Barranin
Tonqos b’aktar min-nofs il-produzzjoni taż-żejt minħabba l-maltemp tropikali

L-ewro kien ftit aktar b’saħħtu fil-livell ta’ $1.1264 iżda ftit inqas mill-$1.1285 li laħaq nhar il-Ħamis qabel ma ħarġet id-dejta dwar l-inflazzjoni fl-Istati Uniti.

Id-dollaru kien b’saħħtu l-Ġimgħa wara li reġa’ ssaħħaħ kontra l-kumplament tal-muniti wara li dejta dwar l-inflazzjoni aktar qawwija milli mistenni fl-Istati Uniti xekklet il-prospett ta’ qtugħ aggressiv fir-rata tal-interess tal-Federal Reserve aktar tard dan ix-xahar.

Is-sinjali ta’ tisħiħ fl-inflazzjoni flimkien ma’ dejta separata dwar il-qgħad li turi li s-suq tax-xogħol baqa’ qawwi, naqqsu l-aspettattivi tas-suq finanzjarju ta’ qtugħ aggressiv ta’ 50 punt bażi fil-laqgħa tal-Federal Reserve li se ssir bejn it-30 u l-31 ta’ Lulju. Is-swieq għadhom qed jistennew qtugħ ta’ kwart ta’ punt perċentwali hekk kif dawk li jagħmlu l-politiċi fl-Istati Uniti qed ifittxu li jappoġġjaw ekonomija aktar kajmana.

L-ismha Ażjatiċi għaddew minn telf żgħir għal qligħ il-Ġimgħa hekk kif l-investituri stennew dejta dwar il-kummerċ, is-self u t-tkabbir fiċ-Ċina u hekk kif tħassib dwar tensjonijiet fil-kummerċ bejn iċ-Ċina u l-Istati Uniti naqqsu l-ottimiżmu fl-aspettattivi ta’ qtugħ fir-rata tal-Federal Reserve dan ix-xahar.

L-iStoxx 50 STXEc1 telgħu għal 0.29% fil-livell ta’ 3,500, id-DAX Ġermaniż tela’ għal 0.36% fil-livell 12,367 u l-FTSE telgħu għal 0.34% fil-livell ta’ 7,475. L-investituri finanzjarji jistennew li l-CAC ta’ Pariġi jiftaħ ogħla b’0.38%.

Il-bonds fuq għaxar snin tal-Gvern Ġermaniż mistennija jiffaċċjaw l-ikbar bejgħ sa minn Frar 2018 il-Ġimgħa hekk kif sinjali ta’ saħħa ekonomika fl-Istati Uniti u parti mill-Ewropa qed ibassru li se tingħeleb il-biża’ ta’ pessimiżmu ekonomiku.

Il-prezzijiet taż-żejt kienu qrib l-ogħla livell f’dawn l-aħħar sitt ġimgħat hekk kif il-produtturi taż-żejt fil-Golf tal-Messiku naqsu b’aktar min-nofs il-produzzjoni tagħhom minħabba l-maltemp tropikali u t-tensjonijiet fil-Lvant Nofsani.

Iż-żejt Brent tela’ 53 ċenteżmu jew 0.8%, fil-livell ta’ $67.05 kull barmil. Il-livell internazzjonali niżel 0.7% nhar il-Ħamis wara li laħaq l-ogħla livell sa minn Mejju għal-livell ta’ $67.65 kull barmil.

Iż-żejt tal-West Texas tela’ 42 ċenteżmu jew 0.7%, bil-prezz ta’ $60.62 kull barmil. Il-livell tal-Istati Uniti kienu fl-ogħla livell tiegħu sa mit-23 ta’ Mejju fis-sessjoni preċedenti fil-livell ta’ $60.94.

Il-prezz tad-deheb tela’ l-Ġimgħa u miexi lejn l-ogħla livell fil-ġimgħa meta ssaħħaħ ‘il fuq mill-$1,400 hekk kif tensjonijiet ġodda fil-kummerċ bejn iċ-Ċina u l-Istati Uniti qalb tħassib globali u prospetti ta’ qtugħ fir-rata tal-interess mill-Federal Reserve kebbsu l-bżonn għal domanda sigura.

Aħbarijiet Oħra
Barranin

Id-dollaru ssoda llum iżda xorta kien fuq id-difiża wara li uffiċjali tal-Federal Reserve saħħew l-aspettattiva ta’ tnaqqis aggressiv fir-rati tal-interessi dan ix-xahar biex jindirizzaw il-pressjonijiet dgħajfa mill-prezzijiet. F’konferenza tal-bank ċentrali,…

Barranin

Muniti L-Isterlina tbaxxiet għal inqas minn $1.24 illum, livelli li qatt ma kienet fihom għal aktar minn sentejn, hekk kif l-investituri komplew jistudjaw ir-riskji li qed jikbru li r-Renju Unit…

Barranin

Muniti L-ewro llum baqa’ fil-firxa riċenti ta’ negozju kontra d-dollaru, bil-progress tiegħu limitat mill-aspettattiva dwar pożizzjoni mhux aggressiva tal-bank Ċentrali Ewropew il-ġimgħa d-dieħla u wara li l-investituri saru inqas aggressivi…

Barranin

Muniti L-isterlina żdiedet illum u rkuprat il-parti l-kbira tat-telf li kellha kmieni din il-ġimgħa wara li ċ-Chairman tal-Federal Reserve Jerome Powell ħalla l-bieb miftuħ għal tnaqqis fir-rati, għalkemm l-ekonomija Ingliża…

Aktar