Barranin, Lokali
Sentiment ekonomiku pożittiv mistenni jgħin lil Merkel tgħaqqad koalizzjoni

Muniti Kontra l-Ewro

L-ewro żdied b’nofs fil-mija kontra d-dollaru llum u riesaq lejn l-akbar żieda f’ġurnata f’xahar hekk kif l-investituri reġgħu bdew jixtru assi riskjużi fl-Ewropa għax qed jistennew li t-tkabbir ekonomiku ser jibqa’ b’saħħtu. L-isterlina tbaxxiet għall-inqas rata fi kważi tliet ġimgħat kontra l-ewro llum, wara li l-inflazzjoni fir-Renju Unit kienet ftit inqas minn dik mistennija, u għalhekk dgħajfet il-kaz għal aktar żidiet fir-rati tal-interessi.

Indiċi

Id-Dow Jones fetaħ 0.30% inqas għax it-tħassib dwar il-pjani fiskali Repubblikani u l-abbilità tal-ekonomija li taċċetta aktar żidiet fir-rati tal-interess tefgħu pressjoni fuq is-sentiment tal-investituri. Il-FTSE 100 żdied b’0.15% waqt li l-iSTOXX 50, id-DAX u l-CAC 40 tilfu 0.41%, 0.22% u 0.41% rispettivament.

Ishma Lokali

Kien hemm bosta movimenti fis-suq tal-ishma lokali llum bil-GO u l-RS2 Software jiżdiedu b’1.95% u 1.41% rispettivament. F’territorju negattiv kien hemm il-Malta International Airport b’0.85% u l-International Hotel Investments b’1.59%.

Bonds lokali

Is-sessjoni tal-bonds lokali illum kienet pjuttost attiva. L-AX Investments 2024 u l-International Hotel Investments 2025 għalqu f’territorju pożittiv u żdiedu b’0.45% u 0.29% rispettivament. Il-PTL Holdings 2024 kien l-akbar tellief bi 2.40%.

Indikaturi Ekonomiċi

L-inflazzjoni fir-Renju Unit żammet bla mistenni soda matul Ottubru, u żvijat lill-Bank of England u qajmet mistoqsijiet ġodda dwar kemm malajr il-bank ċentrali ser iżid ir-rati tal-interessi wara ż-żieda dan ix-xahar. L-Istitut ZEW qal li l-moral tal-investitur fil-Ġermanja żdied matul Novembru u l-prospetti għall-ekonomija baqgħu “pożittivi u inkorraġġanti” minħabba l-livelli għolja ta’ tkabbir madwar l-Ewropa. Il-Ġermanja qed tgawdi minn tkabbir xprunat minn infiq mill-konsumatur, mgħejjun minn impjiegi f’livell għoli rekord, inflazzjoni moderata u spejjeż ta’ self baxxi ħafna. Ir-riżultat huwa żieda fid-dħul mit-taxxa u bilanċ fil-baġit, li għandu jgħin lill-Kanċillier Angela Merkel tgħaqqad koalizzjoni bejn tliet partiti fil-ġimgħat li ġejjin.

Prodotti Essenzjali

Il-prezzijiet taż-żejt tbaxxew għat-tielet jum wara l-ieħor hekk kif in-negozjanti u l-investituri qed jitħassbu dwar kemm il-prospetti ta’ aktar żieda fil-produzzjoni fl-Istati Uniti tista’ ċċajpar ftit mill-ottimiżmu li t-tnaqqis mmexxi mill-OPEC inaqqas il-bilanċ bejn il-provvista taż-żejt mhux maħdum u d-domanda. Id-deheb tbaxxa għall-inqas prezz f’ġimgħa wara li d-dħul mill-bonds tat-Teżor Amerikan laħaq livelli għolja ġodda għax l-investituri qed jaħsbu dwar żieda fir-rati tal-interessi x-xahar id-dieħel. Iżda it-telf fil-prezz tad-deheb kien limitat minħabba l-inċertezza li qed tiżdied dwar il-prospetti tat-tkabbir fl-Istati Uniti.

Aħbarijiet Oħra
Barranin, Lokali

Muniti Kontra l-Ewro Id-dollaru tbaxxa llum, u laħaq l-inqas rata tas-sessjoni kontra l-yen u l-frank Żvizzeru wara l-ħruġ ta statistika dgħajfa aktar milli mistennija dwar l-ordnijiet għall-oġġetti durabbli fl-Istati Uniti….

Barranin, Lokali

Muniti kontra l-ewro L-ewro ssoda llum wara li rreġistra l-ikbar waqgħa f’ġurnata fis-sessjoni ta’ qabel, peress li l-investituri qed iħarsu lil hinn mill-impass politiku fil-Ġermanja biex jiffokaw fuq l-ekonomija robusta…

Barranin, Lokali

Muniti Kontra l-Ewro L-ewro rkupra mill-inqas rata kontra l-yen negozjata llum fl-Asja, bl-investituri jwarrbu min-nofs ir-riskji politiċi tan-nuqqas tal-Kanċillier Angela Merkel li tifforma koalizzjoni bejn tliet partiti. L-isterlina żdiedet nofs…

Barranin

Group: Revenue up 6% to AED 49.4 billion (US$ 13.5 billion), and profit of AED 2.3 billion (US$ 631 million), up 77%. Results due to capacity optimisation and efficiency initiatives,…

Aktar