L-Isterlina ddgħajfet għal darb’oħra hekk kif qed tikber il-pressjoni fuq Theresa May

L-Isterlina ddgħajfet għal darb’oħra llum hekk kif qed tikber il-pressjoni fuq il-Prim Ministru Theresa May biex tiffissa d-data għar-riżenja wara aktar inkwiet fuq l-aħħar sforz tagħha dwar il-ħruġ mill-Unjoni Ewropea.

L-aħħar attentat ta’ May biex tikseb l-appoġġ mill-kollegi tagħha wassal għal rvell minn uħud mill-ministri li jappoġġjaw il-Brexit. B’hekk kibret l-inċertezza politika fir-Renju Unit u waslet għal bejgħ tal-Isterlina.

Id-dollaru tela’ għall-ogħla livell f’xahar hekk kif l-inċertezzi ekonomiċi u politiċi infirxu mal-Ewropa u l-Asja, b’effett kuntrarju għall-muniti ewlenin bħall-ewro u l-yuan.

Indiċi

L-ishma Ewropej tbaxxew llum hekk kif l-aħħar sensiela ta’ taħditiet bejn l-Istati Uniti u ċ-Ċina u stħarrig batut dwar in-negozju naqqsu s-sentiment ta’ riskju li deher ilbierah, waqt li l-Prim Ministru May tiffaċċja pressjoni biex tirriżenja.

Dan segwa xejra ‘l  isfel fl-ishma fl-Asja għall-inqas livell f’erba xhur, hekk kif l-investituri huma mħassba li t-tilwima bejn l-Istati Uniti u ċ-Ċina qed tinbidel fi gwerra bierda ibbażata fuq it-teknoloġija.

L-aħħar evidenza tal-impatt tal-kunflitt dehret fil-Ġermanja fejn l-attività fis-setturi tal-manifattura u tas-servizzi waqgħet matul Mejju.

Ishma

Fil-Borża ta Malta, l-ishma tal-Medserv tilfu 13.06% segwiti minn FIMBank bi tnaqqis ta’ 4.62%, HSBC Bank Malta bi 2.35% u Tigne Mall b’1.64%. Malita Investments żdiedu bi 2.42%, Trident Estates b’1.82% u l-Malta Properties Company wreqw żieda ta’ 1.64%.

Bonds

L-akbar movement fil-bonds lokali, kien fil-United Finance 2023 li tilfu 2.55%, waqt li is-6PM Holdings 2025 żdiedu b’1.98% segwiti minn Mediterranean Investments Holdings 2022 b’1.49%.

 Commodities

Il-prezzijiet taż-żejt waqgħu llum u komplew bit-telf tas-sessjoni ta’ qabel fost żieda fl-inventarji taż-żejt fl-Istati Uniti hekk kif produzzjoni baxxa u t-tensjonijiet kummerċjali qed ikollhom effett fuq id-domanda.

L-ishma fid-dinja baqgħu baxxi għal erbat ijiem fl-aħħar ħamest ijiem minħabba t-tħassib dwar il-kunlitt bejn l-Istati Uniti u ċ-Ċina li qed tersaq lejn gwerra bierda bit-teknoloġija.

Aħbarijiet Oħra

Id-dollaru llum tbaxxa għall-inqas rata f’ġimgħa kontra r-rivali tiegħu hekk kif statistika ekonomika tajba mill-Istati Uniti u mill-Ewropa saħħew is-sentiment ta’ riskju, b’tamiet għal vaċċin kontra l-Covid-19 ikomplu jgħinu s-sentiment….

Barranin

Muniti Statistika ekonomika Ewropea tajba xprunat is-sentiment ta’ riskju llum, waqt li tilef l-ewro u l-indiċi tad-dollaru żdied xi ftit hekk kif  is-swieq finanzjarji bbilanċjaw tamiet għal rkupru ekonomiku globali…

Barranin

Muniti Grupp ġdid ta’ statistika ekonomika ħażina żammet lill-ewro u lill-isterlina taħt pressjoni hekk kif tbaxxa s-sentiment minħabba l-biża’ ta’ postijiet ġodda ta’ imxija qawwija tal-COVID-19 madwar id-dinja u li…

Barranin

Id-dollaru żamm sod illum hekk kif il-kwatela dwar iż-żidiet rapidi fil-każi tal-coronavirus fl-Istati Uniti tefgħet dubju dwar il-ftuħ mill-ġdid tal-ekonomija u dan żamm mhux mittiefsa d-domanda għad-dollaru meqjus bħala munita…

Aktar