Barranin
L-Isterlina ma tibqax tirkupra wara li ma ntlaħaqx ftehim dwar Brexit

Fis-swieq tal-kambju, l-Ewro baqa’ mwaħħal fil-firxa bejn $1.13 u $1.14 matul l-aħħar jiem, jum wara li l-Bank Ċentrali Ewropew temm l-iskema ta’ xiri ta’ 2.6 Triljun Ewro f’bonds. Il-Bank iżda wiegħed li jkompli jinvesti mill-ġdid bonds li ser jagħlqu u b’hekk jevita tnaqqis fil-karta ta’ bilanċ tiegħu għal perjodu estiż ta’ żmien.

L-irkupru tal-Isterlina malajr intemm hekk kif jidher li l-Parlament Ingliż mhux ser jilħaq ftehim dwar il-Brexit u dan wassal biex l-investituri jbigħu l-Isterlina biex jagħmlu profit li deher wara li l-Prim Ministru Theresa May rebħet vot ta’ sfiduċja kontriha.

L-Unjoni Ewropea qalet li l-ftehim dwar il-Brexit diġà miftiehem mhuwiex miftuħ għan-negozjati anke jekk il-mexxejja Ewropej taw assigurazzjonijiet lil May li huma ser ifittxu ftehim ġdid mal-Inglilterra sal-2021 sabiex il-“backstop” Irlandiża qatt ma tidħol fis-seħħ.

L-Ewro tilef 0.08% kontra d-Dollaru għal $1.13520, 0.11% kontra l-Yen u b’0.06%kontra l-Frank Żvizzeru. Il-munita unika wriet żieda ta’ 0.20% kontra l-Isterlina; 0.59% kontra d-Dollaru Awstraljan u 0.17% kontra d-Dollaru Kanadiż.

L-ishma Ewropej fetħu b’mod ġenerali f’territorju negattiv. Il-FTSE 100 tilef 0.04%; l-iSTOXX 50 b’0.14%; id-DAX b’0.04% u l-CAC 40 b’0.26%.

Il-prezzijiet taż-żejt tilfu xi ftit miż-żieda tal-Ħamis wara tnaqqis fl-inventarji tal-Istati Uniti u tamiet li s-suq globali taż-żejt jista’ jkollu defiċit aktar kmieni milli kien maħsub qabel.

Il-Brent tilef 0.85% għal $60.92 u l-U.S. Light Crude tbaxxa b’0.65% għal $52.23 wara li l-bierah it-tnejn żdiedu b’aktar minn 2.5%.

Il-prezz tad-deheb tilef 0.28% għal $1,238.53 waqt li l-fidda tilfet 0.69% għal $14.64820.

Nagħtu ħarsa issa lejn xi aħbarijiet finanzjarji li huma mistennija l-ġimgħa d-dieħla.

Nhar it-Tnejn ikun ippublikat l-Indiċi fuq sena tal-Prezzijiet għall-Konsumatur taż-żona tal-Ewro u mill-Awstralja joħorġu l-prospett ekonomiku u fiskali ta’ nofs is-sena u d-deċiżjoni tar-rata tal-interessi mir-Reserve Bank of Australia u l-minuti tal-laqgħa tal-istess bank.

Nhar il-Tlieta mill-Ġermanja ikun hemm l-indiċi tal-klima kummerċjali mill-aġenzija Ifo u l-permessi tal-bini fl-Istati Untii li huma indikazzjoni tad-domanda fis-suq tad-djar.

Nhar l-Erbgħa joħorġu diversi ċifri. Mir-Renju Uniti u mill-Kanada jkun hemm l-indiċi fuq sena tal-prezzijiet għal konsumatur. L-istatistika li ser toħroġ mill-Istati Uniti ser tkun dwar il-bejgħ tad-djar; l-inventarji taż-żejt; it-tbassir tal-Kumitat Monetarju tal-Federal Reserve, l-istqarrija mill-istess Kumitat u d-deċiżjoni tal-Fedreral Reserve dwar ir-rata tal-interessi. Ikun hemm ukoll l-istqarrija mill-Ġappun dwar il-politika monetarja.

Nhar il-Ħamis ikun hemm l-konferenza stampa mill-Bank of Japan; il-bejgħ bl-imnut mir-Renju Uniti; id-deċiżjoni tar-rata tal-interessi mill-Bank of England u l-indiċi tal-manifattura minn Philadelphia fl-Istati Uniti.

Bħal-lum tmint ijiem mir-Renju Uniti jkun ippublikat il-Prodott Domestiku Gross għal tliet xhur u għal sena; ikun hemm ix-xhieda tal-President tal-Federal Reserve Amerikan Jeremy Powell; il-bejgħ tal-oġġetti durabbli u l-Prodott Domestiku Gross ukoll mill-Istati Uniti. Fl-aħħarnett, nhar mill-Kanada joħorġu ċ-ċifri tal-bejgħ bl-imnut u l-Prodott Domestiku Gross fuq xahar.

Aħbarijiet Oħra
Barranin

Muniti L-isterlina llum estendiet it-telf tal-aħħar sitt ġimgħat, għalkemm f’xi ħin kienet qed tiġi nnegozjata għal 0.8926 kull ewro jew 0.25% inqas. It-tħassib kiber li r-Renju Unit riesaq lejn tluq…

Barranin

Muniti L-Isterlina llum tbaxxiet minħabba tħassib li qed jikber li l-ġlieda dwar it-tmexxija tal-Partit Konservaittiv tista’ twassal għal tluq diżordinat mill-Unjoni Eweropea. Boris Johnson, li jinsab fuq quddiem nett biex…

Barranin

Muniti L-Isterlina tbiegħdet mill-inqas rati f’ħames xhur kontra l-Ewro wara li l-pagi fir-Renju Unit matul April żdiedu aktar milli kien mistenni. L-Isterlina dan l-aħħar kienet batuta hekk kif l-investituri qagħdu…

Barranin

Muniti Id-dollaru llum tħabat qrib l-inqas rata f’seba’ ġimgħat, minħabba li kulħadd qed jistenna li l-Federal Reserve ser inaqqas ir-rata tal-interessi bi tweġiba għar-riskji relatati mal-konflitti kummerċjali. L-indiċi tad-dollaru ma…

Aktar