Barranin
Nuqqas ta’ dettalji mid-diskussjonijiet kummerċjali bejn iċ-Ċina u l-Istati Uniti jwaqqfu l-irkupru

Muniti

Il-munita unika llum ma kellha ebda żidiet, bir-rata qrib id-$1.1540 wara li kienet żdiedet sa $1.1570 matul in-negozju bil-lejl, l-ogħla minn nofs Ottubru qabel waqfet f’$1.1535. Barra dan, l-ewro tilef 0.28% kontra d-Dollaru Awstraljan u 0.14% kontra l-Yen. L-ewro żdied 0.34% kontra l-Isterlina, 0.01% kontra d-Dollaru Kanadiż u 0.20% kontra l-Frank Żvizzeru.

Indiċi

L-irkupru tal-bidu tas-sena fl-ishma globali waqaf hekk kif l-investituri qed jagħmlu pawsa wara l-aħħar irkupru. In-nuqqas ta’ dettalji konkreti mid-diskussjonijiet kummerċjali bejn iċ-Ċina u l-Istati Uniti jfisser li ma kienx hemm raġuni li l-momentum tal-irkupru jkompli.

Il-FTSE 100 tilef 0.07%; l-iSTOXX 50 tilef 0.29%; id-DAX tbaxxa b’0.24% li kien l-akbar tnaqqis f’ġimgħa u l-CAC 40 tilef 0.62%.

Id-Dow Jones tilef 0.54% mal-ftuħ waqt li l-indiċi tal-Borża ta’ Malta żdied b’0.371%.

Ishma

Fil-qasam tal-ishma lokali, l-HSBC Bank Malta żdied b’4.02% bil-GO juri żieda ta’ 1.98%. Il-Bank of Valletta, International Hotel Investments u l-Malita Investments ma kellhom ebda bidla fil-prezz. Il-Medserv u l-MIDI tbaxxew b’aktar minn 3.50% u tilfu 3.60% u 10.45% rispettivament.

Bonds

Fis-sessjoni tal-bonds lokali, il-Mariner Finance 2024, il-Mediterrean Maritime Hub Finance 2026, il-Von der Heyden Group Finance 2024 u l-International Hotel Investments 2025 żdiedu b’0.20% bil-Mariner Finance 2024 juru l-akbar żieda ta’ 0.99% u għalqu b’$110.74.

Il-Hili Finance Company 2028, l-International Hotel Investments 2024 u l-Izola Bank 2025 tilfu 0.87%; 1.09% u 2.82%.

Il-prezz taż-żejt kien jidher li ser ikollu l-ewwel tnaqqis f’ġimagħtejn, Il-Brent tbaxxa b’0.49% għal $61.14 waqt li l-U.S. light crude tbaxxa b’0.73% għal $51.97.

Id-deheb tilef inqas minn 0.05% għal $1,293.38 waqt li kien hemm tnaqqis ta’ 0.29% għal $15.71.

Aħbarijiet Oħra
Barranin

Muniti L-isterlina llum estendiet it-telf tal-aħħar sitt ġimgħat, għalkemm f’xi ħin kienet qed tiġi nnegozjata għal 0.8926 kull ewro jew 0.25% inqas. It-tħassib kiber li r-Renju Unit riesaq lejn tluq…

Barranin

Muniti L-Isterlina llum tbaxxiet minħabba tħassib li qed jikber li l-ġlieda dwar it-tmexxija tal-Partit Konservaittiv tista’ twassal għal tluq diżordinat mill-Unjoni Eweropea. Boris Johnson, li jinsab fuq quddiem nett biex…

Barranin

Muniti L-Isterlina tbiegħdet mill-inqas rati f’ħames xhur kontra l-Ewro wara li l-pagi fir-Renju Unit matul April żdiedu aktar milli kien mistenni. L-Isterlina dan l-aħħar kienet batuta hekk kif l-investituri qagħdu…

Barranin

Muniti Id-dollaru llum tħabat qrib l-inqas rata f’seba’ ġimgħat, minħabba li kulħadd qed jistenna li l-Federal Reserve ser inaqqas ir-rata tal-interessi bi tweġiba għar-riskji relatati mal-konflitti kummerċjali. L-indiċi tad-dollaru ma…

Aktar