Lokali
L-Isterlina tkompli bit-telf bl-iżbilanċ kummerċjali u l-bejgħ tal-imnut batut

Muniti Kontra l-Ewro

L-ewro żdied bi kważi ċenteżmu kontra d-Dollaru wara li l-Bank Ċentrali Ewropew qal li jista’ jerġa’ jistudja mill-ġdid il-mod ta’ komunikazzjoni tiegħu kmieni fl-2018, u dan kabbar it-tamiet li d-diretturi qed ilestu sabiex inaqqsu l-programm vast ta’ stimulu monetarju. L-Ewro għamel żidiet simili kontra d-Dollaru Kanadiż u l-Yen.

L-Isterlina kompliet bit-telf tal-jumejn ta’ qabel għax settur tal-bejgħ bl-imnut li qed ibati u żbilanċ kummerċjali li qed jikber kabbru t-tħassib fost uħud mill-investituri li ż-żidiet ta’ dan l-aħħar fil-munita seta’ ma kienx hemm bżonnhom.

Indiċijiet

Id-dħul mill-bonds żdied illum wara li minuti tal-laqgħa tal-Bank Ċentrali Ewropew urew li t-tmexxija taħseb li għandha tqis mill-ġdid il-politika ta’ komunikazzjoni tagħha kmieni din is-sena u taġġustaha b’tali mod biex tirrifletti l-prospetti għal titjib fit-tkabbir. Bidla fil-messaġġ tal-politika tal-Bank jista’ jittieħed mill-investituri bħala sinjali li d-diretturi huma lesti li jagħlqu l-programm ta’ xiri ta’ 2.55 triljun ewro f’bonds, il-fattur prinċipali tal-politika ta’ stimulu fl-aħħar tliet snin.

Il-parti l-kbira tal-indiċijiet Ewropej tilfu ż-żidiet wara l-ħruġ tal-minuti, u d-DAX kien qed jinnegozja 0.6% inqas mill-ftuħ tan-negozju. Id-Dow Jones min-naħa l-oħra ma ntlaqatx bl-aħbar mill-Banik Ċentrali Ewropew u kkonċentra aktar fuq id-dħul mill-kumpaniji Amerikani. Id-Dow Jones fetaħ 0.24% ogħla.

L-indiċi lokali kien xi ftit ogħla mis-sessjoni ta’ qabel.

Ishma Lokali

Is-suq tal-ishma lokali llum kien xi ftit ibbilanċjat, kemm bejn il-kumpaniji kif ukoll id-daqs relattiv tal-perċentwali taż-żieda jew tnaqqis. Il-Malita Investments plc żdiedet b’1.23%. Il-Malta International Airport u l-Bank of Valletta rreġistraw żidiet. L-RS2 Software tilfu 1.32% bl-HSBC, il-GO u l-Malta Properties Company bi tnaqqis inqas.

Bonds Lokali

Fil-qasam tal-bonds lokali, il-Corinthia Finance kienu fuq quddiem b’żieda ta’ 2.2%. Stivala Group żdiedu 0.49%. Ċaqliq simili iżda f’territorju negattiv laqat lill-International Hotel Investments 2026. Finalment kien hemm tnaqqis ta’ 0.96% fil-prezz tal-Eden Finance.

Indiċi Ekonomiċi

Id-Dollaru Awstraljan laħaq l-ogħla livell fi tliet xhur illum wara statistika tajba sorprendenti dwar il-bejgħ bl-imnut li tat saħħa lill-prospetti dwar in-nefqa mill-konsumatur u t-tkabbir ekonomiku waqt li kabbret iċ-ċansijiet ta’ żieda fir-rati tal-interessi din is-sena. L-irkupru wasal hekk kif l-istatistika uffiċjali wriet li l-bejgħ bl-imnut żdied 1.2% matul Novembru, tliet darbiet it-tbassir tas-suq u l-ikbar żieda minn kmieni fl-2013.

Prodotti Essenzjali

Il-prezzijiet taż-żejt tbaxxew mill-ogħla livelli milħuqa kmieni fil-ġurnata għax kibru t-twissijiet li l-irkupru 13 % minn kmieni Diċembru wasal biex jintemm.

Il-prezzijiet tad-deheb għolew qrib l-ogħla f’erba’ xhur wara l-ħruġ tal-minuti tal-Bank Ċentrali Ewropew tellgħu lill-Ewro sewwa kontra d-Dollaru.

Aħbarijiet Oħra
Barranin

Muniti L-ewro żdied b’aktar minn 0.11% kontra d-dollaru għal $1.1330. Barra dan l-ewro wera żieda ta’ 0.48% kontra l-isterlina, 0.15% kontra l-yen u 0.02% kontra l-frank Żvizzeru. Il-munita unika tilfet…

Barranin

Muniti Id-dollaru llum kellu sessjoni mħallta bejn żidiet u telf qabel laħaq l-ogħla rata tal-ġurnata hekk kif l-aħbarijiet dwar l-Istati Uniti u ċ-Ċina kienu dominanti. L-isterlina tilfet minħabba tħassib li…

Barranin

Muniti Wara reazzjoni aktarx kiebja għall-aħħar aħbarijiet li l-Kummissjoni Ewropea illum ma aċċettatx l-aħħar proposti tal-baġit Taljan, kien hemm pressjoni minn bejgħ tad-dollaru fuq ir-rata mal-ewro, bir-rata titla’ għal $1.1400….

Barranin

Muniti L-isterlina waqgħet, l-ishma fl-Ewropa tbaxxew u l-prezzijiet bil-quddiem għall-ishma fl-Istati Uniti tilfu ż–żidiet li kellhom, hekk kif sensiela ta’ ministri Ingliżi rriżenjaw bi protesta għal ftehim tal-Prim Ministru Theresa…

Aktar