Barranin
L-Isterlina tkompli tiżdied kontra d-Dollaru

Ir-rata bejn l-Ewro u d-Dollaru $1.2476 tbaxxiet għal $1.2347 wara li uffiċjali tal-Bank Ċentrali Ewropew tennew il-ħtieġa li wieħed irid ikun paċenjuż qabel jitneħħa l-istimulu monetarju waqt li ċifri dwar il-fiduċja fiż-żona tal-Ewro ma laħqux l-istima.

Riesaq it-tmiem tal-ewwel kwart tas-sena b’din il-ġimgħa imqassra b’nhar il-Ġimgħa btala bankarja f’ħafna ekonomiji minħabba l-Ġimgħa l-Kbira. Hekk kif qed nersqu lejn tmiem ta’ tliet xhur, qed tidher pressjoni fuq l-ishma fl-Istati Uniti u d-Dollaru Amerikan qed juri mossa relatata ma’ tmiem il-kwart tas-sena.

L-Isterlina qed tiżdied kontra d-Dollaru u riesqa lejn l-ogħla livell. Hemm ukoll appoġġ fundamentali għall-Isterlina wara rapport li huwa imminenti ftehim dwar soluzzjoni għall-fruntiera Irlandiża ta’ wara Brexit.

Wall Street illum tħabtet għal direzzjoni hekk kif l-investituri ma tantx taw kas ta’ statistika li turi li l-ekonomija kibret aktar milli kien mistenni fit-tielet kwart tal-2017.

L-S&P 500 tilef seba’ punti jew 0.29%  kmieni wara nofsinhar waqt li d-Dow Jones tilef 20 punt jew 0.07%. IN-NASDAQ li jirrifletti ishma tat-teknoloġija tilef 73 punt jew 1.05%.

L-ekonomija Amerikana kibret b’pass aktar mgħaġġel milli kien inzjalment maħsub. Il-Prodott Domestiku Gross żdied bi 2.9%, minn 2.5% li kien stmat mid-Dipartiment tal-Kummerċ.

L-American Petroleum Institute rrapporta żieda sorprendenti ta’ 5.321 miljun barmil ta’ żejt mhux raffinat fl-inventarji Amerikani għal ġimgħa li għalqet fit-23 ta’ Marzu, bis-suq mistenni jwieġeb bit-telf ta’ żidiet tal-ġimgħa li għaddiet. L-analisti ftit stennew wara li l-ġimgħa li għaddiet kien hemm tnaqqis sorprendenti. L-Istitut qal ukoll li kien hemm ukoll żieda f’Cushing, iżda kemm il-petrol u fjuwil fossili kellhom tnaqqis kbir.

Il-prezzijiet tad-deheb jistgħu jilħqu l-$1,500 kull uqija din is-sena, livell li ilu ma jintlaħaq mill-2013. Dan ikun żieda ta’ 11% mill-prezz tal-lum hekk kif il-prezzijiet futuri għal April laħqu l-$1,345 kull uqija.

 

Aħbarijiet Oħra
Barranin

Muniti Il-muniti llum kienu qed jiġu nnegozjati bejn tnaqqis ta’ 0.26% u żieda ta’ 0.15% b’ġurnata b’ebda aħbarijiet importanti. L-ewro tilef 0.26% kontra d-Dollaru Awstraljan bi prestazzjoni simili kontra l-Yen….

Barranin

Muniti Id-dollaru tbaxxa fin-negozju bikri fi New York hekk kif irritorna s-sentiment ta’ riskju wara l-ftehim dwar il-baġit fl-Italja, waqt li mewġa ta’ rapporti finanzjarji minn kumpaniji fl-Istati Uniti tidher…

Barranin

Id-Dollaru tbaxxa għall-inqas livell f’ġimagħtejn waqt in-negozju bikri llum fi New York qabel ma rkupra xi ftit; il-munita tilfet iż-żidiet ta’ nhar il-Ġimgħa fost ħjiel mill-President Trump dwar aktar tariffi…

Barranin

Id-dollaru Amerikan kien qed jiġi nnegozjat fl-inqas rata tiegħu dan ix-xahar kontra l-muniti ewlenin rivali hekk kif tnaqqis fid-dħul mill-bonds tat-Teżor Amerikan u aktar telf f’Wall Street ċajpar is-sentiment. L-indiċi…

Aktar