Barranin
Trump jisħaq li l-bank ċentrali Amerikan għandu jagħmel aktar biex jgħin jixpruna l-ekonomija

L-Ewro, li waqa’ għall-inqas rata fi 13-il xahar kmieni l-ġimgħa li għaddiet fost tħassib li l-kriżi Torka tolqot ħażin lill-banek Ewropej, żdied illum.

Id-Dollaru tbaxxa llum wara li l-President Donald Trump ikkritika l-kap tal-Federal Reserve wara li dan żied ir-rati tal-interessi.

Trump qal lill-aġenzija Reuters f’intervista ilbieraħ li ma “kienx ferħan” biż-żidiet ta’ Jerome Powell u qal li l-bank ċentrali Amerikan għandu jagħmel aktar sabiex jgħin jixpruna l-ekonomija.

Il-President tal-Istati Uniti rarament jikkritikaw lill-Federal Reserve, li l-indipendenza tiegħu hija meqjusa bħala kruċjali għall-istabbiltà ekonomika, iżda Trump għamel it-tnaqqis tal-iżbilanċ kummerċjali waħda mill-prijoritajiet tiegħu u ż-żieda fir-rati tal-interessi u t-tisħiħ tad-Dollaru jipprovdu riskju għat-tkabbir fl-esportazzjoni.

Indiċi

Il-FTSE 100 inżamm lura minn sterlina aktar b’saħħitha. L-iSTOXX 50, li huwa taħlita ta’ 50 kumpanija ewlenija fiż-żona tal-ewro żdied b’0.73%.

Ishma

Il-Borża ta’ Malta llum reġgħet rat ċaqliq fil-prezzijiet. Il-Bank of Valletta żdiedu b’1.33% għal €1.52. Min-naħa l-oħra, l-International Hotel Investments tbaxxew bi 3.15%.

Bonds

Il-bonds lokali llum kienu ġeneralment pożittivi. L-International Hotel Investments 2023 kellhom żieda ta’ 2.84% segwiti minn Central Business Centres 2025 li żdiedu b’1.43%. Il-Bortex Group Finance 2027 kellhom tnaqqis ta’ 0.47%.

Il-prezzijiet taż-żejt illum żdiedu sostnuti minn tamiet ta’ tnaqqis fil-provvisti ladarba s-sanzjonijiet Amerikan kontra l-Irabn jibdew jaħdmu f’Novembru, iżda ż-żieda kienet limitata minħabba tħassib li t-tilwima kummerċjali bejn l-Istati Uniti u ċ-Ċina ser ikollha effett fuq it-tkabbir tad-domanda.

Ix-xiri bil-quddiem tal-Brent kien bit-$72.44 kull barmil, żieda ta’ 3 cents mill-aħħar għeluq tas-suq.

Il-U.S. West Intermediate żdied b’0.78% għal $66.95.

Il-prezzijiet tad-deheb żdiedu minħabba Dollaru aktar dgħajjef u estendew iż-żidiet għat-tielet sessjoni wara l-kummenti tal-President Trump dwar iż-żieda fir-rati tal-interessi.

Aħbarijiet Oħra
Barranin

Muniti L-isterlina llum estendiet it-telf tal-aħħar sitt ġimgħat, għalkemm f’xi ħin kienet qed tiġi nnegozjata għal 0.8926 kull ewro jew 0.25% inqas. It-tħassib kiber li r-Renju Unit riesaq lejn tluq…

Barranin

Muniti L-Isterlina llum tbaxxiet minħabba tħassib li qed jikber li l-ġlieda dwar it-tmexxija tal-Partit Konservaittiv tista’ twassal għal tluq diżordinat mill-Unjoni Eweropea. Boris Johnson, li jinsab fuq quddiem nett biex…

Barranin

Muniti L-Isterlina tbiegħdet mill-inqas rati f’ħames xhur kontra l-Ewro wara li l-pagi fir-Renju Unit matul April żdiedu aktar milli kien mistenni. L-Isterlina dan l-aħħar kienet batuta hekk kif l-investituri qagħdu…

Barranin

Muniti Id-dollaru llum tħabat qrib l-inqas rata f’seba’ ġimgħat, minħabba li kulħadd qed jistenna li l-Federal Reserve ser inaqqas ir-rata tal-interessi bi tweġiba għar-riskji relatati mal-konflitti kummerċjali. L-indiċi tad-dollaru ma…

Aktar