Barranin
L-istokks Ewropej jiżdiedu b’rata qawwija minħabba l-waqgħa tad-dollaru Amerikan

Muniti Kontra l-Ewro

Id-dollaru Amerikan niżel kontra l-yen u baqa’ fl-aktar livelli baxxi f’dawn l-aħħar 14-il xahar kontra l-ewro qabel mal-President tal-Federal Reserve Janet Yellen tidher fil-Kungress Amerikan biex tagħti xhieda dwar il-politika monetarja.

Informazzjoni ftit aħjar minn dak maħsub dwar il-pagi u l-impjiegi żammet lill-isterlina milli tkompli tinżel aktar ‘l isfel u dan wassal biex jibdew għadd ta’ sinjali ta’ twissija politiċi u ekonomiċi hekk kif ikomplu t-taħditiet dwar il-ħruġ mill-Unjoni Ewropea.

Indiċi

L-istokks fl-Istati Uniti telgħu mat-Teżor wara li Janet Yellen tat x’wieħed jifhem li l-Federal Reserve mhux se tgħaġġel biex tissikka l-politika monetarja hekk kif l-inflazzjoni baqgħet taħt il-mira b’mod persistenti.

L-istokks Ewropej telgħu b’mod qawwi anke minħabba l-waqgħa tad-dollaru Amerikan u sensiela ta’ tranżazzjonijiet fil-bonds tal-Gvern marbuta mal-aħħar rivelazzjonijiet dwar l-investigazzjonijiet li għaddejjin bħalissa dwar indħil Russu li seta’ kien hemm fl-elezzjonijiet Presidenzjali.

Ishma Lokali

Is-suq tal-ishma lokali llum kien fil-biċċa l-kbira negattiv: GO telgħu b’0.58%; iżda Malta International Airport, RS2 Software, HSBC Bank Malta, Bank of Valletta u Malita Investments ilkoll niżlu.

Bonds

Is-suq tal-bonds lokali llum kien imħallat: Medserv, International Hotel Investments, SD Finance u Halmann Vella Group telgħu b’0.55%, 0.45%, 0.16% u 0.01% rispettivament. Filwaqt li Dizz Finance, GlobalCapital u Pendergardens Developments niżlu b’0.05%, 0.45% u 1.36% rispettivament.

Indikaturi ekonomiċi

L-Uffiċċju Ewropew tal-Istatistika, il-Eurostat, qal li l-produzzjoni industrijali fid-19-il pajjiż li jużaw il-munita ewro, telgħet iktar milli mistenni f’Mejju megħjuna minn żieda fil-produzzjoni ta’ oġġetti kapitali u oġġetti għall-konsum fit-tul. Meta mqabbel max-xahar ta’ qabel, il-produzzjoni industrijali fiż-żona ewro żdiede b’1.3% għal żieda annwali ta’ 4.0%. Dan kien iktar minn stħarriġ ta’ Reuters fost 42 ekonomista li kienu qed jistennew żied ta’ 1.1 u 3.6%.

Prodotti Essenzjali

Iż-żejt tela’ aktar minn $48 kull barmil bi tweġiba għal waqgħa fl-inventarji Amerikani taż-żejt u tnaqqis fit-tbassir tal-gvern Amerikan għall-produzzjoni taż-żejt minkejja li l-OPEC qal li s-suq taż-żejt se jara produzzjoni żejda s-sena d-dieħla.

Id-deheb żamm sod hekk kif l-investituri qed jistennew ix-xhieda tal-President tal-Federal Reserve Janet Yellen u uffiċjali tal-bank ċentrali kienu kawti dwar żieda ulterjuri fir-rati tal-imgħax.

TVM Daily Table (6)

Aħbarijiet Oħra
Barranin

Muniti Id-Dollaru tela’ lejn l-ogħla livell f’din l-aħħar sena fid-dawl ta’ kummenti pożittivi miċ-Chairman tal-Federal Reserve tal-Istati Uniti Jerome Powell dwar is-saħħa tal-ekonomija Amerikana. Minkejja li Powell ma bidilx l-aspettattivi…

Barranin

Iż-żidiet fid-Dollaru din is-sena kienu limitati minħabba tħassib dwar it-tilwima kummerċjali li qed tikber bejn l-Istati Uniti u ċ-Ċina, għalkemm it-tħassib ma fixkilx ir-rendiment solidu tad-dollaru sa issa. Il-Fond Monetarju…

Barranin

Muniti Id-dollaru tbaxxa wara li l-ġimgħa li għaddiet laħaq l-ogħla rata f’ġimgħa f’xahar hekk kif l-investituri kabbru s-sentiment għall-ogħla livell mill-2017, għalkemm it-tħassib li l-irkupru ekonomiku jista’ qed imajna wassal…

Lokali

Lidl Malta, the country’s leading supermarket with eight outlets spread around the Maltese Islands, is celebrating its 10 year anniversary. To mark this milestone, the Company organised a number of…

Aktar