Barranin
L-Isterlina titbaxxa wara ċans li t-taħditiet dwar il-Brexit jintemmu bla ftehim

Muniti

Id-dollaru ddgħajjef kontra l-muniti kollha għax it-tħassib li qed jikber dwar it-tilwima kummerċjali bejn l-Istati Uniti u ċ-Ċina wassal lill-investituri li jikkonvinċu ruħhom aktar li l-Istati Uniti ser tbaxxi r-rata tal-interessi aktar tard din is-sena.

L-Isterlina tbaxxiet ukoll wara sinjali li t-taħditiet bejn il-Gvern u l-oppożizzjoni Laburista biex jilħqu ftehim dwar il-Brexit dalwaqt jintemmu bla ftehim.

Indiċi

L-ishma Ewropej waqgħu llum għat-tielet jum minħabba li qed jikber it-tħassib dwar il-kummerċ bejn l-Istati Uniti u ċ-Ċina, għalkemm rapporti pożittivi minn kumpaniji bħal Wirecard u Siemens għenu lill-ishma Ġermaniżi li jissaħħu. L-iSTOXX 50 wera żieda ta’ 0.2%.

Fl-Istati Uniti, l-ishma fetħu aktar baxxi għat-tielet jum infila minħabba n-negozjati bejn l-Istati Uniti u ċ-Ċina u t-tħassib dwarhom.

Id-Dow Jones tilef 0.12% mal-ftuħ imbagħad irkupra biex kien qed jinnegozja b’żieda ta’ 0.05%.

L-S & P 500 tilef 0.15% waqt li n-Nasdaq tbaxxa b’0.22%.

Iż-żejt Brent illum waqa’ taħt is-$70, milqut mit-tħassib dwar it-tilwima bejn l-Istati Uniti u ċ-Ċina għalkemm tħassib persistenti dwar il-provvista evita tnaqqis akbar.

Is-sanzjonijiet tal-Istati Uniti kontra l-Iran u l-Veneżwela, kif ukoll tnaqqis fil-provvista mill-OPEC, mir-Russja u mill-alleati tagħhom, sostnew il-prezzijiet fil-ġimgħat riċenti.

Il-Brent tilef 0.3% għal $69.70 iżda irkupra għal $69.88. Il-United States West Texas Intermediate tilef 0.2% għal $61.25 biex irkupra 0.24% għal $61.53.

Aħbarijiet Oħra
Barranin

Muniti L-ewro llum baqa’ fil-firxa riċenti ta’ negozju kontra d-dollaru, bil-progress tiegħu limitat mill-aspettattiva dwar pożizzjoni mhux aggressiva tal-bank Ċentrali Ewropew il-ġimgħa d-dieħla u wara li l-investituri saru inqas aggressivi…

Barranin

L-ewro kien ftit aktar b’saħħtu fil-livell ta’ $1.1264 iżda ftit inqas mill-$1.1285 li laħaq nhar il-Ħamis qabel ma ħarġet id-dejta dwar l-inflazzjoni fl-Istati Uniti. Id-dollaru kien b’saħħtu l-Ġimgħa wara li…

Barranin

Muniti L-isterlina żdiedet illum u rkuprat il-parti l-kbira tat-telf li kellha kmieni din il-ġimgħa wara li ċ-Chairman tal-Federal Reserve Jerome Powell ħalla l-bieb miftuħ għal tnaqqis fir-rati, għalkemm l-ekonomija Ingliża…

Barranin

Muniti L-ewro tbaxxa taħt id-$1.12 għall-inqas livell kontra dollaru aktar b’saħħtu hekk kif l-investituri evalwaw mill-ġdid l-aspettattivi tagħhom dwar b’kemm jista’ l-Federal Reserve jnaqqas ir-rati tal-interessi dan ix-xahar. In-nominazzjoni tal-President…

Aktar