Lokali
Lidl tirbaħ il-Best Buy Award għas-sena 2017-18

Għat-tieni darba, il-Lidl kienet ivvutata bħala l-aħjar valur għal flusek fil-kategorija tar-Retail Chain fl-istħarriġ li sar minn ICERTIAS Best Buy Award f’Malta

L-istħarriġ ICERTIAS Best Buy Award li sar f’Malta għas-sena 2017/2018 juri li l-konsumaturi Maltin iqisu lil-Lidl bħala ir-retail chain li toffri l-aħjar proporzjon bejn prezz u kwalità. Lidl Malta ġiet ikkonfermata bhala rebbieħa f’din il-kategorija għat-tieni sena konsekuttiva.

L-organizzazzjoni Żvizzera, ICERTIAS (International Certification Association GmbH) wettqet dan l-istħarriġ f’Malta fi Frar 2017. Ir-riċerka saret permezz ta’ kwestjonarju onlajn fuq kampjun ta’ 1,200 persuna f’Malta li għandhom ‘il fuq minn 15-il sena.

Il-kwestjonarju kien jitlob lill-partecipanti jiġġudikaw l-aħjar proporzjon bejn prezz u kwalità, skont l-esperjenza personali tagħhom fuq kategoriji ta’ prodotti jew servizzi fis-suq Malti.

Dawk li wieġbu għall-istħarriġ kienu preżentati b’mistoqsijiet miftuħa u għalhekk setgħu jagħżlu liberament bejn prodotti u fornituri ta’ servizzi biex juru l-preferenzi tagħhom. Il-Lidl kiseb l-aktar voti fejn jidħlu retail chains li joffru l-aħjar proporzjon bejn prezz u kwalità fis-suq Malti.

Lidl Malta toffri għażla wiesgħa ta’ prodotti li mhumiex limitati għall-ikel biss u tipprova tolqot il-bżonnjijiet varji tal-klijenti tagħha u tiggarantixxi prezzijiet konvenjenti. Dan l-istħarriġ ikkonferma li l-Lidl hija l-ewwel għażla tal-Maltin fejn jidħol valur għal flus.

“Lidl Malta hija kburija li tipprovdi kwalita’ eċċellenti bi prezzijiet konvenjenti, filwaqt li dejjem niffukaw fuq il-bżonnijiet tal-klijenti” – iddikjara l-management ta’ Lidl Malta – “Mhux faċli li tirbaħ premju bħal dan meta nikkompetu ma’ daqstant negozji. Lidl irnexxielha tirbaħ dan il-premju għat-tieni sena konsekuttiva grazzi għall-ħidma tal-kollegi kollha tagħna”.

Il-management ta’ Lidl Malta enfasizza li “Grazzi għall-passjoni u l-motivazzjoni ta’ kull impjegat fil-kumpanija, Lidl Malta jirnexxiela tagħmel l-impossibli possibli!”

Aħbarijiet Oħra
Barranin, Lokali

Muniti Kontra l-Ewro L-ewro rkupra mill-inqas rata kontra l-yen negozjata llum fl-Asja, bl-investituri jwarrbu min-nofs ir-riskji politiċi tan-nuqqas tal-Kanċillier Angela Merkel li tifforma koalizzjoni bejn tliet partiti. L-isterlina żdiedet nofs…

Barranin, Lokali

Muniti Kontra l-Ewro L-ewro żdied b’nofs fil-mija kontra d-dollaru llum u riesaq lejn l-akbar żieda f’ġurnata f’xahar hekk kif l-investituri reġgħu bdew jixtru assi riskjużi fl-Ewropa għax qed jistennew li…

Lokali

Diana Camilleri from Ukraine has been declared the winner of the third KitchenAid Cake Master Malta competition. Her cake, inspired by the handmade textile Tilda dolls, was awarded the highest…

Barranin, Lokali

Muniti Kontra l-Ewro Id-dollaru llum tbaxxa għall-inqas rata kontra il-yen dan ix-xahar, taħt pressjoni ta’ xniegħat ta’ dewmien possibbli fir-riformi fiskali tal-President Trump kif ukoll minħabba nuqqas ta’ riskju. L-isterlina…

Aktar