Barranin
L-Isterlina tieħu r-ruħ qabel il-laqgħa tal-G20 fejn mistenni ftehim bejn l-Istati Uniti u ċ-Ċina

Muniti

Id-Dollaru żamm iż-żidiet li kellu mill-irkupru riċenti mir-rati baxxi ta’ dan l-aħħar minħabba tamiet li l-Istati Uniti u ċ-Ċina ser jilħqu ftehim kummerċjali qabel is-summit tal-G20 fi tmiem il-ġimgħa, għalkemm is-sentiment tal-investituri baqa’ fraġli. Id-Dollaru tela’ sa $1.1381 kmieni iżda mbagħad ma wera ebda żieda.

L-Isterlina żdiedet illum hekk kif l-investituri biegħu xi investimenti fil-munita Ingliża qabel il-laqgħa tal-G20 fejn mistenni ftehim bejn l-Istati Uniti u ċ-Ċina.

Indiċi

L-antiċipazzjoni ta’ ftehim bejn l-Istati Uniti u ċ-Ċina wasslu biex l-ishma Ewropej jiksru x-xejra ta’ tnaqqis ta’ erbat ijiem sħaħ bid-DAX imur tajjeb bl-irkupru tal-kumpanija ġgant tal-kimika Bayer.

L-ishma fl-Istati Uniti fetħu xi ftit ogħla, mgħejjuna minn żidiet fl-ishma tat-teknoloġija, qabel il-laqgħa tal-G20. Id-Dow Jones tbaxxa b’0.05%.

Ishma

Fir-rigward tal-ishma lokali, is-Santumas Shareholdings tilfu 12.12%, il-Malta International Airport bi 2.78%, u l-PG tilfu 1.22%. L-RS2 Software żdiedu b’6.12% segwiti mill-Bank of Valletta b’żieda ta’1.26%.

Bonds

Fis-sessjoni tal-bonds, is-6PM Holdings 2025 tilfu 1.75%, il-Von der Heyden Group Finance 2024 tbaxxew b’0.97% u l-Hili Finance Company 2028 tbaxxew b’0.87%.

L-International Hotel Investments 2026 avvanzaw b’0.49%, l-International Hotel Investments 2026 (it-tieni ħruġ) wrew żieda ta’ 0.29%, waqt li l-Mercury Projects Finance 2027 żdiedu b’0.39%.

L-OPEC mistennija testendi l-ftehim dwar tnaqqis fil-produzzjoni waqt laqgħa l-ġimgħa d-dieħla u tiddiskuti wkoll li tkabbar it-tnaqqis li ilu iseħħ minn Jannar. Dan intqal mill-Ministru taż-Żejt tal-Iraq.

Ftehim bejn l-OPEC u l-alleati inkluża r-Russja biex inaqqsu l-produzzjoni b’1.2 miljun barmil kuljum jintemm fi tmiem Ġunju. Il-laqgħat nhar it-Tnejn u t-Tlieta jiddiskutu l-passi li jmissu.

 

Aħbarijiet Oħra
Barranin

Muniti L-ewro tela’ għall-ogħla livell kontra d-dollaru fi kważi xahrejn wara li l-Unjoni Ewropea u r-Renju Unit laħqu ftehim dwar il-ħruġ mill-Unjoni. Għalkemm il-ftehim għad irid jiġi rratifikat mill-Parlament Ingliż,…

Barranin

Muniti Id-dollaru żdied għat-tieni jum infila llum hekk kif l-ottimiżmu li qed jonqos dwar l-aħħar żviluppi fit-taħditiet kummerċjali bejn l-Istati Uniti u ċ-Ċina wassal lill-investituri biex jixtru d-dollaru wara bejgħ…

Barranin

Muniti Id-dollaru żdied illum hekk kif l-investitui xtraw assi aktar sikuri hekk kif saru aktar kawteli dwar il-progress fit-taħditiet bejn l-Istati Uniti u ċ-Ċina. Id-dollaru waqa’ l-ġimgħa li għaddiet, u…

Barranin

Tamiet dwar progress fit-taħditiet bejn l-Istati Uniti u ċ-Ċina żammew lid-dollaru f’livelli baxxi u żiedu l-livelli ta’ muniti aktar riskjużi filwaqt li kummenti ottimisti mill-Ewropa dwar Brexit saħħew lill-Isterlina. Id-dollaru…

Aktar