L-Isterlina tieħu r-ruħ minkejja li n-negozju kien kwiet

L-Isterlina żdiedet lura lejn id-$1.31, għalkemm in-negozju kien kwiet fl-assenza ta’ żviluppi sinifikanti dwar il-Brexit hekk kif il-Partit Konservattiv u dak Laburista qed ikomplu bit-taħditiet tagħhom.

Il-Yen tbaxxa lejn l-inqas rata tal-2019 u l-Frank Żvizzeru laħaq l-inqas rata fi kważi xahar hekk kif irkupru fis-swieq finanzjarji globali naqqsu d-domanda għal muniti meqjuża bħala sikuri.

L-indiċi tad-dollaru tilef 0.1% waqt li l-ewro żdiedet b’0.1% għal $1.1309.

Għalkemm id-dollaru aktarx li ma tantx imur tajjeb meta jikber is-sentiment ta’ riskju, jidher li bl-istatistika ta’ nhar il-Ġimgħa l-investituri saħħew il-pożizzjonijiet fit-tul għad-dollaru, u issa huma l-akbar minn Diċembru 2015 waqt li ma tantx investew fl-ewro.

Indiċi

L-ishma Ewropej żdiedu f’negozju kwiet waqt li l-ishma tal-banek kienu fuq quddiem taż-żieda, hekk kif hemm ottimiżmu dwar il-kummerċ bejn l-Istati Uniti u ċ-Ċina u statistika tajba Ċiniża taffiet xi beżgħat dwar l-ekonomija mondjali.

L-ishma fl-Istati Uniti żdiedu fost dħul tajjeb mill-banek u ftehim kbir fis-settur tal-enerġija waqt li l-bonds tat-eżor tbaxxew hekk kif l-istatistika Ċiniża tejbet l-ottimiżmu fl-ekonomija internazzjonali.

Ishma Lokali

Fil-qasam tal-ishma lokali, il-Malita Investments żdiedu b’4.12% segwiti mill-International Hotel Investments li kisbu żieda ta’ 3.42%. Il-Medserv ukoll żdiedu bi 2.83%. Ishma li sofrew telf kienu dawk tal-Bank of Valletta u l-MIDI li tilfu 2.99% u 0.81%^ rispettivament.

Bonds Lokali

Il-bonds lokali llum kienu b’mod ġenerali negattivi bl-akbar tnaqqis kien fl-iStivala Group Finance 2027 li tilfu 4.50%. Warajhom kien hemm il-Hili Properties 2025 li tilfu 1.452.

Il-prezzijiet taż-żejt illum waqqfu l-avvanz, bil-prezzijiet bil-quddiem tal-Brent jaqgħu taħt il-$71 minħabba sinjali li r-Russja tista’ ttemm it-tnaqqis fil-produzżzjoni.

It-telf kien limitat minn tnaqqis fil-provvista, hekk kif l-produzzjoni tbaxxiet fl-Iran u l-Venezwela fost sinjali li l-Istati Uniti ser tkabbar is-sanzjonijiet fuq dawn iż-żewġ pajjiżi produtturi,.

Il-Brent kien $71.04, bi tnaqqis ta’ 0.71% waqt li l-United States West Texas Intermediate tilef 0.80% għal $63.39.

Id-deheb tilef 0.44% għal $1,285.01 waqt li l-fidda tilfet il-valur b’aktar minn 0.50%.

Aħbarijiet Oħra
Barranin

L-ewro ddgħajjef u riesaq lejn l-agħar ġimgħa minn kmieni f’Lulju, hekk kif kummenti moderati mill-membru tal-bord governattiv tal-Bank Ċentrali Ewropew, Olli Rahn żamm is-sentiment moderat. L-ewro tilef 0.10% kontra d-Dollaru…

Barranin

Muniti L-Isterlina żdiedet, iżda dubbji dwar l-abbilità tal-Prim Ministru Boris Johnson li jikkonvinċi lill-Franza li terġa’ tiftaħ in-negozjati dwar il-Brexit kienu mistennija jillimitaw xi żieda oħra. Iż-żieda tal-Isterlina kontra l-ewro…

L-ewro avvanza wara li kien rreġistra l-akbar waqgħa f’ġimgħa fi kważi xahrejn hekk kif reġa’ daħal is-sentiment ta’ riskju fis-swieq globali wara ġimgħa ta’ taqlib, għalkemm l-investituri kienu xorta attenti…

Barranin

L-ewro ddgħajjef, u riesaq lejn l-agħar ġimgħa minn kmieni f’Lulju, hekk kif kummenti moderati mill-membru tal-bord governattiv tal-Bank Ċentrali Ewropew, Olli Rahn żamm is-sentiment moderat. L-ewro tilef 0.10% kontra d-Dollaru…

Aktar