Statistika dgħajfa dwar id-djar taffettwa ħażin lid-dollaru

Id-dollaru llum tbaxxa għat-tieni jum kontra r-rivali tiegħu minħabba dħul inqas mill-bonds tat-Teżor wara statistika dgħajfa dwar id-djar hekk kif l-investituri qed iħejju għal-laqgħa dwar il-politika monetarja tal-Federal Reserve fejn mistenni li jkun hemm tnaqqis fir-rati tal-interessi għall-ewwel darba f’10 snin.

Waqt li s-swieq qed jistennew tnaqqis ta’ 25 punt bażi, xi investituri qed jistennew tnaqqis ta’ 50 punt bażi. Il-Federal Reserve mistenni li jbaxxi r-rati b’75 punt bażi sa tmiem is-sena. Minkejja l-aspettativa dejjem tikber ta’ tnaqqis fir-rata tal-interessi fl-Istati Uniti, l-ewro baqa’ mwaħħal f’firxa dejqa ta’ negozju fil-jiem riċenti madwar $1.12 hekk kif l-investituri stennew li l-Bank Ċentrali Ewropew isegwi l-passi tal-Federal Reserve.

L-Isterlina żdiedet llum wara statistika aħjar milli mistennija dwar il-bejgħ bl-imnut u hekk kif l-investituri ħadu l-profitt wara l-waqgħa ta’ din il-ġimgħa fost tħassib ġdid dwar it-theddida ta’ Brexit bla ftehim.

Indiċi

L-ishma tat-teknoloġija kienu fuq quddiem fil-waqgħa tal-ishma fl-Ewropa hekk kif il-kumpanija tas-softwer SAP irrapurtat riżultati fqar u kienet l-aħħar kumpanija li titkellem dwar l-impatt tal-gwerra kummerċjali li għaddejja bejn l-Istati Uniti u ċ-Ċina fuq id-dħul tagħha. Waħda mill-aqwa kumpaniji tat-teknoloġija Ewropea, is-SAP naqset 6.9% wara li għarrfet lill-investituri li ser ikollhom jistennew għal titjib maġġuri fin-negozju għax il-kumpanija rraportat tnaqqis ta’ 21% fil-profitt operattiv ta’ tliet xhur. Dan wassal biex id-DAX jitlef 0.60%.

Ishma

L-ishma lokali llum kienu b’mod ġenerali pożittivi b’Simonds Farsons Cisk jireġistraw l-akbar żieda ta’ 3%. FIMBank avvanzaw 2.44%, il-Malta International Airport 2.14%, il-Malita Inmvestments 0.58%, l-RS2 Software 0.56% u l-GO 0.44%. L-ishma tal-PG għalqu fil-prezz ta’ €1.60.

Bonds

Fil-qasam tal-bonds lokali, in-1923 Investments 2024 żdiedu b’1.96% segwiti mill-Bank of Vallettas 2030 (it-tieni serje) b’1.82%. Il-Bank of Valletta 2030 (l-ewwel serje) avvanzaw b’1% u l-Ħal Mann Vella Group 2024 għalqu b’żieda ta’ 0.96%. Il-Bank of Valletta 2020 żdiedu b’0.50%. Il-Medserv 2020/23 u Tum Finance 2029 it-tnejn tbaxxew b’0.98% u 0.90% rispettivament.

Il-prezzijiet taż-żejt żdiedu b’madwar 1% wara li l-Iran qal li ħataf tanker taż-żejt barrani fil-Golf Persjan fost tensjoni li qed tikber bejn Tehran u l-Punent dwar is-sikurezza tat-tbaħħir fl-Istrett ta’ Ħormuż, passaġġ vitali għall-esportazzjoni taż-żejt. Il-Brent żdied b’57 cents għal $64.23 wara li kien laħaq l-ogħla prezz tas-sessjoni ta’ $64.46.

Aħbarijiet Oħra

L-ewro żdied illum wara stħarriġ dwar is-sentiment ekonomiku Ġermaniż li kien aħjar milli mistenni, biċ-ċaqliq limitati biss minn dubbji li l-ħruġ tiegħu jista’ jibdel ir-retorika tal-Bank Ċentrali Ewropew. Id-dollaru ftit…

Barranin

Muniti Id-dollaru llum issoda kontra muniti sensittivi għall-kummerċ għax reġa’ qam it-tħassib dwar it-taħditiet bejn l-Istati Uniti u ċ-Ċina hekk kif riesqa skadenza importanti, waqt li l-Isterlina issaħħet wara l-aħħar…

Barranin

Id-dollaru dieħla lejn l-agħar ġimgħa minn Ottubru minħabba nervożismu fin-negozju u ħjiel ta’ dgħufija fl-ekonomija Amerikana, bil-fatturi domestiċi li minnhom gawdew id-dollaru ta’ New Zealand u l-isterlina. Il-movimenti kienu baxxi…

Barranin

Muniti L-Isterlina żdiedet għall-ogħla rata f’sentejn u nofs kontra l-ewro, minħabba fiduċja li qed tikber li l-elezzjoni ser tagħti lill-Konservattivi l-maġġoranza li għandhom bżonn sabiex ir-Renju Unit joħroġ mill-Unjoni Ewropea…

Aktar