Barranin
L-isterlina tilħaq l-ogħla rata kontra l-ewro f’9 xhur wara żvolta fir-rati tal-interessi

Id-dollaru baqa’ qrib l-inqas livell f’xahar kontra basket ta’ muniti hekk kif l-investituri studjaw l-implikazzjonijiet tat-tbassir kalm mill-Federal Reserve tal-Istati Uniti wara li kif kien mistenni li jżid ir-rati tal-interess bi kwart ta’ punt perċentwali.

L-isterlina għal ftit ħin laħqet l-ogħla rata kontra l-ewro f’disa’ xhur wara li żewġ diretturi tal-Bank of England bla mistenni appoġġaw żieda fir-rati tal-interessi. Il-Bank of England, kif kien mistenni, ħalla r-rati kif kienu, iżda l-firda bejn id-diretturi dwar id-deċiżjoni ser tagħti spinta lill-fiduċja tal-konsumatur li l-ispejjeż tas-self ser jogħlew sa Mejju.

L-istokks fl-Istati Uniti tilfu madwar 1% minħabba t-theddida li qed tikber ta’ gwerra kummerċjali globali hekk kif l-amministrazzjoni Trump qed tippjana li timponi tariffi fuq iċ-Ċina u hekk kif l-ishma tal-kumpaniji tat-teknoloġija baqgħu taħt pressjoni. Il-President Trump qed jppjana li jimponi tariffi fuq l-importanzzjoni miċ-Ċina, possibilment kontra issettur ta’ teknoloġija għolja u anke jirrestrinġi l-investiment Ċiniż fl-Istati Uniti. Il-White House qalet li Trump illejla ser jiffirma memorandumn presidenzjali “li jimmira l-aggressjoni ekonomika Ċiniża.

L-indiċi fl-Ewropa sadattant irduppjaw it-telf li kien hemm fl-indiċi fl-Istati Uniti, hekk kif tilfu bejn il-1.4% u l-1.77%. L-indiċi tal-Borża ta’ Malta u t-Topix kellhom żieda kontra x-xejra tal-oħrajn.

Il-prezzijiet bil-quddiem taż-żejt mhux raffinat Brent naqsu b’61 cents għal $68.69 kull barmil wara li kienu laħqu id$69.70 qrib l-ogħla mill-bidu ta’ Frar. Il-prezzijiet bil-quddiem tal-West Texas Intermediate naqsu b’57 cents għal $64.40. Il-prezzijiet taż-żejt naqsu hekk kif l-0investituri ħadu l-profitt wara l-irkupru ta’ din il-ġimgħa, iżda t-tnaqqis kien limitat minħabba l-isforzi dejjiema tal-OPEC u l-allejati biex inaqqsu l-provvista.

Id-deheb stabilizza taħt l-ogħla livell f’ġimagħtejn milħuq fis-sessjoni ta’ qabel wara li tbaxxa d-dollaru meta l-Federal Reserve wera attegjament inqas aggressiv milli kien mistenni fuq ir-rati.
Il-Federal Reserve żied ir-rati b’25 punt bażi lbieraħ u ta sinjal ta’ żewġ żidiet oħra din is-sena, iżda ma tax ħjiel tat-tielet żieda kif xi ekonomisti kienu bassru.

Id-dollaru tbaxxa għall-inqas livell f’xahar kontra basket ta’ muniti sakemm irkupra xi ftit f’territorju pożittiv. Dollaru aktar b’saħħtu jagħmel lid-deheb iqum aktar għal dawk li jkollhom muniti oħrajn.

Aħbarijiet Oħra
Barranin

Muniti Id-Dollaru reġa’ waqa’ għall-inqas livell f’seba’ ġimgħat kontra grupp ta’ muniti ewlenin hekk kif naqas it-tħassib dwar l-impatt tat-tilwima kummerċjali bejn iċ-Ċina u l-Istati Uniti. Is-swieq finanzjarji issa qed…

Barranin

Id-Dollaru resaq lejn l-inqas rata f’seba’ ġimgħat kontra grupp ta’ muniti oħrajn, waqt li l-muniti bbażati fuq l-prodotti essenzjali avvanzaw wara serħan li l-aħħar rawnd ta’ tariffi mħabbra miċ-Ċina u…

Barranin

Muniti Id-Dollaru żamm qrib l-inqas rati f’seba’ ġimgħat kontra r-rivali tiegħu waqt li muniti riskjużi żdiedu wara li l-President Trump kabbar it-tilwima maċ-Ċina bl-impożizzjoni ta’ tariffi ta’ 10% fuq madwar…

Barranin

Id-Dollaru llum tilef iż-żidiet bikrija u tbaxxa waqt li l-muniti tas-swieq emerġenti tilfu kważi nofs punt perċentwali hekk kif l-investituri qed jistennew il-mossa li tmiss fit-tilwima kummerċjali bejn l-Istati Uniti…

Aktar