’0.81%, id-DAX; 0.66% u l-CAC 40’ 0.77%.

Id-Dow Jones tbaxxa 0.93% mal-ftuħ tan-negozju waqt li l-Borża ta’ Malta kellha tnaqqis ta’ 0.387%.

Ishma

Fis-sessjoni tal-ishma lokali, il-MIDI u l-HSBC Bank Malta għalqu 0.75% u 0.57% ogħla. Trident Estates ma kellhom ebda bidla waqt li l-Bank of Valletta, it-Tigne Mall, FIMBank u l-GO tilfu aktar minn 0.30% bil-GO jaqgħu l-aktar bi 2.90% u għalqa bil-prezz ta’ 4.02%.

Bonds

Fil-qasam tal-bonds lokali, in-1923 Investments 2024, il-Hili Finance Company 2028 u l-International Hotel Investments 2026 (It-tieni serje) żdiedu b’aktar minn 0.40%.

F’territorju negattiv kienu l-Pendergardens Developments 2020 b’0.19%;il-Hili Properties 2025 b’0.48%; il-GAP Group 2023 b’0.98% u l-Mediterranean Investments Holdings 2022 bi 2.71%.

Iż-żejt Brent tilef 0.79% għal $60.00 kull barmil waqt li l-U.S. Light crude tbaxxa b’0.87% għal $51.14.

Id-deheb wera żieda ta’ 0.29% għal $1,293.96 u l-fidda tbaxxiet b’0.06% għal $15.59.

Aħbarijiet Oħra
Barranin

Muniti L-Isterlina tbaxxiet illum hekk kif kompla l-irkupru tad-dollaru, u l-istatistika tajba dwar il-bejgħ bl-imnut fir-Renju Unit ma kinetx biżżejjed biex tqajjem lill-munita mis-sitwazzjoni li tinsab fiha wara l-estensjoni ta’…

Barranin

Muniti L-ewro llum tbaxxa wara li diversi uffiċjali tal-Bank Ċentrali Ewropew urew dubji dwar l-irkupru pproġettat fit-tkabbir ekonomiku fit-tieni nofs tas-sena. It-tħassib dwar l-ekonomija taż-żona tal-ewro ħabat ħames ġimgħat wara…

Barranin

Rappreżentanti ta’ Valletta Cruise Port u l-Awtorità tat-Turiżmu flimkien ma’ partijiet interessati pparteċipaw fis-Seatrade Cruise Global 2019 f’Miami. Is-Seatrade Cruise Global huwa l-pjattaforma ewlenija tal-industrija fejn ‘il fuq minn 11,000…

Barranin

L-ewro żdied, mgħejun mill-aħbar dwar domanda li qed tikber għall-munita unika fil-pjani tal-banek Ġappuniżi għal xiri ta’ negozju ta’ bosta biljuni minn bank Ċermaniż. L-ewro żdied b’0.29% kontra d-dollaru għal…

Aktar