Attivitajiet Kulturali
15-il ġurnata ta’ mużika Barokka f’14-il lokalità differenti

14-il-lokalità madwar Malta se jqattgħu 15-il ġurnata ta’ mużika waqt is-sitt edizzjoni tal-Valletta International Baroque Festival.

Il-festival li se jsir bejn it-13 u s-27 ta’ Jannar se jitella’ mit-Teatru Manoel.

Bħas-snin ta’ qabel, fil-festival se jieħdu sehem numru ta’ artisti magħrufa fix-xena tal-mużika Barokka Internazzjonali. Il-leġġenda Mahan Esfahani se jirritorna din is-sena biex ipaxxi lil kulħadd bil-mużika sabiħa tiegħu fuq il Harpscord, flimkien ma’ La Folia Barockorchester. Daqstant poplari huma il-Ghislieri Choir and Consort, li din is-sena, se jkunu qed jieħdu sehem f’żewg kunċerti.

Għall-ewwel darba, il-Festival se joħroġ ‘il  barra mill-Belt u jmur f’diversi lokalitajiet li għandhom rabta mal-istil ta’ mużika li tkun qed tigi esegwita. Dawn jinkludu il-Katidral Metropolitan tal-Imdina u l-Aula Capitulare, il-Palazz Verdala, u il-Mużew Marittimu fil-Birgu.

Il-Festival jiftaħ fit-13 ta’ Jannar fit-Teatru Manoel b’wieħed mill-iktar xogħolijiet magħrufa ta’ Vivaldi:  The Four Seasons, bil-vjolinista Shunske Sato u Concerto Koln li se jkunu qed jagħtu prestazzjoni oħra l-għada fil-kunċert Bach and Italy, ukoll fit-Teatru Manoel.

Artitsti oħra ta’ fama internazzjonali li se jagħtu sehemhom fil-Festival jinkludu lil Concerto Romano, Scholars and Gentlemen, Collegium Orpheus, Het Collctief u Abchordis Ensemble.

Bħas-snin ta’ qabel, u bil-permess ġentili  tal-Kapitlu Metropolitan tal-Mdina, il-Festival se jinkludi Mużika mill-Arkivji tal-Mużew tal-Katidral tal-Imdina,  interpretata mill-Valletta International Baroque Ensemble  fil-21.  Nhar it-23 ta’ Jannar, Collegium Orpheus, immexxija min Jean Marc Labylle, se jtellgħu  Messa Due Cori,  miktuba mill-qassis Malti  Benigno Zerafa.

Kunċert ieħor li m’għandux jintilef huwa il-Monteverdi Vespers mill-Valletta International  Baroque Ensemble, u Cantar Lontano, taħt id-direzzjoni ta’Marci Mencoboni. Dan se jsir fil-Knisja Parrokkjali ta’ Santa Katerina fiż-Żejtun fil-25 ta’ Jannar .

Aktar artisti lokali li se jieħdu sehem jinkludu lill- kitarrista Simon Schembri, kif ukoll Sandro Zerafa u l-ħbieb fejn mużika Barokka  ser tiġi mħallta mal-ġeneru tal-Jazz.

L-Orkestra Filarmonika ta’ Malta, immexxija  minn Riccardo Bianchi, se twasslilna mużika mill-isbaħ ta’ Grieg, Tansmann, Gravina u Villa-Lobos.

Nhar il-Ħadd, 14 ta Jannar, l-Istudio Theatre se jkun miftuħ għall-famija kollha għall-Baroque Treasure Hunt, filwaqt li fil-21 ta’ Jannar se jkun qed jittlella’ Barque Jazz for Children.

Aħbarijiet Oħra
Attivitajiet Kulturali

Din l-attività ġiet posposta minħabba t-temp. Data oħra titħabbar iktar tard. Il-Ministru għal Għawdex Justyne Caruana nediet l-ewwel edizzjoni tal-attività Lejl Imkebbes li ser issr nhar is-Sibt, 3 ta’ Novembru…

Informazzjoni

Nhar il-Ħadd, 28 t’Ottubru, Heritage Malta qed tistieden lill-pubbliku biex igawdi attivitajiet varji li qed jiġu organizzati fis-sit arkeoloġiku ta’ San Pawl Milqi f’Burmarrad. Bosta mill-attivitajiet se jiffukaw fuq il-produzzjoni,…

Attivitajiet Kulturali

Għal sena oħra konsekuttiva, nhar il-Ħadd li ġej 21 ta’ Ottubru 2018 għall-ħabta tas-6.00 ta’ filgħaxija, ser tkun qiegħda tittella’ l-akbar fjakkolata fil-gżira ta’ Għawdex ġewwa r-raħal ta’ Santa Luċija….

Attivitajiet Kulturali

Nhar il-Ħadd, 7 t’Ottubru, Heritage Malta se tkun qed tiftaħ Għar Dalam u l-Mużew tiegħu f’Birżebbuġa għall-pubbliku bla ħlas. Din hija opportunità biex wieħed iżur l-eqdem sit preistoriku li hawn…

Aktar