Barranin
Mexxejja tal-G7 jiddiskutu kif inaqqsu l-impatt ekonomiku mill-imxija tal-coronavirus

Muniti 

Il-Yen Ġappuniż u l-Frank Żvizzeru, meqjusa bħala assi sikuri, żdiedu kontra d-dollaru, hekk kif it-tama tal-investituri li jkun hemm illaxkar monetarju globali naqset minħabba t-tħassib dwar kemm dan jista’ jikkumbatti l-ħsara ekonomika mill-imxija tal-coronavirus.

L-indiċi tad-dollaru kien 0.04% ogħla u l-ewro 0.11% inqas għal $1.1122. Il-prezzijiet tal-konsumatur fiż-żona euro kienu kif mistennija, u żdiedu fi Frar iktar bil-mod minn Jannar, żieda ta’ 1.2% minn sena għal sena meta ż-żieda fix-xahar ta’ qabel kienet ta’ 1.4%.

Id-dollaru Awstraljan żdied wara li r-Reserve Bank of Australia baxxa r-rati tal-interessi b’25 punt bażi biss, kif antiċipat. Is-swieq kienet qed jistennew tnaqqis akbar. L-Isterlina llum żdiedet kontra d-dollaru u l-ewro, hekk it-taħditiet kummerċjali iebsin mal-Unjoni Ewropea u l-aspettattivi ta’ tnaqqis fir-rati tal-interessi biex jikkumbatti l-ħsara mill-coronavirus żammew lill-munita Ingliż qrib l-inqas rata f’erba’ xhur u nofs.

Indiċi

L-ishma Ewropej issaħħew illum hekk kif l-investituri qed jittammaw bis-sħiħ dwar aktar passi minn banek ċentrali ewlenin u gvernijiet biex jiġġieldu d-daqqa ekonomika mill-imxija tal-coronavirus, u dan għen lis-swieq finanzjarji maġġuri biex jirkupraw mid-daqqa tal-ġimgħa li
għaddiet.

L-ishma fl-Istati Uniti tbaxxew minuti wara l-ftuħ hekk kif il-kapijiet tal-pajjiżi tal-G7 ma ħabbrux xi miżuri biex jiġġieldu d-daqqa ekonomika tal-epidemija, waqt li assiguraw sostenn għall-politika monetarja.

Ishma

Fis-settur tal-ishma lokali, il-movimenti kienu fil-parti l-kbira pożittivi bil-BMIT Technologies jiżdiedu 0.93%, il-Bank of Valletta b’ 0.96%, HSBC Bank Malta b’1.90%, l-RS2 Software b’1.60% ul-Grand Harbour Marina kellhom l-akbar żieda, dik ta’ 9.09%. F’territorju negattiv kien
hem mill-Malta International Airport b’0.73% u l-International Hotel Investments b’1.33%

Fis-sessjoni tal-bonds lokali, il-Mariner Finance 2024 bi 2.50% għa; €105.30, il-Mercury Projects Finance 2031 b’1.26%, il-Bank of Valletta 2026-2031 naqsu b’0.96%, il-Hili Finance Company 2029 b’0.25%. F’territorju pożittiv kienu l-Istivala Group Finance 2027 b’0.38%, il-Mercury Projects Finance 2027 b’0.50% u s-6PM Holdings2025 b’0.93%.

Il-prezzijiet taż-żejt estendew iż-żidiet minħabba l-aspettattivi li l-banek ċentrali ser jipprovdu stimulu finanzjarju biex ikun miġġieled l-effett tal-imxija tal-coronavirus u minħabba żieda fl-ottimiżmu li l-OPEC ser tordna tnaqqis akbar fil-produzzjoni din il-ġimgħa.

Il-prezzijiet tad-deheb żdiedu llum minħabba tamiet ta’ tnaqqis mill-banek ċentrali hekk kif mexxejja min-nazzjonijiet tal-Grupp tas-Sebgħa,il-G7, iltaqgħu biex jiddiskutu kif inaqqsu l-impatt ekonomiku mill-imxija tal-coronavirus.

Aħbarijiet Oħra
Barranin

Din hija l-ġabra ta’ aħbarijiet finanzjarji ta’ kull nhar ta’ Ġimgħa miġbura minn BNF Bank. Muniti Id-dollaru kien imwaħħal f’firxa dejqa, sostnut mill-flussi f’assi sikuri hekk kif il-qawmien mill-ġdid tal-coronavirus…

Barranin

Id-dollaru llum tbaxxa għall-inqas rata f’ġimgħa kontra r-rivali tiegħu hekk kif statistika ekonomika tajba mill-Istati Uniti u mill-Ewropa saħħew is-sentiment ta’ riskju, b’tamiet għal vaċċin kontra l-Covid-19 ikomplu jgħinu s-sentiment….

Barranin

Muniti Statistika ekonomika Ewropea tajba xprunat is-sentiment ta’ riskju llum, waqt li tilef l-ewro u l-indiċi tad-dollaru żdied xi ftit hekk kif  is-swieq finanzjarji bbilanċjaw tamiet għal rkupru ekonomiku globali…

Barranin

Muniti Grupp ġdid ta’ statistika ekonomika ħażina żammet lill-ewro u lill-isterlina taħt pressjoni hekk kif tbaxxa s-sentiment minħabba l-biża’ ta’ postijiet ġodda ta’ imxija qawwija tal-COVID-19 madwar id-dinja u li…

Aktar