Attivita'
30,000 xemgħa se jixegħlu ċ-Ċittadella f’Lejl Imkebbes

B’aktar minn 30,000 xemgħa ta’ kull daqs u għamla, it-toroq dojoq taċ-Ċittadella mistennijja jieħdu bixra oħra, f’attivita unika, u oriġinali li għandha tkompli tgħati glorja lill-belt medjevali ta’ Għawdex.

Numru ta’ artisiti ser ikunu qiegħdin iħejju disinji fix-xemgħa u esebiti oħrajn sabiex jikkumplimentaw is-sbuħija taċ-Ċittadella u l-veduti spettakolari li toffri l-gżira Għawdxija.

Iċ-Ċittadella ser tieħu l-ħajja b’attività kontinwa u bla waqfien mis-6pm sa nofs il-lejl, b’esebizzjonijiet artisitċi, inizjattivi storiċi, dħul b’xejn għall-mużewijiet kollha fiċ-Ċittadella, divertiment u attivitajiet għat-tfal.

Fis-6pm ser jibdew sensiela ta’ kunċerti minn artisti lokali u internazzjonali mill-artisti Franċiżi Cherif Mbaw, Klinsmann Coleiro, The Busker u l-big band popolari DCapitals. Jikkumplimentaw il-veduta eċċezzjonali minn fuq is-sur ta’ San Mikiel ser ikun hemm mużika Jazz minn Jasmine u Hot Club of Valletta.  Fi Pjazza Katidral il-Kor Nazzjonali tat-Tfal ser ikun qed jagħti rappreżentazzjonijiet żgħar minn ħin għal ieħor.

L-ikel ma jonqosx, b’numru ta’ bankarelli li ser ikunu qiegħdin joffru ikel Malti, Mediterranju u partikolarment Indjan, b’għażla wiesa’ ta’ platti għall-familja kollha. Gruppi ta’ reenactments ser ikunu qiegħdin iduru madwar it-toroq taċ-Ċittadella sabiex joħolqu atmosfera unika u jbiddlu t-toroq f’rakkont ta’ storja ħajja.

Il-mużewijiet kollha fiċ-Ċittadella, inkluż ċ-Ċentru tal-Viżitaturi, il-Mużew tal-Arkeoloġija, il-Ħabs l-Antik, il-Ħażna tal-Muniżjon, il-Fosos u x-xelters tat-Tieni Gwerra Dinija ser ikunu miftuħa għall-pubbliku b’xejn matul l-attività.

Lejl Imkebbes ser isir fis-Sibt 16 ta’ Marżu mis-6pm ‘il quddiem. Id-dħul huwa b’xejn għal kulħadd.

Aħbarijiet Oħra
Attivita'

L-Għaqda Filantropika Talent Mosti qed ittella’ esebizzjoni tal-mużajk Of Land and Sea minn Raymond Aquilina u Flavia Marmara. Raymond Aquilina u Flavia Marmarà huma żewġ kollegi u artisti appasjonati fl-arti tal-mużajk….

Attivita'

Għada, Heritage Malta qed tistieden lill-pubbliku biex jattendi għal laqgħa kommemorattiva f’isem l-iskultur Frans Galea, fil-mużew nazzjonali tal-arti MUŻA. F’dan l-avveniment se jattendu familjari u ħbieb ta’ Galea biex jaqsmu…

Attivita'

Nhar il-Ħadd, 19 ta’ Mejju, Heritage Malta b’kollaborazzjoni mal-NGO Friends of Villa Frere qed jistiednu lill-pubbliku biex iżur il-ġonna kurjużi ta’ Villa Frere f’Tal-Pietà. Għalkemm fl-aqwa żmien tiegħu dan il-post…

Attivita'

Il-Ġimgħa 17 ta Mejju, mill-10 ta’ filgħodu sa nofsinhar, fi Pjazza Tritoni, il-Belt Valletta, il-Fondazzjoni ta’ Malta għall-Ġid tas-Soċjetà, f’kollaborazzjoni maċ-Ċentru Kulturali Ċiniż f’Malta, ser ikunu qegħdin jorganizzaw it-tieni edizzjoni…

Aktar