Barranin
L-isterlina teħles mill-inċertezza politika li kellha fuqha

Muniti

L-isterlina llum qabżet ‘il fuq minn $1.31 għall-ewwel darba minn kmieni f’Mejju, mgħejuna minn aspettattiva li qed tikber li r-Renju Unit ser jiskansa elezzjoni bla riżultat. Il-munita bbenefikat ukoll minn tnaqqis fil-valur tad-dollaru. L-isterlina kienet issaħħet kmieni fil-jum għall-ogħla livelli f’seba’ xhur hekk kif l-investituri saru aktar fiduċjużi li l-Konservattivi ser ikollhom maġġoranza assoluta, u dan neħħa l-inċertezza politika li kellha fuqha l-isterlina.

Id-dollaru kien qrib l-inqas rata f’xahar hekk kif is-swieq baqgħu anzjużi dwar il-progress tat-taħditiet bejn l-Istati Uniti u ċ-Ċina u stennew statistika Amnerikan li tista’ turi hekk din it-tilwima kummerċjali mtawla għamlitx ħsara lill-konsum fl-Istati Uniti.

Indiċi

L-ishma Ewropej żdiedu wara erbat ijiem ta’ tnaqqis, hekk kif iż-żidiet fl-ishma tat-teknoloġija u statistika inkorraġanti mis-settur tas-servizzi fiċ-Ċina għenu biex għelbu t-tħassib dwar it-tilwima kummerċjali.

L-ishma fl-Istati uniti fetħu ogħla wara rapport li l-Istati Uniti u ċ-Ċina resqin lejn lejn l-ewwel fażi ta’ ftehim kummerċjali.

Ishma Lokali

Fl-ishma lokali, l-HSBC Bank Malta tilfu 4% u l-MIDI 5.45%. Il-Bank of Valletta, il-BMIT Technologies, il-GO, l-International Hotel Investments u Simonds Farsons Cisk ma kellhom ebda moviment f’termini perċentwali.

Fis-sesssjoni tal-bonds lokali, il-Mediterranean Investments Holdings 2022 żdiedu b’0.50% u l-Phoenicia Finance Company 2023/28 avvanzaw b’ 0.48%. Il-Von der Heyden Group Finance 2024 tilfu 0.25%, it-Tumas Investments 2024 tilfu 0.61%, in-1923 Investments 2024 tbaxxew b’ 1.95% kif għamlu is-6PM Holdings 2025 b’0.49%.

L-OPEC riesqa lejn aktar tnaqqis fil-produzzjoni aktar tard din il-ġimgħa iżda għad baqgħalha tiftiehem mal-alleati bħar-Russja dwar id-dettalji biex ikunu sostnuti l-prezzijeit taż-żejt u jiskansaw produzzjoni qawwija żjeda s-sena d-dieħla.

L-azzjonijiet tal-OPEC fil-passat irrabjaw lill-President Trump li dejjem talab lill-mexxej tal-grupp, l-Arabja Sawdija, biex jitbaxxa l-prezz jekk trid li l-Gvern Amerikan jipprovdilha appoġġ militari kontra l-Iran.

Id-deheb stabilizza ruħu qrib l-ogħla prezz f’xahar hekk kif l-investituri stennew ċarezza dwar it-taħditiet bejn l-Istati Uniti u ċ-Ċina waqt li l-palladju tela’ għall-prezz rekord minħabba provvista skarsa.

Aħbarijiet Oħra
Barranin

Muniti  L-ewro ngħata spinta llum minn dollaru aktar dgħajjef hekk żieda fl-ottimiżmu dwar rkupru globali mill-pandemija sostniet muniti aktar riskjużi. Il-movimenti, iżda ma laħqux dawk tas-suq tal-ishma hekk kif it-tensjonijiet…

Barranin

L-ewro stabilizza ruħu qrib id-$1.09 f’din li hija meqjusa bħala ġimgħa importanti għall-gvernijiet Ewropej hekk kif jiddibattu l-punti ewlenin ta’ fond ta’ rkupru immirat li jgħin lill-pajjiżi membri. L-Awstrija, in-Netherlands,…

Barranin

Muniti Id-dollaru dalgħodu żdied  0.24% għal $1.0925 kull ewro wara ż-żieda ta’ 0.3% fis-sessjoni ta’ qabel. L-Isterlina żammet stabbli għal $1.2216 qabel ma statistika li kellha toħroġ tard illum li…

Barranin

Muniti L-ewro riesaq lejn il-ħames jum wara l-ieħor ta’ żidiet hekk kif baqa’ għoli l-ottimiżmu fost l-investituri dwar unjoni fiskali eqreb fl-Ewropa hekk kif l-istatistika ekonomika ħażina ma bidlitx is-sentiment…

Aktar