Attivita
13-il student b’wirja ta’ fotografija u animazzjoni fl-Università

Id-Dipartiment tal-Arti Diġitali tal-Fakultà tal-Media and Knowledge Sciences, fl-Università ta’ Malta, jistieden lill-pubbliku għal NU, wirja mtellgħa minn grupp ta’ tlettax-il student u studenta fl-aħħar sena tal-BFA Hons in Digital Arts (Baċċelerat fl-Arti Diġitali). Din il-wirja ta’ arti hija parti mill-proġett tal-istudenti tal-aħħar sena, u ser tittella’ fl-istudio tal-Fakultà.

L-isem NU huwa meħud mit-13-il ittra tal-alfabet Grieg, li jirrappreżenta n-numru ta’ parteċipanti.

NU tinkorpora numru ta’ proġetti li jvarjaw minn fotografija u illustrazzjoni, għal animazzjoni u arti kunċettwali. Apparti dan, l-istudenti jridu jieħdu ħsieb il-‘branding’, id-disinn, il-PR u l-‘marketing’ tax-xogħolijiet tagħhom, fuq livell kemm personali kif ukoll kollettiv.

Dan kollu ser jintwera fil-ftuħ tal-wirja NU fil-25 ta’ Mejju 2018 fis-7.30 ta’ filgħaxija. Kulħadd huwa mistieden. Waqt li l-istudenti ser juru xogħolhom ser ikunu wkoll lesti jiddiskutu l-proġetti tagħhom. Il-wirja ser tibqa’ miftuħa sat-8 ta’ Ġunju 2018 waqt il-ħinijiet tal-uffiċċju.

Il-kors li huwa fuq tliet snin jinkludi studju ta’ natura prattika kif ukoll teoretika f’diversi tekniki tradizzjonali u kontemporanji fil-kuntest tal-llum.

Il-kors jipprepara l-istudenti fil-ħsieb kreattiv li bih ikunu kapaċi jsolvu diversi problemi bl-użu tal-arti u d-disinn. L-għan prinċipali huwa li l-istudenti jitgħallmu kif ikunu professjonali fil-qasam tal-arti diġitali, fid-disinn grafiku u fl-animazzjoni. L-illustrazzjoni u l-fotografija huma ukoll prominenti fiż-żewġt oqsma tal-kors. F’dawn it-tliet snin, l-istudenti jitgħallmu dwar ir-riċerka, il-kollaborazzjoni, u l-ħolqien ta’ kontentut f’kuntest artistiku sabiex jesperimentaw b’tekniki u suġġetti diversi.

Aħbarijiet Oħra
Attivita

4Teenth Productions taħt id-direzzjoni ta’ Dominic Said qed jilqgħu is-sejħiet ta’ interess għal auditions li ser isiru għall-produzzjoni ġdida ‘Il-Praspar ta’ Kunċett u Marinton’ mill-ktieb ta’ Trevor Zahra. Din ser ssir fl-aħħar weekend t’Ottubru u fl-ewwel weekend ta’…

Attivita

Il-unions tal-Pulizija ngħaqdu biex nhar is-Sibt fil-Belt jorganizzaw mixja b’solidarjetà mal-membri tal-Korp. Fi stqarrija mill-Police Officers Union, il-Malta Police Association u l-Malta Association of Retired Police Officers intqal li l-mixja…

Attivita

Il-Kunsill Lokali taż-Żejtun flimkien mal-Għaqda Għassara tal-Inbid se jkunu qed jorganizzaw kors ‘Kif Tagħmel l-Inbid?’. Dan il-kors bażiku bla ħlas se jkun qed isir fuq tliet darbiet it-Tnejn 21, 28…

Aktar