Barranin
L-Isterlina b’telf wara l-vot tal-bieraħ kontra proposta li tevita Brexit mingħajr ftehim

Muniti

L-Isterlina għoliet illum wara xi telf minħabba ċ-ċaħda tal-Parlament Ingliż tal-emendi sabiex il-Brexit jiddewwem, hekk kif l-investituri qed jittamaw bis-sod li l-Gvern xorta ser jevita li joħroġ mill-Unjoni Ewropea mingħajr ftehim kummerċjali maqbul.

Muniti oħrajn offrew stampa mħallta bid-dollaru aktar dgħajjef kontra r-rivali Ewropej, minkejja li l-iżviluppi fl-Unjoni huma ferm ‘il bogħod minn inkoraġġjanti. Id-dollaru kien aktar b’saħħtu kontra muniti meqjusa siguri bħall-Yen u l-Frank Żvizzeru, hekk kif Wall Street kien mistenni jiftaħ f’territorju pożittiv sewwa minħabba tamiet ta’ soluzzjoni fit-tilwima bejn l-Istati Unitu u ċ-Ċina.

Indiċi

Kumpaniji Ewropej fl-indiċi STOXX 50 mistennija li jirrapportaw żieda ta’ 3.6% tkabbir fid-dħul minn sena għal sena fir-raba’ kwart, inqas mit-tbassir tal-ġimgħa li għaddiet ta’ 4.8%.

L-indiċi Ingliż żdied illum wara waqgħa kbira fl-Isterlina matul il-lejl meta l-parlamentari Ingliżi vvutaw kontra proposta li kellha l-għan li tevita Brexit mingħajr ftehim.

Il-FTSE 100, iffukat fuq l-esportazzjoni, żdied b’1% sa dalgħodu biex estenda ż-żieda ta’ aktar minn 1% tal-bieraħ qabel il-vot waqt li l-FTSE 250 li huwa aktar iffukat fuq kummerċ domestiku żdied b’0.2%.

Ishma

F’Malta kienet ġurnata oħra kwieta fil-qasam tal-ishma bil-MaltaPost jitilfu 1.54% u l-RS2 Software juri żieda ta’ 0.68%.

Bonds

Fil-bonds lokali, il-GlobalCapital 2021 tilfu 1.49% bil-Melite Finance 2028 ukoll jitilfu 0.55%. L-akbar żieda kienet ta’ 0.49% fis-6PM Holdings 2025.

Il-prezzijiet taż-żejt żdiedu madwar 1% illum, mogħtija spinta minn tħassib dwar tfixkil fil-provvista wara s-sanzjonijiet Amerrikani kontra l-industrija taż-żejt fil-Veneżwela u mill-inċertezza fit-tkabbir ekonomiku gobali.

Aħbarijiet Oħra
Barranin

Muniti L-ewro baqa’ taħt pressjoni kontra d-Dollaru Amerikan wara l-ħruġ ta’ statistika ekonomika dwar il-Ġermanja li kienet dgħajfa aktar milli maħsub. L-ewro tilef 0.15% għal $1.1210. Barra dan, l-ewro tbaxxa…

Barranin

Muniti L-Isterlina tbaxxiet illum hekk kif kompla l-irkupru tad-dollaru, u l-istatistika tajba dwar il-bejgħ bl-imnut fir-Renju Unit ma kinetx biżżejjed biex tqajjem lill-munita mis-sitwazzjoni li tinsab fiha wara l-estensjoni ta’…

Barranin

Muniti L-ewro llum tbaxxa wara li diversi uffiċjali tal-Bank Ċentrali Ewropew urew dubji dwar l-irkupru pproġettat fit-tkabbir ekonomiku fit-tieni nofs tas-sena. It-tħassib dwar l-ekonomija taż-żona tal-ewro ħabat ħames ġimgħat wara…

Barranin

Rappreżentanti ta’ Valletta Cruise Port u l-Awtorità tat-Turiżmu flimkien ma’ partijiet interessati pparteċipaw fis-Seatrade Cruise Global 2019 f’Miami. Is-Seatrade Cruise Global huwa l-pjattaforma ewlenija tal-industrija fejn ‘il fuq minn 11,000…

Aktar