Barranin
L-isterlina titbaxxa wara dak li qal Corbyn fuq il-vot ta’ Brexit

Muniti

L-isterlina tbaxxiet illum wara li l-kelliem għall-finanzi tal-Partit Laburista fl-Oppożizzjoni kien ikkwotat li qal li huma ftit il-membri parlamentari li ser jappoġġjaw il-pjan tal-Prim Ministru dwar il-Brexit, u ftit hemm sinjali ta’ progress fit-taħditiet li qed isiru fi Brussells.

Il-munita Ingliża tilfet din il-ġimgħa wara ż-żieda tal-ġimgħa li għaddiet, hekk kif l-investituri biegħuha biex kisbu profitt u għax qed jitħassbu dwar ix-xorta ta’ ftehim tat-tluq li r-Renju Unit u l-Unjoni Ewropea ser ikollhom u meta. L-isterlina tilfet 0.6% mad-dollaru għal $1.3097 u tilfet nofs perċentwal kontra l-ewro.

Id-dollaru Amerikan żdied xi ftit illum, u żied maż-żieda tal-bieraħ hekk kif l-investituri fil-munita għalqu għajnejhom fuq l-ishma globali li qed jirtiraw wara bidu qawwi tal-ġimgħa.

Indiċi

L-ishma Ewropej kienu ogħla llum hekk kif l-investituri xtraw l-ishma tal-kumpaniji tal-konsumatur u ishma oħra kkunsidrati siguri matul inkwiet ekonomiku wara li ċ1-Ċina wiegħdet aktar stimulu biex tistabilizza t-tkabbir fil-pajjiż.

L-ISTOKK 50 żdied 0.4% u irkupra mill-pressjoni tal-bidu biex kompla tliet ijiem ta’ rkupru li ra lill-indiċi jilħaq l-ogħla livell f’ħames xhur jum aktar kmieni fost tamiet ta’ ftehim ebjn iċ-Ċina u l-Istati Uniti.

Wall Street kien msitenni jiftaħ ftit ogħla jum wara li d-Dow Jones u l-S&P 500 kellhom l-akbar waqgħa fi kważi xahar, hekk kif l-investituri stennew żvilupp fit-taħditiet bejn l-Istati Uniti u ċ-Ċina.

Ishma u Bonds Lokali

L-ishma lokali kienu b’mod ġenerali negattivi illum b’bosta ishma jitilfu aktar minn 2%. L-ikbar tnaqqis kien ta’ 7.38% fil-Lombard Bank.

Il-prezzijiet tal-bonds lokali llum kienu mħallta bid-Dizz Finance 2026 jiżdiedu bi 3.20% segwiti mill-Bank of Valletta 2020 b’1.90%. Min-naħa l-oħra, il-MIDI 2026 tilfu 1.88%.

Prodotti Essenzjali

Il-prezz taż-żejt għola għal madwar $66 il-barmil hekk kif is-suq ibbilanċja t-tnaqqis mmexxi mill-OPEC bil-ftuħ mill-ġdid tal-akbar raffinerija fil-Libja u bil-prospetti ta’ domanda anqas.

Aħbarijiet Oħra
Barranin

Muniti  Is-sentiment ta’ riskju deher fis-swieq finanzjarji llum, hekk kif progress lejn is-sejba ta’ vaċċin kontra l-Covid-19 għen lill-ishma jirkupraw u l-muniti bbażati fuq prodotti essenzjali jissaħħu, waqt li d-dollaru…

Barranin

Muniti Id-dollaru Amerikan tilef iż-żidiet bikrin illum bl-investituri fil-muniti ma jagħtux każ it-tensjonijiet diplomatiċi bejn l-Istati Uniti uċ-Ċina u ż-żieda fil-każi tal-coronavirus. Waqt li s-swieq finanzjarji għal bidu tbaxxew hekk…

Barranin

Din hija l-ġabra ta’ aħbarijiet finanzjarji ta’ kull nhar ta’ Ġimgħa miġbura minn BNF Bank. Muniti Il-yen tela’ għall-ogħla rata f’ġimagħtejn u muniti sensittivi għar-riskju tbaxxew wara żieda fl-infezzjonijiet ġodda…

Barranin

Muniti Id-dollaru Amerikan llum tbaxxa kontra l-parti l-kbira tal-muniti hekk kif rkupru f’assi riskjużi bħall-ishma globali u prodotti essenzjali naqqsu d-domanda għall-munita Amerikana meqjusa bħala sikura. L-ewro żdied 0.1% għal…

Aktar