Lokali
Nectar tinstalla għexieren ta’ pannelli fotovoltajiċi bħala parti minn inizjattiva favur is-sostenibbiltà

L-enerġija nadifa ġġenerata mix-xemx issa qiegħda tforni l-ħtiġijiet tal-enerġija tal-kumpanija Nectar. Permezz tan-netwerk ta’ distribuzzjoni tagħha, mifrux madwar il-gżejjer Maltin, Nectar twassal prodotti ppakkjati, kesħin, u iffriżati lill-ħwienet madwar Malta kollha.

Il-kumpanija installat 1,086 pannell fotovoltajku fuq il-bejt tal-uffiċċju ewlieni tagħha f’Ta’ Qali. Dawn il-pannelli jiġġeneraw 276,722 kWp (il-quċċata ta’ kilowatts) u jnaqqsu l-kont tal-elettriku tal-kumpanija bin-nofs. Il-kumpanija installat ukoll sistema ta’ irrigazzjoni moħbija biex tiżgura li l-pannelli solari jibqgħu nodfa u jassorbu l-ogħla sħana solari possibbli.

“Nectar qed tkompli tkun minn ta’ quddiemnett fis-sostenibbiltà billi tinvesti f’operat li hu aktar nadif u sostenibbli. Filwaqt li s-solar farm jiddiversifika t-taħlita tal-enerġija tagħna, dan jippermetti li nagħmlu qabża kbira ’l quddiem biex nagħmlu l-operat tagħna aktar sostenibbli u favur l-ambjent,” qal il-maniġer ġenerali ta’ Nectar, Andrea Agius.

Is-sostenibbiltà hi propju l-prinċipju ewlieni li qed jiggwida n-negozju ta’ Nectar. Il-kumpanija biddlet id-dwal tradizzjonali kollha tagħha b’motion-sensor LEDs fil-maħżen, restrooms u l-kurituri tagħha. Barra minn hekk, kriet vetturi ġodda li jikkonsmaw anqas fjuwil u joperaw b’sistema ta’ ‘stop&start’. Qed jitħejjew ukoll pjani biex il-kumpanija tinstalla dawl fuq il-faċċata tal-bini, li hu effiċjenti ħafna f’dik li hi enerġija.

Aktar qabel, verifika esterna mill-Malta Business Bureau, il-Kamra tal-Kummerċ ta’ Malta u l-Assoċjazzjoni Maltija għal-Lukandi u r-Ristoranti għarfu l-miżuri li Nectar ħadet biex tibża għall-ilma, u ddeskrivewhom bħala “eżempju eċċellenti tal-aħjar prattika fil-konservazzjoni tal-ilma”.

Imwaqqfa fl-1991, Nectar għandha waħda mill-akbar sales forces f’Malta. Din tinkludi mal-50 persuna f’sitt taqsimiet ta’ bejgħ, li jirrapreżentaw aktar minn 50 ditta rinomata. Il-varjeta’ estensiva ta’ prodotti tal-ikel, xorb u ħelu tagħha tinsab fis-supermarkets ewlenin, lukandi, ristoranti, bars, kantins, ħwienet tal-merċa, kif ukoll spiżeriji u health shops, apparti minn ħwienet oħra. Fis-snin reċenti, Nectar kisbet ċertifikazzjoni ta’ ISO, kif ukoll rebħet premjijiet għall-ugwaljanza, għat-tagħlim u żvilupp, għall-orjentazzjoni tal-prestazzjoni, għat-teknoloġija, is-saħħa u s-sigurtà, kif ukoll għas-sodisfazzjon fuq il-lant tax-xogħol.

Aħbarijiet Oħra
Barranin

Muniti L-isterlina waqgħet, l-ishma fl-Ewropa tbaxxew u l-prezzijiet bil-quddiem għall-ishma fl-Istati Uniti tilfu ż–żidiet li kellhom, hekk kif sensiela ta’ ministri Ingliżi rriżenjaw bi protesta għal ftehim tal-Prim Ministru Theresa…

Barranin

Muniti Il-muniti Ewropej tbaxxew hekk kif sinjali li t-tkabbir qed jidgħajjef jitfgħu dubju dwar l-abbiltà li l-banek ċentrali fir-reġjun jirtiraw mill-istimulu straordinarju. L-ewro tbaxxa għall-inqas rata f’xahrejn taħt $1.14, jum…

Barranin

Muniti Tħassib dwar il-pjani tal-baġit tal-Italja, evidenti minn żieda fid-dħul tal-bonds, kien wieħed mill-fatturi ewlenin li eżerċita pressjoni ‘l isfel fuq l-ewro. Jidher li l-investituri studjaw sewwa l-aħħar ottimiżmu mill-aġenzija…

Lokali

Biex tiċċelebra l-għaxar edizzjoni tal-kompetizzjoni Bols Around World Lucas Bols qed tistieden lit-timijiet li jaħdmu fil-bars biex jipparteċipaw fl-edizzjoni tal-2019. Għaliex, fl-aħħar mill-aħħar, wara l-cocktails eċċellenti dejjem issib tim sħiħ…

Aktar