Lokali
Offerta speċjali għas-self personali mill-BOV

Il-Bank of Valletta ħabbar li qed iniedi offerta speċjali fuq il-firxa tiegħu ta’ Self Personali b’effett immedjat. Is-self personali kollu mhux garantit u parzjalment garantit issa huwa disponibbli b’rata tal-imgħax ta’ 4.99%, filwaqt li s-self personali garantit qed jiġi offrut b’rata tal-imgħax ta’ 4.2%. Din l-offerta tibqa’ valida sat-30 ta’ Ġunju 2018.

Meta tkellem dwar l-offerta speċjali, Edward Grech, Chief Officer tal-Consumer Finance qal li din hija maħsuba biex tgħin aktar lill-klijenti li qed ifittxu l-finanzjament għall-proġetti personali tagħhom, kemm jekk huwa l-akkwist ta’ karozza ġdida, ix-xiri ta’ għamara jew xi proġett ta’ rinnovazzjoni fid-dar jew ix-xiri ta’ dgħajsa, biex insemmu ftit minnhom.

Is-Sur Grech tkellem ukoll dwar il-kopertura tal-ħajja bla ħlas li qed tiġi offruta mill-Bank mas-self personali kollu, kemm dak mhux garantit kif ukoll self li huwa parzjalment garantit.  Is-Sur Grech spjega li l-kopertura tal-ħajja qed tiġi offruta b’mod awtomatiku meta jiġi ssanzjonat is-self. Din tapplika għal bilanċi ta’ self sa EUR 25,000, meta l-applikant ikun fl-età ta’ bejn it-18 u d-69 sena.

B’din l-offerta, il-Bank of Valletta qed jagħti lill-klijenti tiegħu żewġ benefiċċji importanti – rata tal-imgħax ferm kompetittiva u kopertura tal-ħajja bla ħlas.  Kull min jixtieq ikun jaf aktar dwar l-Offerta Speċjali fuq is-Self Personali tal-BOV jew dwar il-kopertura tal-ħajja bla ħlas offruta mill-Bank of Valletta jista’ jikseb iktar tagħrif mill-fergħat kollha tal-BOV f’Malta u Għawdex..

Aħbarijiet Oħra
Barranin

Muniti L-ewro żdied b’aktar minn 0.11% kontra d-dollaru għal $1.1330. Barra dan l-ewro wera żieda ta’ 0.48% kontra l-isterlina, 0.15% kontra l-yen u 0.02% kontra l-frank Żvizzeru. Il-munita unika tilfet…

Barranin

Muniti Id-dollaru llum kellu sessjoni mħallta bejn żidiet u telf qabel laħaq l-ogħla rata tal-ġurnata hekk kif l-aħbarijiet dwar l-Istati Uniti u ċ-Ċina kienu dominanti. L-isterlina tilfet minħabba tħassib li…

Barranin

Muniti Wara reazzjoni aktarx kiebja għall-aħħar aħbarijiet li l-Kummissjoni Ewropea illum ma aċċettatx l-aħħar proposti tal-baġit Taljan, kien hemm pressjoni minn bejgħ tad-dollaru fuq ir-rata mal-ewro, bir-rata titla’ għal $1.1400….

Barranin

Muniti L-isterlina waqgħet, l-ishma fl-Ewropa tbaxxew u l-prezzijiet bil-quddiem għall-ishma fl-Istati Uniti tilfu ż–żidiet li kellhom, hekk kif sensiela ta’ ministri Ingliżi rriżenjaw bi protesta għal ftehim tal-Prim Ministru Theresa…

Aktar