Prospett ta’ elezzjoni fir-Renju Unit iżomm l-isterlina fl-ogħla livelli f’6 xhur

Muniti kontra l-ewro

L-ewro ssoda qrib l-ogħla rata fi tliet ġimgħat kontra d-Dollaru li baqa’ dgħajjef minħabba rati baxxi tal-interessi u dubji dwar ir-riforma fiskali mwiegħda mill-President Trump. Il-prospett ta’ elezzjoni fir-Renju Unit, sadanittant żamm lill-isterlina qrib l-ogħla livelli f’sitt xhur.

Indiċi

Fil-ftuħ tan-negozju llum, id-Dow Jones tilef 0.04%. Il-FTSE 100 tilef ukoll b’0.17%. Is-swieq       Ewropej b’mod ġenerali wrew żieda ta’ inqas minn 1%. L-iSTOXX 50 żdied b’0.39%.

Ishma Lokali

Kien hemm ċaqliq kbir fis-sessjoni tal-ishma lokali llum. Is-Santumas Shareholdings u Simonds Farsons Cisk żdiedu bi 2.94% u bi 2.78% rispettivament. Il-MIDI u l-Bank of Valletta tilfu 0.31% u 0.45% rispettivament.

Bonds Lokali

Fis-sessjoni tal-bonds lokali, il-Medserv 2020/23 u l-PTL Holdings 2024 żdiedu bi 2.48% u 0.49% rispettivament. Il-ĦalMann Vella Group 2024 u l-Bank of Valletta 2020 tilfu 2.36% u 2.91%.

Indikaturi ekonomiċi

L-inflazzjoni fiż-żona tal-ewro kienet ogħla minn dik inizjalment imbassra. Il-Eurostat ikkonferma li l-inflazzjoni f’Marzu fid-19-il pajjiż tal-ewro, naqset għal 1.5% minn sena għal sena mill-ogħa livell f’erba’ snin ta’ 2%, matul Frar. Il-bilanċ kummerċjali żdied għal $19.2 biljun minn $15.7 biljun fix-xahar ta’ qabel.

Prodotti Essenzjali

Is-Segretarju Ġenerali tal-OPEC, Mohammed Barkindo qal illum li l-produtturi taż-żejt kollha li ħadu sehem fil-ftehim ta’ qtugħ tal-produzzjoni huma kommessi biex inaqqsu l-inventarji globali għal medja ta’ ħames snin u jġibu lura l-istabbiltà lis-suq.

Il-prezz tad-deheb tilef illum hekk kif issaħħaħ id-dollaru, iżda t-tensjonijiet dwar il-Korea ta’ Fuq u l-elezzjonijiet fi Franza u fir-Renju Unit saħħew is-sentiment tal-investitur għal assi meqjusa bħala siguri.

Aħbarijiet Oħra
Barranin

  Emirates today launched a US$15 million campaign to inspire travel and promote the airline’s extensive network of global destinations including its home and hub, Dubai. The campaign is backed…

Barranin, Lokali

Muniti Kontra l-Ewro Id-dollaru żamm iż-żidiet tal-bidu u baqa’ fl-ogħla livell f’ġimgħa kontra basket ta’ muniti, wara rapport li l-President Amerikan qed imiel lejn għażla ta’ bniedem favur żieda fir-rati…

Barranin

Muniti L-ewro ssaħħaħ kontra d-dollaru u l-isterlina kmieni din il-ġimgħa iżda tilef iż-żieda kontra l-isterlina li żdiedet b’aktar minn ċenteżmu kontra d-dollaru biex laħqet l-ogħla livell fi tmint ijiem kontra…

Barranin

Muniti Kontra l-Ewro Id-dollaru rkupra llum, wara li kien laħaq lanqas rata f’aktar minn ġimagħtejn hekk kif il-bankiera ċentrali tal-Istati Uniti wrew li qed iħarsu b’attenzjoni lejn l-inflazzjoni mgħejjuna minn…

Aktar